傳道書 第 3 章

1

(THR) Thiⁿ-ē bān-poaⁿ lóng ū i ê kî, bān-hāng-sū lóng ū i ê sî.

(BCL) 天下萬般攏有伊的期，萬項事攏有伊的時。

2

(THR) Ū chhut-sì ê sî, ū sí ê sî; ū chai-chèng ê sî, ū pu̍ih-chhut só͘ chai-chèng--ê ê sî;

(BCL) 有出世的時，有死的時；有栽種的時，有拔出所栽種者的時；

3

(THR) ū thâi-sí ê sî, ū i-hó ê sî;

(BCL) 有死的時，有醫好的時；有拆毀的時，有起造的時；

4

(THR) ū thiah-húi ê sî, ū khí-chō ê sî; ū thî-khàu ê sî, ū hó-chhiò ê sî;

(BCL) 有啼哭的時，有好笑的時；有哀慘的時，有跳舞的時；

5

(THR) ū ai-chhám ê sî, ū thiàu-bú ê sî; ū hiat chio̍h-thâu ê sî, ū khioh chio̍h-thâu ê sî; ū thang phō ê sî, ū m̄-thang phō ê sî;

(BCL) 有石頭的時，有拾石頭的時；有通抱的時，有呣通抱的時；

6

(THR) ū chhē-tio̍h ê sî, ū sit-lo̍h ê sî; ū pó-siú ê sî, ū pàng-sak ê sî; ū thiah-lı̍h ê sî, ū pó͘-thīⁿ ê sî;

(BCL) 有尋著的時，有失落的時；有保守的時，有放拺的時；

7

(THR) ū chēng-chēng ê sî, ū kóng-ōe ê sî;

(BCL) 有拆裂的時，有補紩的時；有靜靜的時，有講話的時；

8

(THR) ū thiàⁿ-sioh ê sî, ū òan-hūn ê sî; ū kau-chiàn ê sî, ū hô-hó ê sî.

(BCL) 有疼惜的時，有怨恨的時；有交戰的時，有和好的時。

9

(THR) Chòe-kang ê lâng tī i só͘ lô-lo̍k--ê ū sím-mı̍h lī-ek ah?

(BCL) 做工的人佇伊所勞碌的有甚麼利益啊？

10

(THR) Góa ū khòaⁿ-kìⁿ Siōng-tè só͘ hō͘ sè-kan lâng ê lô-lo̍k, hō͘ in tī hit tiong-kan lâi liān-sı̍p.

(BCL) 我有看見上帝所互世間人的勞碌，互佇彼中間來練習。

11

(THR) Siōng-tè chō bān-mı̍h, kok chiàu i ê sî chiâⁿ-chòe bí-biāu, koh chiong éng-óan ê koan-liām hē tī lâng ê sim; chóng-sī Siōng-tè tùi-thâu kàu-bé só͘ chòe-chiâⁿ ê, lâng bōe-ōe chhek-to̍k i.

(BCL) 上帝造萬物，各照伊的時成做美妙，閣將永遠的觀念下佇人的心。總是上帝對頭到尾所做成的，人會測　伊。

12

(THR) Góa chai chiông-tiong bô chı̍t-hāng khah-hó tī it-seng khòai-lo̍k, koh kiâⁿ hó.

(BCL) 我知從中無一項卡好佇一生快樂，閣行好；

13

(THR) Koh lâng-lâng iā chia̍h iā lim tī i it-chhè só͘ lô-lo̍k-ê lâi hióng-hok, che iā sī Siōng-tè ê un-sù.

(BCL) 閣人人也食也飲，佇伊一切所勞碌的來享福，這也是上帝的恩賜。

14

(THR) Góa chai Siōng-tè it-chhè só͘ chòe--ê, beh éng-óan tī-teh, bōe ke-thiⁿ, bōe kiám-chió; Siōng-tè án-ni kiâⁿ, sī hō͘ lâng tī I ê bīn-chêng kiaⁿ-ùi.

(BCL) 我知上帝一切所做的欲永遠佇；加添，減少。上帝按呢行，是互人佇伊的面前驚畏。

15

(THR) Hiān-kim só͘ ū-ê chêng í-keng ū; chiong-lâi beh ū-ê chá í-keng ū; kè-sin ê sū Siōng-tè koh chhē i.

(BCL) 現今所有的前已經有，將來欲有的早已經有，過身的事上帝閣尋伊。

16

(THR) Góa koh khòaⁿ-kìⁿ jı̍t-kng ê ē-bīn tī sím-phòaⁿ ê só͘-chāi ū kan-ok, tī kong-gī ê só͘-chāi iā ū kan-ok.

(BCL) 我閣看見日光的下面，佇審判的所在有奸惡，佇公義的所在也有奸惡。

17

(THR) Góa sim-lāi kóng, Siōng-tè beh sím-phòaⁿ gī-lâng kap pháiⁿ-lâng, in-ūi tī-hia ta̍k-hāng ê sū, ta̍k-hāng ê kang, lóng ū tiāⁿ-tio̍h ê sî.

(BCL) 我心內講，上帝欲審判義人及歹人；因為佇遐，逐項的事逐項的工，攏有定著的時。

18

(THR) Góa sim-lāi kóng, Che sī ūi-tio̍h sè-kan lâng ê iân-kò͘, Siōng-tè beh chhì-giām in, hō͘ in chai ka-kī sī khîm-siù.

(BCL) 我心內講，這是為著世間人的緣故，上帝欲試驗，互知家己是禽獸。

19

(THR) In-ūi sè-kan lâng só͘ tú-tio̍h--ê, khîm-siù iā tú-tio̍h, só͘ tú-tio̍h lóng sī chı̍t-iūⁿ; chit-ê án-ni sí, hit-ê iā sī án-ni sí, lóng tâng chı̍t-iūⁿ chhóan-khùi; lâng bōe khah-iâⁿ khîm-siù, in-ūi lóng sī khang-hu.

(BCL) 因為世間人所抵著的，禽獸也抵著，所抵著攏是一樣：此個按呢死，彼個也是按呢死，攏同一樣喘氣。人卡贏禽獸，因為攏是空虛。

20

(THR) Lóng kàu chı̍t só͘-chāi, lóng chhut tī thô͘-hún, iā lóng kui tī thô͘-hún.

(BCL) 攏到一所在，攏出佇土粉，也攏歸佇土粉。

21

(THR) Lâng ê hûn chiūⁿ téng-bīn, siù ê hûn tūi-lo̍h tōe, chī-chūi chai sī án-ni á m̄-sī?

(BCL) 人的魂上頂面，獸的魂墜落地，是誰知是按呢抑呣是？

22

(THR) Só͘-í góa khòaⁿ-kìⁿ lâng bô chı̍t-hāng khah-hó tī i só͘ keng-êng--ê lâi hoaⁿ-hí; in-ūi che sī i ê hūn-gia̍h; i sin-āu ê sū, chī-chūi ōe hō͘ i koh lâi khòaⁿ-kìⁿ ah?

(BCL) 所以，我看見人無一項卡好佇伊所經營的來歡喜，因為這是伊的份額。伊身後的事是誰會互伊閣來看見啊？

Bible Color Mark

• 台語漢字羅馬本
• 巴克禮全羅