以西結書 第 10 章

1

(THR) Góa koan-khòaⁿ, khòaⁿ-kìⁿ ki-lō͘-peng thâu-khak-téng kiong-chhong ê tiong-kan, chhin-chhiūⁿ lâm-sek ê pó-chio̍h, chhin-chhiūⁿ pó-chō ê hêng-siōng ê khóan-sit.

(BCL) 我觀看，看見兵頭殼頂穹蒼的中間，親像藍色的寶石，親像寶座的形像的款式。

2

(THR) I tùi hit ê chhēng iù-tōe-saⁿ ê lâng kóng, Lí jı̍p-khì, tī tńg-se̍h ê lûn ê tiong-kan, ki-lō͘-peng í-ē, tùi ki-lō͘-peng ê tiong-kan the̍h to̍h ê hé-thòaⁿ, móa nn̄g chhiú, iā tī siâⁿ-téng. Góa chiū chhin-ba̍k khòaⁿ-kìⁿ i jı̍p-khì.

(BCL) 伊對彼個穿幼苧衫的人講：「你入去，佇轉踅的輪的中間，兵以下，對兵的中間提的火炭滿二手，撒佇城頂。」我就親目看見伊入去。

3

(THR) Hit-lâng jı̍p-khì ê sî, ki-lō͘-peng khiā tī tiān ê chiàⁿ-pêng, hûn chhiong-móa lāi-īⁿ.

(BCL) 彼人入去的時，兵徛佇殿的正旁，雲充滿內院。

4

(THR) Iâ-hô-hoa ê êng-kng tùi ki-lō͘-peng hia chiūⁿ--khì, thêng tī tiān ê hō͘-tēng ê téng-bīn; tiān ū hûn móa-móa; hit ê īⁿ ia̍h hō͘ Iâ-hô-hoa êng-kng ê chhàn-lān chhiong-móa.

(BCL) 耶和華的榮光對兵遐上去，停佇殿的戶椗的頂面；殿有雲滿滿，彼個院亦互耶和華榮光的燦爛充滿。

5

(THR) Ki-lō͘-peng ê sı̍t ê siaⁿ thiaⁿ kàu gōa-īⁿ, chhin-chhiūⁿ chôan-lêng ê Siōng-tè kóng-ōe ê siaⁿ.

(BCL) 兵的翅的聲聽到外院，親像全能的上帝講話的聲。

6

(THR) I hoan-hù hit ê chhēng iù-tōe-saⁿ ê lâng kóng, Tio̍h tùi tńg-se̍h ê lûn ê tiong-kan, ki-lō͘-peng ê tiong-kan, chhú hé; hit-sî i chiū jı̍p-khì, khiā tī chı̍t ê lûn ê piⁿ-thâu.

(BCL) 伊吩咐彼個穿幼苧衫的人講：「著對轉踅的輪的中間，兵的中間，取火。」彼時伊就入去徛佇一個輪的邊頭。

7

(THR) Ū chı̍t ê ki-lō͘-peng tùi ki-lō͘-peng tiong chhun i ê chhiú, kàu ki-lō͘-peng tiong-kan ê hé, the̍h kóa khí-lâi, hē tī chhēng iù-tōe-saⁿ ê lâng ê nn̄g ki chhiú; hit-lâng kā i the̍h--lâi, chiū chhut-khì.

(BCL) 有一個兵對兵中伸伊的手，到兵中間的火，提寡起來，下佇穿幼苧衫的人的二支手，彼人給伊提來就出去。

8

(THR) Tī ki-lō͘-peng ê sı̍t-ē, ū hián-chhut lâng ê chhiú ê khóan.

(BCL) 佇兵的翅下，有顯出人的手的款。

9

(THR) Góa koh koan-khòaⁿ, khòaⁿ-kìⁿ ki-lō͘-peng ê piⁿ--thâu sì ê lûn; chit ê ki-lō͘-peng ê piⁿ--thâu ū chı̍t ê lûn, hit ê ki-lō͘-peng ê piⁿ--thâu iā ū chı̍t ê lûn; lûn ê khóan-sit chhin-chhiūⁿ n̂g ê ge̍k ê sek-tì.

(BCL) 我閣觀看，看見兵的邊頭四個輪。此個兵的邊頭有一個輪，彼個兵的邊頭也有一個輪；輪的款式親像黃的玉的色緻。

10

(THR) Lūn-kàu in ê khóan-sit, sì-ê lóng siâng chı̍t-iūⁿ ê hêng-chōng, chhin-chhiūⁿ lûn-tiong ū lûn.

(BCL) 論到的款式，四個攏像一樣的形狀，親像輪中有輪。

11

(THR) Kiâⁿ ê sî, sì-bīn lóng ōe kiâⁿ--tit, kiâⁿ ê sî m̄-bián o̍at, thâu ǹg sím-mı̍h só͘-chāi, in chiū tè i kiâⁿ; kiâⁿ ê sî m̄-bián o̍at.

(BCL) 行的時，四面攏會行直，行的時呣免越。頭向甚麼所在，就隨伊行，行的時呣免越。

12

(THR) In thong sin-khu, in ê ka-chiah, in ê chhiú, in ê sı̍t, kap lûn, sì-ûi ū ba̍k-chiu móa-móa; chiū-sī in sì-ê só͘ ū ê lûn.

(BCL) 通身軀，的尻脊，的手，的翅，及輪四圍有目睭滿滿。就是四個所有的輪。

13

(THR) Lūn-kàu chiah ê lûn, góa hī-khang-tiong thiaⁿ-kìⁿ kóng, Tńg-se̍h--ê.

(BCL) 論到諸個輪，我耳孔中聽見講轉踅者。

14

(THR) Tāk-ê ū sì ê bīn, thâu chı̍t ê bīn sī ki-lō͘-peng ê bīn, tē-jī ê bīn sī lâng ê bīn, tē-saⁿ ê bīn sī sai ê bīn, tē-sì ê bīn sī eng ê bīn.

(BCL) 逐個有四個面：頭一個面是兵的面，第二個面是人的面，第三個面是獅的面，第四個面是鷹的面。

15

(THR) Ki-lō͘-peng lóng chiūⁿ--khì; che sī góa tī Ka-pa-ló͘ hô-piⁿ só͘ bat khòaⁿ-kìⁿ ê o̍ah-mı̍h.

(BCL) 兵攏上去；這是我佇迦巴魯河邊所曾看見的活物。

16

(THR) Ki-lō͘-peng kiâⁿ, lûn ia̍h tī piⁿ--thâu kiâⁿ; ki-lō͘-peng thí-khui sı̍t tùi tōe chiūⁿ--khì, lûn iā bô o̍at-tńg lī-khui in ê sin-piⁿ.

(BCL) 兵行，輪亦佇邊頭行。兵展開翅，對地上去，輪也無越轉離開的身邊。

17

(THR) Hiah-ê thêng, chiah-ê iā thêng; hiah-ê chiūⁿ--khì, chiah-ê ia̍h saⁿ-kap chiūⁿ--khì; in-ūi o̍ah-mı̍h ê sîn tī in ê lāi-bīn.

(BCL) 許個停，諸個也停；許個上去，諸個也相及上去；因為活物的神佇的內面。

18

(THR) Iâ-hô-hoa ê êng-kng tùi tiān ê hō͘-tēng-téng chhut-khì, thêng tī ki-lō͘-peng ê téng-bīn.

(BCL) 耶和華的榮光對殿的戶椗頂出去，停佇兵的頂面。

19

(THR) Ki-lō͘-peng chhut-khì ê sî chiū thí-khui sı̍t, tī góa ê ba̍k-chiu-chêng tùi tōe chiūⁿ--khì, lûn ia̍h tī in ê sin-piⁿ; thêng tī Iâ-hô-hoa ê chhù tang-mn̂g ê mn̂g-khàu, tī in ê téng-bīn, ū Í-sek-lia̍t Siōng-tè ê êng-kng.

(BCL) 兵出去的時，就展開翅，佇我的目睭前對地上去。輪亦佇的身邊，停佇耶和華的厝東門的門口。佇的頂面有以色列上帝的榮光。

20

(THR) Che sī góa chêng tī Ka-pa-ló͘ hô-piⁿ só͘ khòaⁿ-kìⁿ Í-sek-lia̍t Siōng-tè ê ē-bīn ê o̍ah-mı̍h; góa chai in sī ki-lō͘-peng.

(BCL) 這是我前佇迦巴魯河邊所看見、以色列上帝的下面的活物，我知是兵。

21

(THR) Ta̍k-ê ū sì ê bīn, ta̍k-ê ū sì ê sı̍t; in ê sı̍t-ē ū lâng ê chhiú ê hêng-siōng.

(BCL) 逐個有四個面，逐個有四個翅，的翅下有人的手的形像。

22

(THR) Lūn-kàu in ê bīn ê hêng-siōng, chiū-sī góa chêng tī Ka-pa-ló͘ hô-piⁿ só͘ khòaⁿ-kìⁿ ê bīn; in ê khóan-sit, in ê sin-thé, lóng án-ni; lóng ta̍k-ê tı̍t-tı̍t kiâⁿ--khì.

(BCL) 論到的面的形像，就是我前佇迦巴魯河邊所看見的面。的款式，的身體攏按呢，攏逐個直直行去。

Bible Color Mark

• 台語漢字羅馬本
• 巴克禮全羅