以賽亞書 第 35 章

1

(THR) Khòng-iá kap ta-sò ê tōe tek-khak hoaⁿ-hí; soa-bô͘ ia̍h beh khòai-lo̍k, koh chhin-chhiūⁿ mûi-kùi khui-hoe.

(BCL) 曠野及乾燥的地的確歡喜；沙漠亦欲快樂；閣親像玫瑰開花，

2

(THR) I beh khui-hoe bō͘-sēng, lâi hoaⁿ-hí, beh ū hoaⁿ-hí kap chhiùⁿ-koa; Lī-pa-lùn ê êng-kng, Ka-bı̍t kap Sa-lûn ê súi, beh kui i; in beh khòaⁿ-kìⁿ Iâ-hô-hoa ê êng-kng, lán ê Siōng-tè ê bí-biāu.

(BCL) 伊欲開花茂盛，來歡喜，欲有歡喜及唱歌。黎巴嫩的榮光，迦密及沙崙的娞，欲歸伊。欲看見耶和華的榮光，咱的上帝的美妙。

3

(THR) Lín tio̍h hō͘ lóan-jio̍k ê chhiú ióng-chòng, bô-la̍t ê kha-thâu-u chū-chāi.

(BCL) 恁著互軟弱的手勇壯，無力的腳頭窩自在。

4

(THR) Tùi sió-táⁿ ê lâng kóng, Lín tio̍h kong-kiông, m̄-bián kiaⁿ; khòaⁿ ah, lín ê Siōng-tè beh lâi pò-siû, beh lâi kiâⁿ ke̍k-tōa ê pò-èng; I beh lâi chín-kiù lín.

(BCL) 對小膽的人講：恁著剛強，呣免驚。看啊，恁的上帝欲來報讎，欲來行極大的報應；伊欲來拯救恁。

5

(THR) Hit-sî chhiⁿ-mî lâng ê ba̍k-chiu beh khui, chhàu-hī-lâng ê hī-khang beh lāi.

(BCL) 彼時，睛暝人的目睭欲開；臭耳聾的耳孔欲利。

6

(THR) Hit-sî pái-kha--ê beh tiô-thiàu chhin-chhiūⁿ lo̍k, é-káu ê chı̍h beh chhiùⁿ-koa; in-ūi chúi chhèng-chhut tī khòng-iá, khoe-lâu chhèng-chhut tī soa-bô͘.

(BCL) 彼時，跛腳者欲趒跳親像鹿；啞口的舌欲唱歌。因為水淐出佇曠野；溪流淐出佇沙漠。

7

(THR) Hoat-chhut-kng ê soa, beh pìⁿ-chòe chúi-tî, ta-sò ê tōe beh pìⁿ-chòe chúi-chôaⁿ; tī soaⁿ-káu tó teh-khùn ê só͘-chāi beh ū chhiⁿ-chháu lô͘-úi kap pô͘-chháu.

(BCL) 發出光的沙欲變做水池；乾燥的地欲變做水泉。佇山狗倒睏的所在，欲有青草、蘆葦，及蒲草。

8

(THR) Tī-hia beh ū chı̍t tiâu kôaiⁿ ê lō͘, chit tiâu lō͘ beh chheng-chòe Sèng ê lō͘; ù-òe ê lâng bōe-tit-thang keng-kè; choan-choan beh chòe in ê lō͘-ēng; kiâⁿ-lō͘ ê lâng, sui-jiân gû-gōng, ia̍h bōe kiâⁿ-chhò.

(BCL) 佇遐欲有一條高的路，此條路欲稱做聖的路。污穢的人得通經過，專專欲做的路用；行路的人雖然愚戇，亦行錯。

9

(THR) Tī-hia tek-khak bô sai, béng-siù ia̍h-bô chiūⁿ chit tiâu lō͘; tī-hia lóng bô tú-tio̍h in; to̍k-to̍k tit-tio̍h sio̍k-hôe ê peh-sìⁿ tī-hia kiâⁿ.

(BCL) 佇遐的確無獅，猛獸亦無上此條路；佇遐攏無抵著，獨獨得著贖回的百姓佇遐行。

10

(THR) Koh Iâ-hô-hoa kiù-sio̍k ê peh-sìⁿ beh tò-tńg--lâi, beh chhiùⁿ-koa lâi kàu Sek-an; tit-tio̍h éng-óan ê hoaⁿ-hí chòe bián-liû; in beh hoaⁿ-hí khòai-lo̍k, iu-būn thó͘-khùi lóng beh cháu--khì.

(BCL) 閣耶和華救贖的百姓欲倒轉來，欲唱歌來到錫安；得著永遠的歡喜做冕旒；欲歡喜快樂，憂悶吐氣攏欲走去。

Bible Color Mark

• 台語漢字羅馬本
• 巴克禮全羅