列王紀上 第 8 章

1

(THR) Hit-sî Só͘-lô-bûn chū-chı̍p Í-sek-lia̍t ê tióng-ló, kap ta̍k chi-phài ê siú-léng, í-kı̍p Í-sek-lia̍t lâng hiah ê cho̍k-tiúⁿ, kàu Iâ-lō͘-sat-léng Só͘-lô-bûn ông hia, beh chiong Iâ-hô-hoa ê iok-kūi, tùi Tāi-pı̍t siâⁿ, chiū-sī Sek-an, ūn-chiūⁿ--lâi.

(BCL) 彼時，所羅門聚集以色列的長老及逐支派的首領，以及以色列人許個族長，到耶路撒冷所羅門王遐，欲將耶和華的約櫃對大衛城──就是錫安──運上來。

2

(THR) Í-tha-liām ge̍h, chiū-sī chhit-ge̍h, ê choeh-kî, Í-sek-lia̍t lâng lóng chū-chı̍p kàu Só͘-lô-bûn ông hia.

(BCL) 以他念月，就是七月的節期，以色列人攏聚集到所羅門王遐。

3

(THR) Í-sek-lia̍t ê tióng-ló lóng lâi, hiah ê chè-si kng iok-kūi.

(BCL) 以色列的長老攏來，許個祭司扛約櫃，

4

(THR) In chiū kng Iâ-hô-hoa ê kūi, kap hōe-bō͘, í-kı̍p Pò͘-pîⁿ-lāi it-chhè sèng ê khì-kū chiūⁿ-lâi; chè-si kap Lī-bī lâng lóng kng i chiūⁿ-lâi.

(BCL) 就扛耶和華的櫃，及會幕以及布棚內一切聖的器具上來，祭司及利未人攏扛伊上來。

5

(THR) Só͘-lô-bûn ông kap chū-chı̍p kàu i hia Í-sek-lia̍t ê chôan-hōe tī iok-kūi chêng hiàn iûⁿ, gû, chòe chè-sū, chōe kàu bōe-sǹg-tit, iā sǹg-bōe-liáu.

(BCL) 所羅門王及聚集到伊遐以色列的全會，佇約櫃前獻羊牛做祭祀，多到算得，也算了。

6

(THR) Chè-si kng Iâ-hô-hoa ê iok-kūi kàu i ê só͘-chāi, jı̍p hit keng chhù ê āu-tiān, kàu Chì-sèng-só͘, hē tī ki-lō͘-peng ê sı̍t-ē.

(BCL) 祭司扛耶和華的約櫃到伊的所在入彼間厝的後殿，到至聖所，下佇兵的翅下。

7

(THR) In-ūi ki-lō͘-peng thí-khui in ê sı̍t, tī kūi ê só͘-chāi ê téng-bīn; koh ki-lō͘-peng tī hí(**hit) téng-bīn jia-khàm kūi, kap i ê kǹg.

(BCL) 因為兵展開的翅，佇櫃的所在的頂面，閣兵佇彼頂面遮蓋櫃，及伊的槓。

8

(THR) Hiah ê kǹg chin-tn̂g, kǹg-bé tī āu-tiān-chêng ê Sèng-só͘ thang khòaⁿ-kìⁿ, tī gōa-bīn chiū bōe khòaⁿ-kìⁿ; kàu kin-á-jı̍t iáu tī-hia.

(BCL) 許個槓真長，槓尾佇後殿前的聖所通看見，佇外面就看見，到今仔日猶佇遐。

9

(THR) Kūi-lāi chí-ū nn̄g tè chio̍h-pi, chiū-sī Í-sek-lia̍t lâng chhut Ai-kı̍p tōe, Iâ-hô-hoa kap in lı̍p-iok ê sî, Mô͘-se tī Hô-lia̍t soaⁿ só͘ hē--ê; che í-gōa bô pa̍t-hāng mı̍h.

(BCL) 櫃內只有二塊石碑，就是以色列人出埃及地，耶和華及立約的時摩西佇何烈山所下的。這以外，無別項物。

10

(THR) Tng chè-si tùi sèng-só͘ chhut-lâi ê sî, ū hûn chhiong-móa Iâ-hô-hoa ê tiān;

(BCL) 當祭司對聖所出來的時，有雲充滿耶和華的殿；

11

(THR) tì-kàu chè-si ūi-tio̍h hûn ê iân-kò͘ bōe-ōe-khiā--teh ho̍k-sāi; in-ūi Iâ-hô-hoa ê êng-kng chhiong-móa Iâ-hô-hoa ê tiān.

(BCL) 致到祭司為著雲的緣故會徛服事，因為耶和華的榮光充滿耶和華的殿。

12

(THR) Hit-sî Só͘-lô-bûn kóng, Iâ-hô-hoa bat kóng I beh tiàm tī o͘-o͘ àm-àm ê só͘-chāi.

(BCL) 彼時所羅門講：耶和華曾講，伊欲踮佇黑黑暗暗的所在。

13

(THR) Góa í-keng khí chit keng tiān hō͘ Lí khiā-khí, chòe Lí éng-óan tòa ê só͘-chāi.

(BCL) 我已經起此間殿互你徛起，做你永遠住的所在。

14

(THR) Ông o̍at-tńg i ê bīn chiok-hok Í-sek-lia̍t hōe-chiòng; Í-sek-lia̍t hōe-chiòng lóng khiā--khí-lâi.

(BCL) 王越轉伊的面祝福以色列會眾，以色列會眾攏徛起來。

15

(THR) I kóng; Iâ-hô-hoa Í-sek-lia̍t ê Siōng-tè sī eng-kai o-ló ê, in-ūi I chhin-chhùi tùi góa ê pē Tāi-pı̍t só͘ èng-ún ê, iā chhin-chhiú èng-giām i, kóng,

(BCL) 伊講：「耶和華──以色列的上帝是應該謳咾的！因為伊親嘴對我的父大衛所應允的，也親手應驗伊。

16

(THR) Tùi Góa chhōa Góa ê peh-sìⁿ Í-sek-lia̍t chhut Ai-kı̍p í-lâi, Góa bē-bat tī Í-sek-lia̍t chèng chi-phài-tiong kéng chı̍t ê siâⁿ, khí tiān hō͘ Góa ê miâ tī-hia; to̍k-to̍k kéng Tāi-pı̍t tī-lí Góa ê peh-sìⁿ Í-sek-lia̍t.

(BCL) 講：『對我導我的百姓以色列出埃及以來，我未曾佇以色列眾支派中揀一個城起殿互──我的名佇遐，獨獨揀大衛治理我的百姓以色列。』

17

(THR) Góa ê pē Tāi-pı̍t sim-lāi ū ì-sù, beh ūi Iâ-hô-hoa Í-sek-lia̍t ê Siōng-tè ê miâ khí tiān.

(BCL) 我的父大衛心內有意思，欲為耶和華──以色列的上帝的名起殿。

18

(THR) Chóng-sī Iâ-hô-hoa tùi góa ê pē Tāi-pı̍t kóng, Lí ê sim ū ì-sù beh ūi Góa ê miâ khí tiān, lí chit ê ì-sù chin hó;

(BCL) 總是耶和華對我的父大衛講：『你的心有意思欲為我的名起殿，你此個意思真好。

19

(THR) to̍k-to̍k lí m̄-thang khí tiān; lí só͘ chhin-siⁿ ê kiáⁿ beh ūi Góa ê miâ khí tiān.

(BCL) 獨獨你呣通起殿，你所親生的子欲為我的名起殿。』

20

(THR) Taⁿ Iâ-hô-hoa èng-giām I só͘ kóng ê ōe; góa chiàu Iâ-hô-hoa ê ōe khí-lâi sòa-chiap góa ê pē Tāi-pı̍t, chē Í-sek-lia̍t ê kok-ūi; koh ūi Iâ-hô-hoa Í-sek-lia̍t Siōng-tè ê miâ khí tiān.

(BCL) 今耶和華應驗伊所講的話，我照耶和華的話起來續接我的父大衛坐以色列的國位，閣為耶和華──以色列上帝的名起殿。

21

(THR) Góa iā tī-hia ūi iok-kūi pī-pān chı̍t só͘-chāi, kūi-lāi ū Iâ-hô-hoa ê iok, chiū-sī I chhōa lán ê lia̍t-chó͘ chhut Ai-kı̍p ê sî, kap in só͘ lı̍p ê iok.

(BCL) 我也佇遐為約櫃備辦一所在。櫃內有耶和華的約，就是伊導咱的列祖出埃及的時，及所立的約。」

22

(THR) Só͘-lô-bûn tng Í-sek-lia̍t hōe-chiòng ê bīn-chêng, khiā tī Iâ-hô-hoa ê tôaⁿ-chêng, kia̍h-khí chhiú ǹg thiⁿ, kóng,

(BCL) 所羅門當以色列會眾的面前，徛佇耶和華的壇前，抬起手向天講：

23

(THR) Iâ-hô-hoa Í-sek-lia̍t ê Siōng-tè ah, tī thiⁿ-téng, tī tōe-ē, bô ū Siōng-tè chhin-chhiūⁿ Lí siú-iok kiâⁿ jîn-ài tī Lí hiah ê lô͘-po̍k, chiū-sī chīn-sim kiâⁿ tī Lí ê bīn-chêng ê.

(BCL) 「耶和華──以色列的上帝啊，佇天頂佇地下，無有上帝親像你守約行仁愛佇你許個奴僕，就是盡心行佇你的面前的；

24

(THR) Lí tùi Lí ê lô͘-po̍k góa ê pē Tāi-pı̍t só͘ èng-ún ê, Lí ū siú i; Lí chhin-chhùi kóng ê, chhin-chhiú èng-giām i, chiàu kin-á-jı̍t ê khóan.

(BCL) 你對你的奴僕──我的父大衛所應允的你有守伊。你親嘴講的，親手應驗伊，照今仔日的款。

25

(THR) Iâ-hô-hoa Í-sek-lia̍t ê Siōng-tè ah, Lí só͘ èng-ún Lí ê lô͘-po̍k góa ê pē Tāi-pı̍t kóng, Lí ê kiáⁿ-sun nā kín-sīn in ê só͘-chòe, kiâⁿ tī Góa ê bīn-chêng, chhin-chhiūⁿ lí kiâⁿ tī Góa ê bīn-chêng, chiū sio̍k tī lí-ê beh tī Góa ê bīn-chêng chē Í-sek-lia̍t ê kok-ūi éng bô tn̄g; taⁿ kiû Lí èng-giām i.

(BCL) 耶和華──以色列的上帝啊，你所應允你的奴僕──我的父大衛講：『你的子孫若謹慎的所做，行佇我的面前親像你行佇我的面前，就屬佇你的欲佇我的面前坐以色列的國位，永無斷。』今求你應驗伊。

26

(THR) Í-sek-lia̍t ê Siōng-tè ah, Lí tùi Lí ê lô͘-po̍k góa ê pē Tāi-pı̍t só͘ kóng ê, kiû Lí hō͘ i chiâⁿ-chòe sı̍t-sū.

(BCL) 以色列的上帝啊，你對你的奴僕──我的父大衛所講的，求你互伊成做實事。

27

(THR) Siōng-tè chin-chiàⁿ beh khiā-khí tōe-chiūⁿ mah? Khòaⁿ ah, thiⁿ kap chiah ê thiⁿ ê thiⁿ siōng-chhiáⁿ bô kàu-gia̍h hō͘ Lí khiā-khí, hô-hòng góa só͘ khí chit keng tiān ah?

(BCL) 「上帝真正欲徛起地上嗎？看啊，天及諸個天的天尚且無夠額互你徛起，何況我所起此間殿啊？

28

(THR) Iâ-hô-hoa góa ê Siōng-tè ah, gōan Lí àⁿ-lo̍h siàu-liām Lí ê lô͘-po̍k ê kî-tó khún-kiû, lâi thiaⁿ Lí ê lô͘-po̍k kin-á-jı̍t só͘ kî-tó tī Lí bīn-chêng ê kiû-kiò kî-tó.

(BCL) 耶和華──我的上帝啊，願你俯落數念你的奴僕的祈禱懇求，來聽你的奴僕今仔日所祈禱佇你面前的求叫祈禱。

29

(THR) Gōan Lí jı̍t-mî khòaⁿ-kò͘ chit ê tiān, chiū-sī Lí só͘ kóng-khí Góa ê miâ beh tī-hia ê só͘-chāi, lâi thiaⁿ. Lí ê lô͘-po̍k só͘ beh ǹg chit só͘-chāi kî-tó ê kî-tó.

(BCL) 願你日暝看顧此個殿，就是你所講起我的名欲佇遐的所在；來聽你的奴僕所欲向此所在祈禱的祈禱。

30

(THR) Lí ê lô͘-po̍k kap Lí ê peh-sìⁿ Í-sek-lia̍t ǹg chit só͘-chāi kî-tó ê sî, gōan Lí thiaⁿ in ê kî-kiû; gōan Lí tī thiⁿ--nih, Lí khiā-khí ê só͘-chāi, lâi thiaⁿ in; Lí thiaⁿ-kìⁿ ê sî, chiū sià-bián.

(BCL) 你的奴僕及你的百姓以色列向此所在祈禱的時，願你聽的祈求，願你佇天裡，你徛起的所在來聽，你聽見的時就赦免。

31

(THR) Lâng nā tek-chōe i ê chhù-piⁿ, iā ū lâng ēng chı̍t ê chiù-chōa kah i chiù-chōa, i nā lâi chit keng tiān, tī Lí ê tôaⁿ-chêng chiù-chōa;

(BCL) 「人若得罪伊的厝邊，也有人用一個咒誓教伊咒誓，伊若來此間殿佇你的壇前咒誓，

32

(THR) kiû Lí tī thiⁿ--nih thiaⁿ lâi pān-lí i, sím-phòaⁿ Lí chiah ê lô͘-po̍k, tēng pháiⁿ-lâng ê chōe, chiàu i só͘-kiâⁿ--ê, pò-èng tī i ê thâu-khak; tēng gī-lâng chòe-gī, chiàu i ê gī lâi hō͘ i.

(BCL) 求你佇天裡聽，來辦理伊，審判你諸個奴僕：定歹人的罪，照伊所行的，報應佇伊的頭殼；定義人做義，照伊的義來互伊。

33

(THR) Siat-sú Lí ê peh-sìⁿ Í-sek-lia̍t, in-ūi tek-chōe Lí, chiah thâi-su tī tùi-te̍k ê bīn-chêng, in nā kui-ǹg Lí, jīn Lí ê miâ, koh tī chit keng tiān kî-tó khún-kiû Lí;

(BCL) 「設使你的百姓以色列因為得罪你，才輸佇對敵的面前，若歸向你，認你的名，閣佇此間殿祈禱懇求你，

34

(THR) kiû Lí tī thiⁿ--nih thiaⁿ in, lâi sià-bián Lí ê peh-sìⁿ Í-sek-lia̍t ê chōe, hō͘ in tò-lâi Lí só͘ siúⁿ-sù in ê lia̍t-chó͘ ê tōe.

(BCL) 求你佇天裡聽，來赦免你的百姓以色列的罪，互倒來你所賞賜的列祖的地。

35

(THR) Siat-sú in tek-chōe Lí, tì-kàu thiⁿ koaiⁿ-ba̍t, bô lo̍h-hō͘; Lí hêng-ho̍at in ê sî, in nā ǹg chit só͘-chāi kî-tó, jīn Lí ê miâ, lī-khui in ê chōe;

(BCL) 「設使得罪你，致到天關密無落雨，你刑罰的時；若向此所在祈禱，認你的名，離開的罪，

36

(THR) kiû Lí tī thiⁿ--nih thiaⁿ in, sià-bián Lí ê lô͘-po̍k kap Lí ê peh-sìⁿ Í-sek-lia̍t ê chōe, tī Lí kà-sī in só͘ tio̍h kiâⁿ ê hó-lō͘ ê sî, koh lo̍h-hō͘ tī Lí ê tōe, chiū-sī Lí siúⁿ-sù Lí ê peh-sìⁿ chòe-gia̍p--ê.

(BCL) 求你佇天裡聽，赦免你的奴僕及你的百姓以色列的罪，佇你教示所著行的好路的時，閣落雨佇你的地，就是你賞賜你的百姓做業的。

37

(THR) Chit ê tōe nā ū ki-hng, un-e̍k, ko͘-tâ, hiú-nōa, chháu-meh, chián-thâng, á-sī in ê tùi-te̍k tī in hiah ê siâⁿ ê tōe ûi-khùn in, bô-lūn ū sím-mı̍h chai-ē, sím-mı̍h phòa-pīⁿ;

(BCL) 「此個地若有飢荒、瘟疫、枯焦、朽爛、草蜢、剪蟲，抑是的對敵佇許個城的地圍困，無論有甚麼災禍甚麼破病，

38

(THR) he̍k-sī chı̍t-lâng, he̍k-sī Lí ê peh-sìⁿ Í-sek-lia̍t ê chèng-lâng, ta̍k-ê chai ka-kī sim-lāi ê chai-ē, ǹg chit keng tiān kia̍h-khí chhiú, bô-lūn cháiⁿ-iūⁿ khún-kiû, cháiⁿ-iūⁿ kî-tó;

(BCL) 或是一人，或是你的百姓以色列的眾人，逐個知家己心內的災禍，向此間殿抬起手，無論怎樣懇求，怎樣祈禱，

39

(THR) gōan Lí tī thiⁿ--nih, Lí só͘ khiā-khí ê só͘-chāi, lâi thiaⁿ i, lâi sià-bián, lâi si-hêng; Lí chai in ê sim, chiàu in ta̍k-lâng ê kiâⁿ-chòe lâi khóan-thāi in, (in-ūi sè-kan ta̍k-lâng ê sim, chí ū Lí chai);

(BCL) 願你佇天裡你所徛起的所在來聽伊，來赦免，來施行。你知的心，照逐人的行做來款待（因為世間逐人的心只有你知），

40

(THR) hō͘ in tī Lí siúⁿ-sù góan lia̍t-chó͘ ê tōe, chı̍t-sì-lâng kèng-ùi Lí.

(BCL) 互佇你賞賜阮列祖的地一世人敬畏你。

41

(THR) Lūn-kàu gōa-pang lâng, m̄-sī sio̍k Lí ê peh-sìⁿ Í-sek-lia̍t, i ūi-tio̍h Lí ê miâ tùi hn̄g-hn̄g ê só͘-chāi lâi ê,

(BCL) 「論到外邦人呣是屬你的百姓以色列，伊為著你的名對遠遠的所在來的，

42

(THR) (in-ūi in thiaⁿ-kìⁿ Lí ê tōa-miâ, tōa kôan-lêng ê chhiú, chhun-chhut ê chhiú;) nā lâi ǹg chit ê tiān kî-tó,

(BCL) （因為聽見你的大名大權能的手，伸出的手）若來向此個殿祈禱，

43

(THR) gōan Lí tī thiⁿ--nih, Lí khiā-khí ê só͘-chāi, lâi thiaⁿ in, chiàu gōa-pang lâng it-chhè só͘ tùi Lí kiû--ê lâi kiâⁿ; hō͘ thiⁿ-ē bān peh-sìⁿ lóng bat Lí ê miâ, kèng-ùi Lí, chhin-chhiūⁿ Lí ê peh-sìⁿ Í-sek-lia̍t chı̍t-iūⁿ; koh hō͘ in chai góa só͘ khí chit keng tiān sī ēng Lí ê miâ lâi chheng--ê.

(BCL) 願你佇天裡你徛起的所在來聽，照外邦人一切所對你求的來行，互天下萬百姓攏識你的名，敬畏你親像你的百姓以色列一樣；閣互知我所起此間殿是用你的名來稱者。

44

(THR) Lí ê peh-sìⁿ nā chhut-khì Lí só͘ chhe in khì ê lō͘, kap tùi-te̍k kau-chiàn, iā ǹg Lí só͘ kéng ê siâⁿ, kap góa ūi-tio̍h Lí ê miâ só͘ khí ê tiān, lâi kî-tó Iâ-hô-hoa;

(BCL) 「你的百姓若出去你所差去的路，及對敵交戰，也向你所揀的城及我為著你的名所起的殿來祈禱耶和華，

45

(THR) gōan Lí tī thiⁿ--nih lâi thiaⁿ in ê kî-tó khún-kiû, lâi kā in phòaⁿ-tòan.

(BCL) 願你佇天裡來聽的祈禱懇求，來給判斷。

46

(THR) Lí ê peh-sìⁿ nā tek-chōe Lí, (in-ūi bô ū bô hōan-chōe ê lâng,) Lí siū-khì in, chiong in kau hō͘ tùi-te̍k, tì-kàu tùi-te̍k lia̍h in kàu tùi-te̍k ê tōe, he̍k-sī hn̄g he̍k-sī kūn;

(BCL) 「你的百姓若得罪你（因為無有無犯罪的人），你受氣，將交互對敵致到對敵掠到對敵的地，或是遠或是近，

47

(THR) in nā tī só͘ lia̍h--khì ê tōe, sim-lāi tò-tńg siūⁿ, lâi hóan-hóe; koh tī lia̍h in ê lâng ê tōe, khún-kiû Lí kóng, Góan ū chōe, góan ū pōe-ge̍k, góan ū chòe-pháiⁿ;

(BCL) 若佇所掠去的地心內倒轉想，來反悔，閣佇掠的人的地，懇求你講：『阮有罪，阮有悖逆，阮有做歹』；

48

(THR) in nā tī siū lia̍h-khì ê tōe, chiū-sī tùi-te̍k lia̍h in khì ê tōe, chīn-sim chīn-sèng kui-ho̍k Lí, koh ǹg pún-tōe, chiū-sī Lí siúⁿ-sù in lia̍t-chó͘ ê tōe, kap Lí só͘ kéng ê siâⁿ, í-kı̍p góa ūi-tio̍h Lí ê miâ só͘ khí ê tiān, lâi kî-tó Lí;

(BCL) 若佇受掠去的地就是對敵掠去的地，盡心盡性歸服你，閣向本地，就是你賞賜列祖的地及你所揀的城，以及我為著你的名所起的殿來祈禱你，

49

(THR) gōan Lí tī thiⁿ--nih, Lí só͘ khiā-khí ê só͘-chāi, thiaⁿ in ê kî-tó khún-kiû, kā in phòaⁿ-tòan;

(BCL) 願你佇天裡你所徛起的所在聽的祈禱懇求，給判斷；

50

(THR) koh sià-bián Lí ê peh-sìⁿ tek-chōe Lí ê, í-kı̍p in it-chhè tek-chōe Lí ê chōe-kòa, hō͘ in tit-tio̍h lîn-bín tī lia̍h in ê lâng ê bīn-chêng, tì-kàu lia̍h in ê lâng lîn-bín in.

(BCL) 閣赦免你的百姓得罪你的，以及一切得罪你的罪過，互得著憐憫佇掠的人的面前，致到掠的人憐憫。

51

(THR) In-ūi in sī Lí ê peh-sìⁿ, Lí ê sán-gia̍p, sī Lí chhōa in chhut Ai-kı̍p, tùi chù-thih ê lô͘-tiong chhut-lâi--ê.

(BCL) 因為是你的百姓，你的產業，是你導出埃及對鑄鐵的爐中出來者。

52

(THR) Gōan Lí ê ba̍k-chiu khui khòaⁿ-kò͘ Lí ê lô͘-po̍k ê kî-tó, kap Lí ê peh-sìⁿ Í-sek-lia̍t ê kî-tó, lâi thiaⁿ in it-chhè tùi Lí kiû ê.

(BCL) 願你的目睭開看顧你的奴僕的祈禱，及你的百姓以色列的祈禱，來聽一切對你求的。

53

(THR) Chú Iâ-hô-hoa ah, in-ūi Lí bat tùi tōe-chiūⁿ chèng peh-sìⁿ ê tiong-kan hun-piat in, lâi chòe Lí ê sán-gia̍p, sī chiàu Lí chhōa góan ê lia̍t-chó͘ chhut Ai-kı̍p ê sî, thok Lí ê lô͘-po̍k Mô͘-se só͘ kóng ê.

(BCL) 主耶和華啊，因為你曾對地上眾百姓的中間分別，來做你的產業，是照你導阮的列祖出埃及的時，託你的奴僕摩西所講的。」

54

(THR) Só͘-lô-bûn tī Iâ-hô-hoa ê tôaⁿ-chêng kha-thâu-u kūi--teh, chhiú chhun ǹg thiⁿ, só͘ tùi Iâ-hô-hoa kî-tó khún-kiû-ê í-keng kî-tó bêng-pe̍k, chiū khí-lâi;

(BCL) 所羅門佇耶和華的壇前腳頭窩跪，手伸向天，所對耶和華祈禱懇求的已經祈禱明白，就起來，

55

(THR) i chiū khiā-teh, tōa-siaⁿ chiok-hok Í-sek-lia̍t chôan hōe-chiòng, kóng,

(BCL) 伊就徛，大聲祝福以色列全會眾，講：

56

(THR) Iâ-hô-hoa sī eng-kai tio̍h o-ló--ê, in-ūi I it-chhè só͘ èng-ún--ê, siúⁿ-sù pêng-an hō͘ I ê peh-sìⁿ Í-sek-lia̍t, kìⁿ-nā thok I ê lô͘-po̍k Mô͘-se só͘ èng-ún ê hó-ōe, bô chı̍t-kù lo̍k-khong.

(BCL) 「耶和華是應該著謳咾者！因為伊一切所應允者賞賜平安互伊的百姓以色列，見若託伊的奴僕摩西所應允的好話，無一句落空。

57

(THR) Gōan Iâ-hô-hoa lán ê Siōng-tè kap lán tī-teh, chhin-chhiūⁿ I kap lán ê lia̍t-chó͘ tī-teh chı̍t-iūⁿ; gōan I bô lī-khui lán, bô pàng-sak lán;

(BCL) 願耶和華──咱的上帝及咱佇，親像伊及咱的列祖佇一樣，願伊無離開咱，無放拺咱，

58

(THR) hō͘ lán ê sim kui-ǹg I, lâi kiâⁿ I it-chhè ê tō-lō͘, siú I só͘ bēng-lēng lán ê lia̍t-chó͘ ê kài-bēng, I ê lu̍t-lē, I ê hoat-tō͘.

(BCL) 互咱的心歸向伊，來行伊一切的道路，守伊所命令咱的列祖的誡命、伊的律例、伊的法度。

59

(THR) Góa taⁿ tī Iâ-hô-hoa ê bīn-chêng só͘ kî-kiû chiah ê ōe, gōan chiah ê ōe jı̍t-mî kūn tī lán ê Siōng-tè Iâ-hô-hoa; koh jı̍t-jı̍t chiàu tāi-chì só͘ ha̍p-gî--ê ūi I ê lô͘-po̍k phòaⁿ-tòan, kap I ê peh-sìⁿ Í-sek-lia̍t phòaⁿ-tòan.

(BCL) 我今佇耶和華的面前所祈求諸個話，願諸個話日暝近佇咱的上帝──耶和華，閣日日照代誌所合宜的為伊的奴僕判斷，及伊的百姓以色列判斷，

60

(THR) Hō͘ tōe-chiūⁿ bān peh-sìⁿ chai Iâ-hô-hoa sī Siōng-tè, I í-gōa bô pa̍t-ê.

(BCL) 互地上萬百姓知耶和華是上帝，伊以外無別個。

61

(THR) Só͘-í lín ê sim tio̍h sûn-chôan ǹg Iâ-hô-hoa lán ê Siōng-tè, chun-thàn I ê lu̍t-lē, siú I ê kài-bēng, chhin-chhiūⁿ kin-á-jı̍t ê khóan.

(BCL) 所以恁的心著純全向耶和華──咱的上帝，遵趁伊的律例，守伊的誡命，親像今仔日的款。」

62

(THR) Ông kap Í-sek-lia̍t chèng peh-sìⁿ saⁿ-kap tī Iâ-hô-hoa ê bīn-chêng hiàn-chè.

(BCL) 王及以色列眾百姓相及佇耶和華的面前獻祭。

63

(THR) Só͘-lô-bûn hiàn siā-un ê chè, chiū-sī hiàn hō͘ Iâ-hô-hoa ê, gû nn̄g-bān nn̄g-chheng chiah, iûⁿ cha̍p-jī-bān chiah. Án-ni, ông kap Í-sek-lia̍t chèng peh-sìⁿ, ūi Iâ-hô-hoa ê tiān kiâⁿ hiàn-tiān ê lé.

(BCL) 所羅門獻謝恩的祭就是獻互耶和華的，牛二萬二千隻，羊十二萬隻。按呢，王及以色列眾百姓為耶和華的殿行獻殿的禮。

64

(THR) Tng hit-jı̍t, ông hun-piat Iâ-hô-hoa tiān-chêng īⁿ-tiong ê só͘-chāi, tī-hia hiàn sio-chè, sò͘-chè, kap siā-un-chè ê iû, in-ūi Iâ-hô-hoa thâu-chêng ê tâng-tôaⁿ siuⁿ-sòe, bōe iông-ún-tit hiah ê sio-chè, sò͘-chè, kap siā-un-chè ê iû.

(BCL) 當彼日，王分別耶和華殿前院中的所在，佇遐獻燒祭、素祭，及謝恩祭的油，因為耶和華頭前的銅壇甚細，容允得許個燒祭、素祭，及謝恩祭的油。

65

(THR) Hit-sî Só͘-lô-bûn kap Í-sek-lia̍t chèng-lâng, chiū-sī tùi Hap-má ê lō͘-kháu kàu Ai-kı̍p ê khoe, lóng kap i chū-chı̍p chòe tōa-hōe, tī Iâ-hô-hoa lán Siōng-tè ê bīn-chêng siú choeh-iân chhit-jı̍t, koh chhit-jı̍t, kiōng cha̍p-sì jı̍t.

(BCL) 彼時，所羅門及以色列眾人，就是對哈馬的路口到埃及的溪，攏及伊聚集做大會，佇耶和華──咱上帝的面前守節筵七日閣七日，共十四日。

66

(THR) Tē-poeh jı̍t ông chhe peh-sìⁿ khì; in chiū kā ông chiok-hok; in-ūi Iâ-hô-hoa tùi I ê lô͘-po̍k Tāi-pı̍t kap I ê peh-sìⁿ Í-sek-lia̍t só͘ si-chhut it-chhè ê un-hūi, chiū hoaⁿ-hí, sim-lāi khòai-lo̍k, ta̍k-ê tò-khì in ê pò͘-pîⁿ.

(BCL) 第八日，王差百姓去；就給王祝福。因為耶和華對伊的奴僕大衛及伊的百姓以色列所施出一切的恩惠，就歡喜心內快樂，逐個倒去的布棚。

Bible Color Mark

• 台語漢字羅馬本
• 巴克禮全羅