出埃及記 第 1 章

1

(THR) Í-sek-lia̍t ê chèng-kiáⁿ ta̍k-ê tòa i ê ke-kòan kap Ngá-kok kàu Ai-kı̍p, in ê miâ kì tī ē-tóe.

(BCL) 以色列的眾子，逐個帶伊的家眷，及雅各到埃及。的名記佇下底。

2

(THR) Liû-piān, Se-biān, Lī-bī, Iû-tāi;

(BCL) 流便、西緬、利未、猶大、

3

(THR) Í-sat-ka, Se-pò͘-lûn, Piān-ngá-bín;

(BCL) 以薩迦、西布倫、便雅憫、

4

(THR) Tàn, Ná-hut-tha-lī, Ka-tek, A-siat.

(BCL) 但、拿弗他利、迦得、亞設。

5

(THR) Tùi Ngá-kok só͘-siⁿ-ê, kiōng ū chhit-cha̍p lâng; Iok-sek í-keng tī Ai-kı̍p.

(BCL) 對雅各所生者，共有七十人。約瑟已經佇埃及。

6

(THR) Iok-sek kap i ê hiaⁿ-tī kap hit-tāi ê lâng lóng sí.

(BCL) 約瑟及伊的兄弟，及彼代的人攏死。

7

(THR) Í-sek-lia̍t lâng gâu siⁿ, gâu thôan, ke-thiⁿ chōe-chōe, koh heng-ōng, ke̍k-kî kiông-sēng; chhiong-móa hit-ê tōe.

(BCL) 以色列人生傳，加添多多，閣興旺，極其強盛，充滿彼個地。

8

(THR) Ai-kı̍p ū sin ê ông heng-khí, m̄-bat Iok-sek ê.

(BCL) 埃及有新的王興起，呣識約瑟的，

9

(THR) I tùi i ê peh-sìⁿ kóng, Khòaⁿ ah, chit-ê peh-sìⁿ, Í-sek-lia̍t lâng, pí lán khah-chōe, khah-kiông;

(BCL) 伊對伊的百姓講：「看啊，此個百姓以色列人比咱卡多，卡強。

10

(THR) lâi ah, lán tio̍h ēng kè-chhek lâi khóan-thāi in, kiaⁿ-liáu in ke-thiⁿ chin-chōe; āu-lâi nā tú-tio̍h kau-chiàn ê sū, in kap lán ê tùi-te̍k liân-ha̍p, lâi kong-kek lán, koh tùi chit-ê tōe chiūⁿ-khì.

(BCL) 來啊，咱著用計策來款待，驚了加添真多，後來若抵著交戰的事，及咱的對敵聯合來攻擊咱，閣對此個地上去。」

11

(THR) Tùi án-ni siat-lı̍p tok-kang-ê kóan-hat in, ēng tāng-tàⁿ khó͘-chhó͘ in; in chiū kā Hoat-ló khí Pí-tong Lân-sek nn̄g ê siâⁿ chòe hú-khò͘.

(BCL) 對按呢設立督工者管轄，用重擔苦楚。就給法老起比東、蘭塞二個城，做府庫。

12

(THR) Chóng-sī ná khó͘-chhó͘ in, in ná chōe ná khui-khoah. Tùi án-ni chiū ūi-tio̍h Í-sek-lia̍t lâng khòa-lū.

(BCL) 總是愈苦楚，愈多愈開闊；對按呢就為著以色列人掛慮。

13

(THR) Ai-kı̍p lâng chiū tok-chek Í-sek-lia̍t lâng chòe khó͘-kang;

(BCL) 埃及人就督責以色列人做苦工，

14

(THR) hō͘ in chòe-kang tio̍h-bôa, seng-ho̍at kan-khó͘, chhiau-thô͘ chòe-chng, kap choh chhân-nı̍h hiah-ê kang; tī it-chhè só͘ chòe ê kang bô-m̄-sī chin-giâm.

(BCL) 互做工著磨生活艱苦；摶土做磚，及作田裡許個工，佇一切所做的工無呣是真嚴。

15

(THR) Ū Hi-pek-lâi ê khioh-chiá-bú, chı̍t-ê miâ Si-hut-la̍h, chı̍t-ê miâ Phó͘-a.

(BCL) 有希伯來的拾姐母，一個名施弗拉，一個名普阿；埃及王對講：

16

(THR) Ai-kı̍p ông tùi in kóng, Lín kā Hi-pek-lâi ê hū-jîn-lâng khioh kiáⁿ, khòaⁿ in lîm-phûn ê sî; nā sī ta-po͘ gín-á, tio̍h hō͘ i sí; nā sī cha-bó͘ gín-á, thang hō͘ i o̍ah.

(BCL) 「恁給希伯來的婦仁人拾子，看臨盆的時，若是查甫囝仔，著互伊死；若是查某囝仔，通互伊活。」

17

(THR) Chóng-sī khioh-chiá-bú kèng-ùi Siōng-tè, bô chiàu Ai-kı̍p ông ê bēng-lēng lâi kiâⁿ, kéng-jiân lâu ta-po͘ gín-á ê o̍ah-miā.

(BCL) 總是拾姐母敬畏上帝，無照埃及王的命令來行，竟然留查甫囝仔的活命。

18

(THR) Ai-kı̍p ông chiū kiò khioh-chiá-bú lâi, tùi in kóng, Lín siáⁿ-sū án-ni chòe, lâu ta-po͘ gín-á ê o̍ah-miā?

(BCL) 埃及王就叫拾姐母來，對講：「恁啥事按呢做，留查甫囝仔的活命？」

19

(THR) Khioh-chiá-bú tùi Hoat-ló kóng, Hi-pek-lâi ê hū-jîn-lâng kap Ai-kı̍p ê hū-jîn-lâng bô tâng; in khah khòai-piān, khioh-chiá-bú iáu-bē kàu, in í-keng siⁿ-liáu.

(BCL) 拾姐母對法老講：「希伯來的婦仁人及埃及的婦仁人無同；卡快便，拾姐母猶未到，已經生了。」

20

(THR) Siōng-tè hó khóan-thāi khioh-chiá-bú; peh-sìⁿ ke-thiⁿ chin-chōe, ke̍k-kî kiông-sēng.

(BCL) 上帝好款待拾姐母。百姓加添真多，極其強盛。

21

(THR) Khioh-chiá-bú in-ūi kèng-ùi Siōng-tè, Siōng-tè chiū hō͘ in chiâⁿ-ke.

(BCL) 拾姐母因為敬畏上帝，上帝就互成家。

22

(THR) Hoat-ló hoan-hù i ê chèng peh-sìⁿ kóng, Hōan só͘ siⁿ ê ta-po͘-kiáⁿ lín tio̍h kā i hiat-lo̍h hô; it-chhè ê cha-bó͘-gín-á, lín tio̍h lâu i ê sìⁿ-miā.

(BCL) 法老吩咐伊的眾百姓講：「凡所生的查甫子，恁著給伊落河；一切的查某囝仔，恁著留伊的生命。」

Bible Color Mark

• 台語漢字羅馬本
• 巴克禮全羅