出埃及記 第 35 章

1

(THR) Mô͘-se chio-chı̍p Í-sek-lia̍t lâng chôan-hōe, tùi in kóng, Iâ-hô-hoa só͘ hoan-hù ê ōe, kah lín tio̍h kiâⁿ-ê, chiū-sī chiah-ê.

(BCL) 摩西招集以色列人全會，對講：「耶和華所吩咐的話，教恁著行的就是諸個：

2

(THR) La̍k-jı̍t tio̍h chòe-kang, tē-chhit jı̍t sī lín ê sèng-jı̍t, sī tōa ê an-hioh-jı̍t, lâi ho̍k-sāi Iâ-hô-hoa; hōan-nā tī chit-jı̍t chòe-kang-ê, tio̍h hō͘ i sí.

(BCL) 六日著做工，第七日是恁的聖日，是大的安息日來服事耶和華。凡若佇此日做工者，著互伊死。

3

(THR) Tng an-hioh-jı̍t, tī lín ta̍k keng chhù-lāi m̄-thang khí-hé.

(BCL) 當安息日，佇恁逐間厝內呣通起火。」

4

(THR) Mô͘-se tùi Í-sek-lia̍t lâng chôan-hōe kóng, Iâ-hô-hoa só͘ hoan-hù ê ōe, sī án-ni kóng,

(BCL) 摩西對以色列人全會講：「耶和華所吩咐的話是按呢講：

5

(THR) Lín tiong-kan tio̍h the̍h lé-mı̍h hiàn hō͘ Iâ-hô-hoa; kìⁿ-nā sim gōan-ê, thang the̍h i lâi, chòe hiàn hō͘ Iâ-hô-hoa ê lé-mı̍h;

(BCL) 恁中間著提禮物獻互耶和華，見若心願者，通提伊來做獻互耶和華的禮物，就是金、銀、銅，

6

(THR) chiū-sī kim, gûn, tâng, lâm-sek, chí-sek, chu-âng-sek ê liāu, iù-tōe,

(BCL) 藍色、紫色、朱紅色的料，幼苧，山羊毛，

7

(THR) soaⁿ-iûⁿ-mn̂g, ní-âng ê iûⁿ-káng-phê, hái-káu-phê,

(BCL) 染紅的羊　皮，海狗皮，

8

(THR) chō-kiap-chhâ, tiám-teng ê iû, phang ê liāu, thang chòe boah ê iû kap phang-hiuⁿ,

(BCL) 皂莢柴，點燈的油，芳的料通做抹的油及芳香，

9

(THR) âng-bé-ló kap pa̍t-iūⁿ ê pó-chio̍h, thang siuⁿ tī í-hut-tek kap pó͘-kòa.

(BCL) 紅瑪瑙及別樣的寶石，通鑲佇以弗得及補。」

10

(THR) Lín tiong-kan kìⁿ-nā sim ū tì-hūi-ê, lóng tio̍h lâi chòe Iâ-hô-hoa it-chhè só͘ hoan-hù-ê;

(BCL) 「恁中間見若心有智慧者，攏著來做耶和華一切所吩咐的：

11

(THR) chiū-sī hōe-bō͘, i ê pò͘-pîⁿ, kap i ê kòa, i ê kau, i ê pán, i ê hôaiⁿ-kông, i ê thiāu, i ê khū;

(BCL) 就是會幕，伊的布棚及伊的蓋，伊的，伊的板，伊的橫楗，伊的柱，伊的臼，

12

(THR) kūi, kap i ê kǹg, si-un-só͘, kap jia-cha̍h ê tiùⁿ-lî;

(BCL) 櫃及伊的槓，施恩所及遮截的帳簾，

13

(THR) toh kap i ê kǹg, kap i ê khì-kū, kap pâi-lia̍t ê piáⁿ;

(BCL) 桌及伊的槓及伊的器具，及排列的餅，

14

(THR) tiám-kng ê teng-tâi kap i ê khì-kū, teng-chóaⁿ kap tiám-kng ê iû;

(BCL) 點光的燈台及伊的器具，燈盞及點光的油，

15

(THR) hiuⁿ-tôaⁿ kap i ê kǹg, boah ê iû, kap phang-hiuⁿ, í-kı̍p hōe-bō͘ mn̂g ê mn̂g-lî;

(BCL) 香壇及伊的槓，抹的油及芳香，以及會幕門的門簾，

16

(THR) sio-chè ê tôaⁿ kap i tâng ê bāng, kap i ê kǹg, í-kı̍p i it-chhè ê khì-kū, sóe-tn̄g ê phûn kap i ê chō;

(BCL) 燒祭的壇及伊銅的網，及伊的槓以及伊一切的器具，洗盪的盆及伊的座，

17

(THR) tiûⁿ ê tiùⁿ-ûi, kap i ê thiāu, in ê khū, kap tiûⁿ-mn̂g ê mn̂g-lî;

(BCL) 場的帳帷及伊的柱，的臼及場門的門簾，

18

(THR) hōe-bō͘ só͘ tèng ê teng, kap tiûⁿ só͘ tèng ê teng, kap in ê soh;

(BCL) 會幕所釘的釘及場所釘的釘，及的索，

19

(THR) cheng-kong ê i-ho̍k, tī sèng-só͘ chhēng lâi ho̍k-sāi-ê, chiū-sī chè-si A-lûn ê sèng-saⁿ kap i ê kiáⁿ ê saⁿ, chhēng lâi tam-tng chè-si ê chit.

(BCL) 精工的衣服佇聖所穿來服事的，就是祭司亞倫的聖衫及伊的子的衫，穿來擔當祭司的職。」

20

(THR) Í-sek-lia̍t lâng chôan-hōe tùi Mô͘-se ê bīn-chêng chhut-khì.

(BCL) 以色列人全會對摩西的面前出去。

21

(THR) Kìⁿ-nā siū kám-tōng, tùi sim hoaⁿ-hí-ê, lóng-chóng lâi, the̍h lé-mı̍h hiàn hō͘ Iâ-hô-hoa, ēng lâi chòe hōe-bō͘ ê kang, kap it-chhè ê lō͘-ēng, iā ēng lâi chòe sèng-saⁿ.

(BCL) 見若受感動對心歡喜者，攏總來提禮物獻互耶和華，用來做會幕的工及一切的路用，也用來做聖衫。

22

(THR) Kìⁿ-nā chhut tī sim hoaⁿ-hí-ê, ta-po͘ hū-jîn lóng lâi, ta̍k-ê chiong kim-khì, chiū-sī heng-chêng ê pín-chiam, hī-kau, phah-ìn ê chhiú-chí, kap chhiú-khôan; che sī ta̍k-lâng chiong i ê lé-mı̍h hiàn hō͘ Iâ-hô-hoa.

(BCL) 見若出佇心歡喜者，查甫婦人攏來，逐個將金器，就是胸前的稟針、耳、拍印的手指，及手環這是逐人將伊的禮物獻互耶和華。

23

(THR) Kìⁿ-nā lâng ū lâm-sek, chí-sek, chu-âng-sek ê liāu, iù-tōe, soaⁿ-iûⁿ-mn̂g, ní-âng ê iûⁿ-káng-phê, hái-káu-phê, lóng the̍h-lâi.

(BCL) 見若人有藍色、紫色、朱紅色的料，幼苧，山羊毛，染紅的羊　皮，海狗皮，攏提來；

24

(THR) Kìⁿ-nā hiàn gûn kap tâng, chòe lé-mı̍h-ê, lóng the̍h-lâi hiàn hō͘ Iâ-hô-hoa; kìⁿ-nā ū chō-kiap-chhâ thang chòe sím-mı̍h lō͘-ēng-ê, iā the̍h-lâi.

(BCL) 見若獻銀及銅做禮物的，攏提來獻互耶和華；見若有皂莢柴通做甚麼路用的也提來。

25

(THR) Kìⁿ-nā sim-lāi ū tì-hūi ê hū-lú, chhin-chhiú pháng sòaⁿ, chiong só͘ pháng ê lâm-sek, chí-sek, chu-âng-sek ê liāu, kap iù-tōe lóng the̍h-lâi.

(BCL) 見若心內有智慧的婦女親手紡線，將所紡的藍色、紫色、朱紅色的料，及幼苧攏提來。

26

(THR) Kìⁿ-ū tì-hūi ê sim siū kám-tōng ê hū-lú, chiū pháng soaⁿ-iûⁿ-mn̂g.

(BCL) 見有智慧的、心受感動的婦女就紡山羊毛。

27

(THR) Chiah-ê thâu-lâng chiong âng-bé-ló, kap pa̍t-iūⁿ ê pó-chio̍h, thang siuⁿ tī í-hut-tek kap pó͘-kòa-ê, lóng the̍h-lâi.

(BCL) 諸個頭人將紅瑪瑙及別樣的寶石，通鑲佇以弗得及補的，攏提來；

28

(THR) Koh the̍h hiuⁿ-liāu kap iû, thang ēng i lâi tiám teng, chòe boah ê iû, chòe phang ê hiuⁿ.

(BCL) 閣提香料，及油，通用伊來點燈，做抹的油，做芳的香。

29

(THR) Í-sek-lia̍t lâng, bô-lūn lâm-lú, kìⁿ-nā sim hoaⁿ-hí hiàn lé-mı̍h hō͘ Iâ-hô-hoa-ê, lóng hoaⁿ-hí the̍h lé-mı̍h lâi, chòe Iâ-hô-hoa thok-tiōng Mô͘-se só͘ hoan-hù in chòe it-chhè ê kang.

(BCL) 以色列人，無論男女，見若心歡喜獻禮物互耶和華者，攏歡喜提禮物來，做耶和華託仗摩西所吩咐做一切的工。

30

(THR) Mô͘-se tùi Í-sek-lia̍t lâng kóng, Lín khòaⁿ, Iû-tāi ê chi-phài Hō͘-jíⁿ ê sun, Ou-lī ê kiáⁿ Pí-sat-lia̍t, Iâ-hô-hoa í-keng chí miâ tiàu i.

(BCL) 摩西對以色列人講：「恁看，猶大的支派，戶珥的孫、烏利的子比撒列，耶和華已經指名召伊，

31

(THR) Koh ēng Siōng-tè ê sîn chhiong-móa i, hō͘ i ū tì-hūi, ū chhang-miâ, ū chai-bat, ōe chòe ta̍k-iūⁿ ê kang;

(BCL) 閣用上帝的神充滿伊，互伊有智慧、有聰明、有知識，會做逐樣的工，

32

(THR) ōe siūⁿ-chhut kî-khiáu ê kang, lâi chòe kim, gûn, tâng hiah-ê mı̍h,

(BCL) 會想出奇巧的工來做金、銀、銅許個物，

33

(THR) iā ōe khek pó-chio̍h lâi jı̍p-i; iā ōe khek chhâ, ōe chòe ta̍k-iūⁿ kî-khiáu ê kang.

(BCL) 也會刻寶石來入伊，也會刻柴，會做逐樣奇巧的工。

34

(THR) Koh hō͘ i kap Tàn ê chi-phài, A-hi-sat-boat ê kiáⁿ A-hô-lī-a-pek, sim ū lêng-khiàu, ōe kà-sī lâng.

(BCL) 閣互伊及但的支派亞希撒抹的子亞何利亞伯，心有靈竅，會教示人。

35

(THR) Chiah-ê lâng I ēng tì-hūi chhiong-móa in ê sim; hō͘ in ōe chòe ta̍k-iūⁿ ê kang, bô-lūn tiau-khek ê kang, kî-khiáu ê kang, ēng lâm-sek, chí-sek, chu-âng-sek ê liāu, kap iù-tōe, siù hoe-ê, chit-pò͘-ê, ta̍k-iūⁿ ê kang lóng ōe chòe, iā ōe siūⁿ-chhut kî-khiáu ê kang.

(BCL) 諸個人伊用智慧充滿的心，互會做逐樣的工，無論雕刻的工，奇巧的工，用藍色、紫色、朱紅色的料，及幼苧，　花的、織布的，逐樣的工，攏會做，也會想出奇巧的工。

Bible Color Mark

• 台語漢字羅馬本
• 巴克禮全羅