創世記 第 6 章

1

(THR) Lâng tī tōe-chiūⁿ ná khah-chōe, iā siⁿ cha-bó͘-kiáⁿ ê sî,

(BCL) 人佇地上愈卡多，也生查某子的時，

2

(THR) Siōng-tè ê kiáⁿ khòaⁿ-kìⁿ lâng ê cha-bó͘-kiáⁿ súi, chiū chiàu in só͘ ài, chhōa in chòe bó͘.

(BCL) 上帝的子看見人的查某子媠，就照所愛，娶做某。

3

(THR) Iâ-hô-hoa kóng, Lâng kì-jiân sio̍k tī jio̍k-thé, Góa ê Sîn bô beh éng-óan tiàm tī in; nā-sī in ê jı̍t-chí beh kàu chı̍t-pah jī-cha̍p nî.

(BCL) 耶和華講：「人既然屬佇肉體，我的神無欲永遠踮佇；若是的日子欲到一百二十年。」

4

(THR) Tī hit-sî ū tōa-hàn lâng tī tōe-bīn-chiūⁿ; āu-lâi Siōng-tè ê kiáⁿ kap lâng ê cha-bó͘-kiáⁿ tâng-pâng, in chiū siⁿ kiáⁿ, chiū-sī tùi kó͘-chá eng-hiông ū miâ-siaⁿ ê lâng.

(BCL) 佇彼時有大漢人佇地面上，後來上帝的子及人的查某子同房，就生子；就是對古早英雄有名聲的人。

5

(THR) Iâ-hô-hoa khòaⁿ-kìⁿ lâng tī tōe-chiūⁿ, chōe-ok chin tōa, sim-lāi só͘ siūⁿ ê liām-thâu ta̍k-jı̍t lóng sī pháiⁿ.

(BCL) 耶和華看見人佇地上，罪惡真大，心內所想的念頭逐日攏是歹，

6

(THR) Iâ-hô-hoa thè-hóe I chō lâng tī sè-kan; sim-lāi iu-būn.

(BCL) 耶和華退悔伊造人佇世間，心內憂悶。

7

(THR) Iâ-hô-hoa kóng, Góa beh tùi tōe-chiūⁿ châu-bia̍t Góa só͘ chhòng-chō ê lâng; chiong lâng kap cháu-siù, thâng-thōa, pe-chiáu, lóng châu-bia̍t; in-ūi Góa chō in liáu ū thè-hóe.

(BCL) 耶和華講：「我欲對地上剿滅我所創造的人，將人及走獸，蟲，飛鳥，攏剿滅，因為我造了有退悔。」

8

(THR) Chí-ū Ná-a tit-tio̍h un-tián tī Iâ-hô-hoa ê bīn-chêng.

(BCL) 只有挪亞得著恩典佇耶和華的面前。

9

(THR) Ná-a ê sè-hē kì tī ē-tóe. Ná-a sī gī-lâng; tī hit sè-tāi ê tiong-kan sī ôan-chôan ê lâng; Ná-a kap Siōng-tè saⁿ-kap kiâⁿ.

(BCL) 挪亞的世系記佇下底。挪亞是義人，佇彼世代的中間是完全的人。挪亞及上帝相及行。

10

(THR) Ná-a siⁿ saⁿ ê kiáⁿ, chiū-sī Siám, Hâm, Ngá-hut.

(BCL) 挪亞生三個子，就是閃、含、雅弗。

11

(THR) Sè-kài pāi-hōai tī Siōng-tè ê bīn-chêng; sè-kài chhiong-móa kiông-pō.

(BCL) 世界敗壞佇上帝的面前，世界充滿強暴。

12

(THR) Siōng-tè khòaⁿ sè-kài lóng pāi-hōai; in-ūi kìⁿ ū jio̍k-thé-ê in tī sè-kài ê kiâⁿ-chòe lóng sī pāi-hōai.

(BCL) 上帝看世界攏敗壞；因為見有肉體者佇世界的行做攏是敗壞。

13

(THR) Siōng-tè tùi Ná-a kóng, Kìⁿ ū jio̍k-thé-ê Góa khòaⁿ in ê bo̍at-kî í-keng kàu, in-ūi in ê kiông-pō chhiong-móa tī sè-kài; lí khòaⁿ, Góa beh chiong in kap tōe chòe chı̍t-ē húi-bia̍t.

(BCL) 上帝對挪亞講：「見有肉體者，我看的末期已經到；因為的強暴充滿佇世界，你看，我欲將及地做一下毀滅。

14

(THR) Lí tio̍h ēng chhêng-peh-chhâ chòe tōa-chûn, chûn-lāi tio̍h keh pâng-keng, lāi-gōa ēng le̍k-chhiⁿ-iû kô͘ i.

(BCL) 你著用松柏柴做大船，船內著隔房間，內外用瀝青油糊伊。

15

(THR) Tōa-chûn ê chō-hoat sī án-ni: tn̂g saⁿ-pah tiú, khoah gō͘-cha̍p tiú, kôaiⁿ saⁿ-cha̍p tiú.

(BCL) 大船的造法是按呢：長三百肘，闊五十肘，高三十肘。

16

(THR) Chûn tio̍h chòe thang-á, kôaiⁿ chı̍t tiú; mn̂g tio̍h hē tī chûn-piⁿ; chûn tio̍h chòe saⁿ-chân, hun siōng, tiong, hā.

(BCL) 船著做窗仔，高一肘。門著下佇船邊。船著做三層分上、中、下。

17

(THR) Lí khòaⁿ, Góa, Góa beh hō͘ tōa chúi hòan-lām tī tōe-chiūⁿ, lâi húi-bia̍t thiⁿ-ē kìⁿ-nā ū o̍ah-khì ê jio̍k-thé; kìⁿ-nā tī tōe-chiūⁿ-ê lóng ōe sí.

(BCL) 你看，我，我欲互大水氾濫佇地上，來毀滅天下；見若有活氣的肉體，見若佇地上者，攏會死。

18

(THR) Chóng-sī Góa beh kap lí lı̍p Góa ê iok. Lí kap lí ê kiáⁿ, lí ê bó͘, lí ê sim-pū, lóng tio̍h jı̍p tōa-chûn.

(BCL) 總是我欲及你立我的約；你及你的子，你的某，你的媳婦攏著入大船。

19

(THR) Kìⁿ-nā ū o̍ah-khì ê jio̍k-thé, ta̍k-iūⁿ chı̍t-tùi, chı̍t-chiah kang-ê, chı̍t-chiah bú-ê, lí tio̍h tòa in jı̍p tōa-chûn, kap lí saⁿ-kap pó-chôan o̍ah-miā.

(BCL) 見若有活氣的肉體，逐樣一對，一隻公的一隻母的，你著帶入大船，及你相及保全活命。

20

(THR) Pe-chiáu kok chiàu i ê lūi, cheng-siⁿ kok chiàu i ê lūi, tōe-chiūⁿ ê thâng-thōa kok chiàu i ê lūi, ta̍k-iūⁿ chı̍t-tùi beh kàu lí hia lâi pó-chôan in ê o̍ah-miā.

(BCL) 飛鳥各照伊的類，精牲各照伊的類，地上的蟲各照伊的類，逐樣一對，欲到你遐來保全的活命。

21

(THR) Lí tio̍h the̍h ta̍k-iūⁿ ê chia̍h-mı̍h chek-chū-teh, thang chòe lí kap in ê chia̍h-mı̍h.

(BCL) 你著提逐樣的食物積聚，通做你及的食物。」

22

(THR) Ná-a chiū án-ni kiâⁿ; chiàu Siōng-tè lóng-chóng só͘ bēng-lēng-ê khì kiâⁿ.

(BCL) 挪亞就按呢行。照上帝攏總所命令的去行。

Bible Color Mark

• 台語漢字羅馬本
• 巴克禮全羅