阿摩司書 第 2 章

1

(THR) Iâ-hô-hoa án-ni kóng, Ūi-tio̍h Mô͘-ap hōan-chōe kàu saⁿ-pái, ia̍h kàu sì-pái, Góa bô beh bián i ê hêng-ho̍at; in-ūi i chiong Í-tong ông ê kut-thâu sio chòe he.

(BCL) 耶和華按呢講：為著摩押犯罪到三擺亦到四擺，我無欲免伊的刑罰；因為伊將以東王的骨頭燒做灰。

2

(THR) Góa beh kàng-hé tī Mô͘-ap, sio-bia̍t Ka-lio̍k ê kiong-tiān; Mô͘-ap beh tī hōa-hōa-háu hoah-hiàm pûn sàu-kak ê tiong-kan sí-bô.

(BCL) 我欲降火佇摩押，燒滅加略的宮殿。摩押欲佇嘩嘩哮喝喊歕哨角的中間死無。

3

(THR) Góa beh tùi i ê tiong-kan chián-tû sím-phòaⁿ-si, sòa thâi-sí in it-chhè ê siú-léng; che sī Iâ-hô-hoa kóng--ê.

(BCL) 我欲對伊的中間剪除審判司，續死一切的首領。這是耶和華講的。

4

(THR) Iâ-hô-hoa án-ni kóng, Ūi-tio̍h Iû-tāi lâng hōan-chōe kàu saⁿ-pái, ia̍h kàu sì-pái, Góa bô beh bián i ê hêng-ho̍at; in-ūi in khì-sak Iâ-hô-hoa ê kà-sī, bô chun-siú I ê lu̍t-lē; in ê lia̍t-chó͘ só͘ thàn ê hu-ké hō͘ in kiâⁿ bê-lō͘.

(BCL) 耶和華按呢講：為著猶大人犯罪到三擺亦到四擺，我無欲免伊的刑罰；因為棄拺耶和華的教示，無遵守伊的律例。的列祖所趁的虛假互行迷路。

5

(THR) Góa beh kàng-hé tī Iû-tāi, sio-bia̍t Iâ-lō͘-sat-léng ê kiong-tiān.

(BCL) 我欲降火佇猶大，燒滅耶路撒冷的宮殿。

6

(THR) Iâ-hô-hoa án-ni kóng, Ūi-tio̍h Í-sek-lia̍t lâng hōan-chōe kàu saⁿ-pái, ia̍h kàu sì-pái, Góa bô beh bián i ê hêng-ho̍at; in-ūi in bōe gī-lâng lâi tit-tio̍h gûn, bōe sòng-hiong lâng lâi tit-tio̍h chı̍t-siang ôe.

(BCL) 耶和華按呢講：為著以色列人犯罪到三擺亦到四擺，我無欲免伊的刑罰；因為賣義人來得著銀，賣喪鄉人來得著一雙鞋。

7

(THR) Sòng-hiong lâng thâu-khak-téng ê tîn-ai, sī in só͘ ì-ài, óng-khut un-jiû ê lâng ê lí-lō͘; pē-kiáⁿ saⁿ-kap chhin-kūn chı̍t ê siàu-liân ê hū-jîn-lâng, tì-kàu siat-to̍k Góa ê sèng-miâ.

(BCL) 喪鄉人頭殼頂的塵埃，是所意愛，枉屈溫柔的人的理路。父子相及親近一個少年的婦仁人，致到褻瀆我的聖名。

8

(THR) In tī ta̍k ê tôaⁿ-piⁿ tó tī lâng chòe chún-tǹg ê saⁿ; koh tī in ê Siōng-tè ê chhù-lāi lim siū-ho̍at ê lâng ê chiú.

(BCL) 佇逐個壇邊，倒佇人做準當的衫，閣佇的上帝的厝內飲受罰的人的酒。

9

(THR) Góa tùi in ê bīn-chêng tû-bia̍t A-mô͘-lī lâng, hiah ê lâng kôaiⁿ-tōa chhin-chhiūⁿ pek-hiuⁿ-chhiū, ióng chhin-chhiūⁿ siōng-chhiū; chóng-sī Góa téng-bīn bia̍t i ê ké-chí, ē-bīn cho̍at-tn̄g i ê kun.

(BCL) 我對的面前除滅亞摩利人。許個人高大親像柏香樹，勇親像橡樹。總是我頂面滅伊的果子，下面絕斷伊的根。

10

(THR) Góa iā tòa lín tùi Ai-kı̍p tōe chiūⁿ-lâi, tī khòng-iá chhōa lín sì-cha̍p nî, hō͘ lín tit-tio̍h A-mô͘-lī lâng ê tōe chòe-gia̍p.

(BCL) 我也帶恁對埃及地上來，佇曠野導恁四十年，互恁得著亞摩利人的地做業。

11

(THR) Góa tùi lín ê kiáⁿ-jî tiong-kan heng-khí sian-ti, koh tùi lín ê siàu-liân lâng ê tiong-kan heng-khí Ná-sè-jíⁿ; Í-sek-lia̍t lâng ah, kiám-m̄-sī án-ni mah? che sī Iâ-hô-hoa kóng--ê.

(BCL) 我對恁的子兒中間興起先知，閣對恁的少年人的中間興起拿細耳。以色列人啊，豈呣是按呢嗎？這是耶和華講的。

12

(THR) Chóng-sī lín hō͘ Ná-sè-jíⁿ lim chiú, hoan-hù sian-ti kóng, Bo̍h-tit kóng sian-ti ōe.

(BCL) 總是恁互拿細珥飲酒，吩咐先知講：莫得講先知話。

13

(THR) Khòaⁿ ah, tī lín só͘ tiàm ê tōe, Góa beh teh lín lo̍h--khì; chhin-chhiūⁿ chng-móa tiū-khún ê chhia teh-tāng chı̍t-iūⁿ.

(BCL) 看啊，佇恁所踮的地，我欲壓你落去，親像裝滿稻捆的車壓重一樣。

14

(THR) Gâu-cháu-ê bōe-ōe tô-thoat; ióng-chòng--ê bô la̍t-bé, ióng-béng--ê bōe-ōe ka-kī kiù sìⁿ-miā;

(BCL) 走者會逃脫；勇壯者無力尾；勇猛者會家己救生命。

15

(THR) kia̍h-keng--ê bōe-ōe khiā-chāi; kha-pō͘ kín--ê bōe-ōe ka-kī kiù; khiâ-bé--ê bōe-ōe ka-kī kiù-miā.

(BCL) 抬弓者會徛在；腳步緊者會家己救；騎馬者會家己救命。

16

(THR) Kàu hit-jı̍t, ióng-sū-tiong ū tám-le̍k--ê beh thǹg-chhiah-theh tô-cháu; che sī Iâ-hô-hoa kóng--ê.

(BCL) 到彼日，勇士中有膽力者，欲褪赤體逃走。這是耶和華講的。

Bible Color Mark

• 台語漢字羅馬本
• 巴克禮全羅