撒母耳記下 第 4 章

1

(THR) Sò-lô ê kiáⁿ thiaⁿ-kìⁿ Ap-nî-jíⁿ sí tī Hi-pek-lûn, chhiú chiū nńg--lo̍h-khì. Í-sek-lia̍t chèng-lâng iā lóng gāng-gāng.

(BCL) 掃羅的子聽見押尼珥死佇希伯崙，手就軟落去；以色列眾人也攏愣愣。

2

(THR) Sò-lô ê kiáⁿ ū nn̄g ê tūi-tiúⁿ, chı̍t-ê miâ Pa-ná, chı̍t-ê miâ Lī-kah, sī Piān-ngá-bín chi-phài, Pí-lio̍k lâng Lîm-bûn ê kiáⁿ; in-ūi Pí-lio̍k iā sio̍k tī Piān-ngá-bín.

(BCL) 掃羅的子有二個隊長，一個名巴拿，一個名利甲，是便雅憫支派、比錄人臨門的子。因為比錄也屬佇便雅憫。

3

(THR) Pí-lio̍k lâng chá-chêng cháu kàu Ki-tha-im, chhut-gōa tī-hia, kàu kin-á-jı̍t.

(BCL) 比錄人早前走到基他音，出外佇遐，到今仔日。

4

(THR) Sò-lô ê kiáⁿ Iok-ná-tan ū chı̍t ê kiáⁿ nn̄g-kha lóng pái, miâ-kiò Bí-hui-pho-siat; tng Sò-lô kap Iok-ná-tan ê siau-sit tùi Iâ-su-lia̍t thôan-lâi ê sî, i tú-á gō͘-hè; i ê ni-bú phō i cháu; in-ūi cháu chin-kín, gín-ná po̍ah--lo̍h-lâi, chiū tì pái-kha.

(BCL) 掃羅的子約拿單有一個子二腳攏跛，名叫米非波設。當掃羅及約拿單的消息對耶斯列傳來的時，伊抵仔五歲。伊的奶母抱伊走；因為走真緊，囝仔跋落來，就致跛腳。

5

(THR) Pí-lio̍k lâng, Lîm-bûn ê kiáⁿ Lī-kah kap Pa-ná, chhut-khì, iok-lio̍k jı̍t sio-lō ê sî, kàu I-si-pho-siat ê chhù. I tī tiong-tàu tú-á teh khùn.

(BCL) 比錄人臨門的子利甲及巴拿出去，約略日燒烙的時到伊施波設的厝；伊佇中晝抵仔睏。

6

(THR) In jı̍p chhù-lāi ké-iáⁿ beh put be̍h, chiū chhì-thàu I-si-pho-siat ê pak-tó͘; Lī-kah kap i ê hiaⁿ-tī Pa-ná chiū tô-cháu.

(BCL) 入厝內，假影欲扒麥，就刺透伊施波設的腹肚，利甲及伊的兄弟巴拿就逃走。

7

(THR) In jı̍p pâng-lâi ê sî, I-si-pho-siat tú-á tī pâng-lāi tó tī chhn̂g--nih teh khùn; in chiū phah i, thâi-sí i, koah i ê thâu-khak, tòa i khì, tùi A-la̍h-pa ê lō͘ thàu-mî kiâⁿ.

(BCL) 入房內的時，伊施波設抵仔佇房內倒佇床裡睏，就拍伊死伊，割伊的頭殼，帶伊去，對亞拉巴的路透暝行，

8

(THR) In tòa I-si-pho-siat ê thâu-khak kàu Hi-pek-lûn Tāi-pı̍t hia, kā ông kóng, Lí ê tùi-te̍k Sò-lô bat siàu-siūⁿ lí ê sìⁿ-miā ê, khòaⁿ ah, che sī i ê kiáⁿ I-si-pho-siat ê thâu-khak. Iâ-hô-hoa kin-á-jı̍t ūi-tio̍h góa ê chú góa ê ông pò-siû tī Sò-lô kap i ê hō͘-è.

(BCL) 帶伊施波設的頭殼到希伯崙大衛遐，給王講：「你的對敵掃羅曾數想你的生命的。看啊，這是伊的子伊施波設的頭殼；耶和華今仔日為著我的主我的王報仇佇掃羅及伊的後裔。」

9

(THR) Tāi-pı̍t ìn Pí-lio̍k lâng Lîm-bûn ê kiáⁿ Lī-kah kap i ê hiaⁿ-tī Pa-ná, kā i kóng, Iâ-hô-hoa kiù-sio̍k góa ê sìⁿ-miā thoat-lī lóng-chóng ê khó͘-lān; góa kí I ê éng-o̍ah lâi chiù-chōa;

(BCL) 大衛應比錄人臨門的子利甲及伊的兄弟巴拿給伊講：「耶和華救贖我的生命、脫離攏總的苦難，我指伊的永活來咒誓：

10

(THR) chêng ū lâng pò góa kóng, Sò-lô í-keng sí, i kā-kī lia̍h-chòe sī pò hó siau-sit, góa chiū lia̍h i tī Sé-keh-la̍h kā i thâi-sí, che sī góa hō͘ i chòe thôan siau-sit ê pò-siúⁿ;

(BCL) 前有人報我講，掃羅已經死，伊家己掠做是報好消息；我就掠伊，佇洗革拉給伊死，這是我互伊做傳消息的報賞。

11

(THR) hô-hòng pháiⁿ-lâng jı̍p gī-lâng ê chhù, thâi i tī bîn-chhn̂g--nih, góa kiám bô beh tùi lín ê chhiú thó i ê huih, tû-bia̍t lín tī tōe-chiūⁿ mah?

(BCL) 何況歹人入義人的厝伊佇眠床裡，我豈無欲對恁的手討伊的血、除滅恁佇地上嗎？」

12

(THR) Tāi-pı̍t bēng-lēng i ê siàu-liân lâng, in chiū thâi-sí in, chām-tn̄g in ê kha-chhiú, tiàu tī Hi-pek-lûn ê tî-piⁿ; iā chiong I-si-pho-siat ê thâu-khak bâi-chòng tī Hi-pek-lûn Ap-nî-jíⁿ ê bōng.

(BCL) 大衛命令伊的少年人，就死，斬斷的腳手，吊佇希伯崙的池邊，也將伊施波設的頭殼埋葬佇希伯崙押尼珥的墓。

Bible Color Mark

• 台語漢字羅馬本
• 巴克禮全羅