以賽亞書 第 6 章

1

(THR) Tng Ou-se-a ông sí hit-nî, góa khòaⁿ-kìⁿ Chú chē tī kôaiⁿ-kôaiⁿ ê pó-chō, I ê i-ho̍k sûi-lo̍h móa-tiān.

(BCL) 當烏西亞王死彼年，我看見主坐佇高高的寶座。伊的衣服垂落滿殿。

2

(THR) Tī I ê téng-bīn ū se-la̍h-peng kun-sûi teh khiā; kok ū la̍k ê sı̍t, ēng nn̄g ê sı̍t jia-bīn, nn̄g ê sı̍t jia-kha, nn̄g ê sı̍t teh-pe.

(BCL) 佇伊的頂面有西拉兵跟隨徛，各有六個翅：用二個翅遮面，二個翅遮腳，二個翅飛；

3

(THR) Chit-ê chhiùⁿ, hit-ê hō, kóng, Sèng--chài, sèng--chài, sèng--chài, bān-kun ê Iâ-hô-hoa; I ê êng-kng chhiong-móa chôan-tōe.

(BCL) 此個唱彼個和講：聖哉！聖哉！聖哉！萬軍的耶和華；伊的榮光充滿全地！

4

(THR) Mn̂g-kheng in-ūi chhiùⁿ-hō ê siaⁿ lâi tín-tāng; tiān chiū ū ian-hûn móa-móa.

(BCL) 門框因為唱和的聲來振動，殿就有煙雲滿滿。

5

(THR) Hit-sî góa kóng, Góa ū chai-ē ah, góa bia̍t-bô lah; in-ūi góa sī chhùi-tûn bô chheng-khì ê lâng, koh tiàm tī chhùi-tûn bô chheng-khì ê peh-sìⁿ tiong; in-ūi góa ba̍k-chiu ū khòaⁿ-kìⁿ Ông, bān-kun ê Iâ-hô-hoa.

(BCL) 彼時我講：「我有災禍啊！我滅無啦！因為我是嘴唇無清氣的人，閣踮佇嘴唇無清氣的百姓中，因為我目睭有看見王──萬軍的耶和華。」

6

(THR) Ū chı̍t ê se-la̍h-peng pe--lâi óa góa, i ê chhiú the̍h jia̍t-jia̍t ê thòaⁿ, sī ēng hé-khîⁿ tùi tôaⁿ-téng the̍h--lâi-ê.

(BCL) 有一個西拉兵飛來倚我，伊的手提熱熱的炭，是用火鉗對壇頂提來的。

7

(THR) Chiong thòaⁿ hē tī góa ê chhùi, kóng, Khòaⁿ ah, chit-ê hē tī lí ê chhùi-tûn, lí ê chōe-kòa chiū tû--khì, lí ê chōe-ok chiū sià-bián.

(BCL) 將炭下佇我的嘴，講：「看啊，此個下佇你的嘴唇，你的罪過就除去，你的罪惡就赦免。」

8

(THR) Góa koh thiaⁿ-kìⁿ Chú ê siaⁿ kóng, Góa thang chhe chī-chūi ah? chī-chūi beh ūi Góan khì? Góa chiū kóng, Góa tī-chia, thang chhe góa.

(BCL) 我閣聽見主的聲講：「我通差是誰啊？是誰欲為阮去？」我就講：「我佇遮，通差我！」

9

(THR) I kóng, Lí khì kā chit ê peh-sìⁿ kóng, Lín thiaⁿ sī beh thiaⁿ, chóng-sī bōe bêng-pe̍k; khòaⁿ sī beh khòaⁿ, chóng-sī bōe hiáu--tit.

(BCL) 伊講：「你去給此個百姓講：恁聽是欲聽，總是明白；看是欲看，總是曉得。

10

(THR) Hō͘ chit ê peh-sìⁿ sim tūn, hī-khang tāng, ba̍k-chiu khoeh-ba̍t; bián-tit in ēng ba̍k-chiu khòaⁿ-kìⁿ, ēng hī-khang thiaⁿ-kìⁿ, sim hiáu-ngō͘, o̍at-tò-tńg lâi tit-tio̍h i-hó.

(BCL) 互此個百姓心鈍，耳孔重，目睭瞌密；免得用目睭看見，用耳孔聽見，心曉悟，越倒轉來得著醫好。」

11

(THR) Góa chiū kóng, Chú ah, che beh jōa-kú ah? I kóng, Kàu chiah ê siâⁿ pha-hng, bô lâng khiā-khí, chhù-lāi bô lâng, thó͘-tōe ke̍k-kî pha-hng;

(BCL) 我就講：「主啊，這欲偌久啊？」伊講：到諸個城拋荒，無人徛起，厝內無人，土地極其拋荒。

12

(THR) koh kàu Iâ-hô-hoa chhian-sóa hiah ê lâng kàu hn̄g-hn̄g, chit ê tōe chōe-chōe pàng-hē teh.

(BCL) 閣到耶和華遷徙許個人到遠遠，此個地多多放下。

13

(THR) Tī hit tiong-kan nā iáu chhun cha̍p-hūn ê chı̍t-hūn, ia̍h beh siū thun-bia̍t, chhin-chhiūⁿ lek-chhiū siōng-chhiū, sui-jiân chhò--khí-lâi, chóng-sī chhiū-thâu iáu lâu-teh; án-ni ū chit ê sèng ê hō͘-è, chiū-sī hit ê chhiū-thâu.

(BCL) 佇彼中間若猶剩十份的一份，亦欲受吞滅，親像栗樹、橡樹雖然剉起來，總是樹頭猶留。按呢有此個聖的後裔就是彼個樹頭。

Bible Color Mark

• 台語漢字羅馬本
• 巴克禮全羅