何西阿書 第 6 章

1

(THR) Lâi ah, lán tio̍h kui-óa Iâ-hô-hoa; I thiah-lı̍h lán, iā beh i-hó lán; I phah lán, iā beh pau lán ê siong.

(BCL) 來啊，咱著歸倚耶和華！伊拆裂咱，也欲醫好咱；伊拍咱，也欲包咱的傷。

2

(THR) Kè nn̄g jı̍t I beh hō͘ lán koh-o̍ah; kàu tē-saⁿ-jı̍t, I beh hō͘ lán khí-lâi, lán chiū o̍ah tī I ê bīn-chêng.

(BCL) 過二日伊欲互咱復活，到第三日伊欲互咱起來，咱就活佇伊的面前。

3

(THR) Lán tio̍h jīn-bat Iâ-hô-hoa, chhut-la̍t chìn-chêng lâi bat I; I ún-tàng chhut-hiān chhin-chhiūⁿ thiⁿ-kng-chá ê kng, I beh lîm-kàu lán, chhin-chhiūⁿ hō͘, iā chhin-chhiūⁿ chhun-thiⁿ ê hō͘, lūn-te̍k thó͘-tōe.

(BCL) 咱著認識耶和華，出力進前來識伊。伊穩當出現親像天光早的光，伊欲臨到咱親像雨，也親像春天的雨潤澤土地。

4

(THR) Í-hoat-liân ah, Góa beh cháiⁿ-iūⁿ khóan-thāi lí? Iû-tāi ah, Góa beh cháiⁿ-iūⁿ khóan-thāi lí? in-ūi lí ê siān-liông chhin-chhiūⁿ chá-khí-sî ê hûn-bū, koh chhin-chhiūⁿ kín-kín ta ê lō͘-chúi.

(BCL) 以法蓮啊，我欲怎樣款待你？猶大啊，我欲怎樣款待你？因為你的善良親像早起時的雲霧，閣親像緊緊乾的露水。

5

(THR) In-ūi án-ni, Góa ēng sian-ti thâi-siah in: ēng Góa chhùi-lāi ê ōe, thâi-sí in. Góa ê sím-phòaⁿ chhin-chhiūⁿ kng hoat-chhut.

(BCL) 因為按呢，我用先知削；用我嘴內的話死；我的審判親像光發出。

6

(THR) In-ūi Góa ài lîn-bín, m̄-ài chè-sū, ài lâng bat Siōng-tè, iâⁿ-kè sio-chè.

(BCL) 因為我愛憐憫，呣愛祭祀；愛人識上帝，贏過燒祭。

7

(THR) Chóng-sī in pōe-iok chhin-chhiūⁿ A-tong; tī-hia ǹg Góa kiâⁿ khúi-chà.

(BCL) 總是背約親像亞當，佇遐向我行詭詐。

8

(THR) Ki-lia̍t chiū-sī kiâⁿ-pháiⁿ--ê ê siâⁿ, bak-tio̍h huih-jiah.

(BCL) 基列就是行歹者的城，染著血跡。

9

(THR) Chhin-chhiūⁿ kui-tīn ê chha̍t bâi-ho̍k teh tng--lâng, chè-si kiat-tóng; iā chhin-chhiūⁿ án-ni, tī Sī-kiàm ê lō͘ thâi lâng; koh sı̍t-chāi kiâⁿ siâ-îm.

(BCL) 親像歸陣的賊，埋伏當人，祭司結黨，也親像按呢佇示劍的路人，閣實在行邪淫。

10

(THR) Tī Í-sek-lia̍t-ke Góa khòaⁿ-kìⁿ ke̍k thang iàm-ò͘ⁿ ê sū; tī-hia ū Í-hoat-liân ê îm-hēng, Í-sek-lia̍t bak--tio̍h lâ-sâm.

(BCL) 佇以色列家我看見極通厭惡的事；佇遐有以法蓮的淫行，以色列染著垃墋。

11

(THR) Iû-tāi ah, Góa hō͘ Góa siū-lia̍h ê peh-sìⁿ tò-lâi ê sî, chiū beh ūi lí pī-pān siu-koah.

(BCL) 猶大啊，我互我受掠的百姓倒來的時，就欲為你備辦收割。

Bible Color Mark

• 台語漢字羅馬本
• 巴克禮全羅