列王紀下 第 3 章

1

(THR) Iû-tāi ông Iok-sa-hoat cha̍p-poeh nî, A-hap ê kiáⁿ Iâ-hô-lâm tī Sat-má-lī-a chē-ūi, chòe Í-sek-lia̍t ông, kiōng cha̍p-jī nî.

(BCL) 猶大王約沙法十八年，亞哈的子耶和南佇撒瑪利亞坐位做以色列王共十二年。

2

(THR) I kiâⁿ Iâ-hô-hoa só͘ khòaⁿ-chòe pháiⁿ ê sū; chóng-sī bô chhin-chhiūⁿ i ê lāu-pē i ê lāu-bú só͘ chòe-ê; in-ūi in lāu-pē só͘ chhòng Pa-le̍k ê thiāu-siōng, i ū tû-khì.

(BCL) 伊行耶和華所看做歹的事，總是無親像伊的老父伊的老母所做的，因為老父所創巴力的柱像，伊有除去。

3

(THR) Chóng-sī i khîⁿ-tiâu Nî-pat ê kiáⁿ Iâ-lô-phò-àm hō͘ Í-sek-lia̍t hōan-chōe hit hō chōe, lóng bô lī-khui.

(BCL) 總是，伊擒住尼八的子耶羅波安互以色列犯罪彼號罪，攏無離開。

4

(THR) Mô͘-ap ông Bí-sa chhī chōe-chōe iûⁿ, nî-nî ēng cha̍p-bān chiah iûⁿ-á ê mn̂g, cha̍p-bān chiah mî-iûⁿ-káng ê mn̂g, chìn-kòng Í-sek-lia̍t ông.

(BCL) 摩押王米沙飼多多羊，年年用十萬隻羊仔的毛，十萬隻綿羊的毛進貢以色列王。

5

(THR) A-hap sí-liáu, Mô͘-ap ông pōe-pōan Í-sek-lia̍t ông.

(BCL) 亞哈死了，摩押王背叛以色列王。

6

(THR) Hit-sî Iâ-hô-lâm ông chhut Sat-má-lī-a, tiám-sǹg Í-sek-lia̍t chèng-lâng.

(BCL) 彼時耶和南王出撒瑪利亞，點算以色列眾人。

7

(THR) Khí-sin ê sî, chhe lâng khì kìⁿ Iû-tāi ông Iok-sa-hoat, kóng, Mô͘-ap ông pōe-pōan góa, lí khéng kap góa khì kong-kek Mô͘-ap mah? I kóng, Góa beh chiūⁿ-khì, góa chhin-chhiūⁿ lí, góa ê peh-sìⁿ chhin-chhiūⁿ lí ê peh-sìⁿ, góa ê bé chhin-chhiūⁿ lí ê bé.

(BCL) 起身的時，差人去見猶大王約沙法，講：「摩押王背叛我，你肯及我去攻擊摩押嗎？」伊講：「我欲上去，我親像你，我的百姓親像你的百姓，我的馬親像你的馬。」

8

(THR) I kóng, Lán beh tùi toh-lo̍h chı̍t tiâu lō͘ chiūⁿ-khì ah? I kóng, Tùi Í-tong khòng-iá ê lō͘.

(BCL) 伊講：「咱欲對叨落一條路上去啊？」伊講：「對以東曠野的路。」

9

(THR) Í-sek-lia̍t ông kap Iû-tāi ông kap Í-tong ông chiū khì; kiâⁿ-se̍h chhit-jı̍t ê lō͘-chām, kun-tūi kap tè in ê cheng-siⁿ bô chúi thang lim.

(BCL) 以色列王及猶大王，及以東王就去，行踅七日的路站；軍隊及隨的精牲無水通飲。

10

(THR) Í-sek-lia̍t ông kóng, Chhám ah, Iâ-hô-hoa chū-chı̍p chí(**chit) saⁿ ê ông, beh chiong in kau tī Mô͘-ap lâng ê chhiú.

(BCL) 以色列王講：「慘啊！耶和華聚集此三個王，欲將交佇摩押人的手。」

11

(THR) Iok-sa-hoat kóng, Tī-chia kiám bô Iâ-hô-hoa ê sian-ti, lán thang thok i lâi mn̄g Iâ-hô-hoa mah? Í-sek-lia̍t ông chit ê lô͘-po̍k ìn kóng, Chêng piàⁿ-chúi tī Í-lī-a ê chhiú--ê, Sa-hoat ê kiáⁿ Í-lī-sa tī-chia.

(BCL) 約沙法講：「佇遮豈無耶和華的先知，咱通託伊來問耶和華嗎？」以色列王一個奴僕應講：「前傾水佇以利亞的手者，沙法的子以利沙佇遮。」

12

(THR) Iok-sa-hoat kóng, I ū Iâ-hô-hoa ê ōe. Í-sek-lia̍t ông kap Iok-sa-hoat kap Í-tong ông chiū lo̍h-khì kìⁿ i.

(BCL) 約沙法講：「伊有耶和華的話。」以色列王及約沙法，及以東王就落去見伊。

13

(THR) Í-lī-sa kā Í-sek-lia̍t ông kóng, Góa kap lí sím-mı̍h kan-sia̍p? thang khì chhē lí ê lāu-pē ê sian-ti, kap lí ê lāu-bú ê sian-ti. Í-sek-lia̍t ông kā i kóng, M̄-sī án-ni; Iâ-hô-hoa chū-chı̍p chí(**chit) saⁿ ê ông, beh kau tī Mô͘-ap lâng ê chhiú.

(BCL) 以利沙給以色列王講：「我及你甚麼干涉？通去尋你的老父的先知，及你的老母的先知。」以色列王給伊講：「呣是按呢，耶和華聚集此三個王，欲交佇摩押人的手。」

14

(THR) Í-lī-sa kóng, Góa kí éng-o̍ah bān-kun ê Iâ-hô-hoa, chiū-sī góa khiā tī I ê bīn-chêng-ê, lâi kóng, Góa nā m̄-sī khòaⁿ Iû-tāi ông Iok-sa-hoat ê bīn, chiū m̄-khòaⁿ lí, m̄-chhap lí.

(BCL) 以利沙講：「我指永活萬軍的耶和華，就是我徛佇伊的面前的來講，我若呣是看猶大王約沙法的面，就呣看你，呣插你。

15

(THR) Taⁿ tio̍h kā góa kiò chı̍t ê ga̍k-su lâi chia; ga̍k-su tôaⁿ ê sî, Iâ-hô-hoa ê chhiú chiū kàu Í-lī-sa.

(BCL) 今著給我叫一個樂師來遮。」樂師彈的時，耶和華的手就到以利沙。

16

(THR) I chiū kóng, Iâ-hô-hoa án-ni kóng, Chit ê soaⁿ-kok lín tio̍h piàn-piàn khui kau.

(BCL) 伊就講：「耶和華按呢講：『此個山谷恁著遍遍開溝；

17

(THR) In-ūi Iâ-hô-hoa án-ni kóng, Lín beh bô khòaⁿ-kìⁿ hong, bô khòaⁿ-kìⁿ hō͘; iáu-kú chit ê soaⁿ-kok, chúi beh móa-móa, hō͘ lín thang lim; chiū-sī lín, kap lín ê cheng-siⁿ, lín ê siù, lim i.

(BCL) 因為耶和華按呢講：恁欲無看見風，無看見雨，猶久此個山谷水欲滿滿，互恁通飲就是恁及恁的精牲恁的獸飲伊。』

18

(THR) Chāi Iâ-hô-hoa iáu khòaⁿ chit-ê chòe sió-khóa; I iā beh ēng Mô͘-ap lâng kau tī lín ê chhiú.

(BCL) 在耶和華猶看此個做小可，伊也欲用摩押人交佇恁的手。

19

(THR) Lín beh kong-phòa ta̍k ê kian-kò͘ ê siâⁿ, kap ta̍k ê súi ê siâⁿ, chhò ta̍k-châng hó ê chhiū, that-tiâu lóng-chóng ê chúi-chôaⁿ, ēng chio̍h-thâu phah-pháiⁿ lóng-chóng hó ê chhân.

(BCL) 恁欲攻破逐個堅固的城及逐個娞的城，剉逐欉好的樹，塞住攏總的水泉，用石頭拍歹攏總好的田。」

20

(THR) Keh chá-khí hiàn-chè ê sî, khòaⁿ ah, ū chúi tùi Í-tong ê lō͘ lâi, piàn-tōe chiū ū chúi móa-móa.

(BCL) 隔早起，獻祭的時，看啊，有水對以東的路來，遍地就有水滿滿。

21

(THR) Mô͘-ap chèng-lâng thiaⁿ-kìⁿ chí(**chit) saⁿ ê ông chiūⁿ-lâi, beh kap in kau-chiàn, chiū chū-chı̍p kìⁿ-nā ōe kia̍h ke-si-ê í-siōng, lóng khiā tī piⁿ-kài.

(BCL) 摩押眾人聽見此三個王上來欲及交戰，就聚集見若會抬家私的以上，攏徛佇邊界。

22

(THR) Keh chá-khí in chá-chá khí-lâi, jı̍t chiò tī chúi--nih; Mô͘-ap lâng khòaⁿ tùi-bīn ê chúi âng chhin-chhiūⁿ huih;

(BCL) 隔早起，早早起來，日照佇水裡，摩押人看對面的水紅親像血，

23

(THR) chiū kóng, Che chiū-sī huih ah, hiah ê ông tek-khak lóng sí; sī saⁿ kong-kek. Mô͘-ap ah, tio̍h lâi khì chhiúⁿ i lah.

(BCL) 就講：「這就是血啊！許個王的確攏死，是相攻擊。摩押啊，著來去搶伊啦！」

24

(THR) In kàu Í-sek-lia̍t lâng ê iâⁿ, Í-sek-lia̍t lâng chiū khí-lâi kong-kek Mô͘-ap lâng; hō͘ in cháu tī in ê bīn-chêng; Í-sek-lia̍t lâng jı̍p in kéng-kài, phah-sí Mô͘-ap lâng, húi in ê siâⁿ;

(BCL) 到以色列人的營，以色列人就起來攻擊摩押人，互走佇的面前。以色列人入境界，拍死摩押人，

25

(THR) ta̍k-lâng hiat chio̍h thūn-móa lóng-chóng hó ê tōe, that-tiâu lóng-chóng ê chúi-chôaⁿ, chhò in ta̍k-châng hó ê chhiū; chí-ū chhun Kiat-jíⁿ-hap-lia̍t-siat ê chio̍h-chhiûⁿ; hìⁿ-chio̍h--ê sì-ûi kong-kek i.

(BCL) 毀的城，逐人石填滿攏總好的地，塞住攏總的水泉，剉逐欉好的樹，只有剩吉珥哈列設的石牆；甩石者四圍攻擊伊。

26

(THR) Mô͘-ap ông khòaⁿ-kìⁿ kau-chiàn ê sè-bīn tí-te̍k bōe tiâu, chiū tòa kia̍h-to-ê chhit-pah, beh chhiong-kè tīn kàu Í-tong ông hia; chóng-sī bōe-ōe.

(BCL) 摩押王看見交戰的勢面抵敵住，就帶抬刀者七百，欲衝過陣到以東王遐，總是會；

27

(THR) Chiū chhú eng-kai sòa-chiap i ê ūi ê tōa-kiáⁿ, tī siâⁿ-téng hiàn i chòe sio-chè; ū tōa thòng-hūn kàu tī Í-sek-lia̍t. In chiū lī-khui i, tò-khì in pún-kok.

(BCL) 就取應該續接伊的位的大子，佇城頂獻伊做燒祭。有大痛恨到佇以色列，就離開伊，倒去本國。

Bible Color Mark

• 台語漢字羅馬本
• 巴克禮全羅