以賽亞書 第 7 章

1

(THR) Ou-se-a ê sun, Iok-thán ê kiáⁿ, Iû-tāi ông A-hap-su chē-ūi ê sî, A-lân ông Lī-sìn, kap Í-sek-lia̍t ông Lī-má-lī ê kiáⁿ Pí-ka, chiūⁿ-lâi kong-kek Iâ-lō͘-sat-léng, chóng-sī kong bōe-phòa.

(BCL) 烏西亞的孫、約坦的子、猶大王亞哈斯坐位的時，亞蘭王利汛及以色列王利瑪利的子比加上來攻擊耶路撒冷，總是攻破。

2

(THR) Ū lâng kā Tāi-pı̍t ê ke kóng, A-lân kap Í-hoat-liân í-keng hōe-bêng; ông ê sim kap peh-sìⁿ ê sim lóng iô-tāng, chhin-chhiūⁿ chhiū-nâ-lāi ê chhiū hō͘ hong chhe tín-tāng chı̍t-iūⁿ.

(BCL) 有人給大衛的家講：「亞蘭及以法蓮已經會盟。」王的心及百姓的心攏搖動，親像樹林內的樹互風吹振動一樣。

3

(THR) Iâ-hô-hoa tùi Í-sài-a kóng, Taⁿ lí kap lí ê kiáⁿ Si-a-ngá-su̍t chhut-khì kàu téng ê tî ê chúi-kau-kháu, tī phiò-pò͘ sai-hū ê chhân ê tōa-lō͘, ngiâ-chih A-hap-su;

(BCL) 耶和華對以賽亞講：「今你及你的子施亞雅述出去，到頂的池的水溝口，佇漂布師傅的田的大路，迎接亞哈斯，

4

(THR) tùi i kóng, Lí tio̍h kín-sīn an-chēng; bo̍h-tit in-ūi chí(**chit) nn̄g-ki chhut-ian ê hé-pé-thâu, chiū-sī A-lân ê Lī-sìn kap Lī-má-lī ê kiáⁿ, lia̍t ê siū-khì lâi kiaⁿ-hiâⁿ sit-táⁿ.

(BCL) 對伊講：『你著謹慎安靜，莫得因為此二支出煙的火把頭，就是亞蘭的利汛及利瑪利的子，烈的受氣，來驚惶失膽。

5

(THR) In-ūi A-lân kap Í-hoat-liân kap Lī-má-lī ê kiáⁿ siat pháiⁿ ê kè-bô͘ hāi lí,

(BCL) 因為亞蘭及以法蓮，及利瑪利的子，設歹的計謀害你，

6

(THR) kóng, Lán tio̍h chiūⁿ-lâi khì, kong-kek Iû-tāi, jiáu-lōan i, kong-phòa i, tī i ê tiong-kan siat-lı̍p Tha-pí-le̍k ê kiáⁿ chòe ông.

(BCL) 講：咱著上來去攻擊猶大，擾亂伊，攻破伊，佇伊的中間設立他比勒的子做王。

7

(THR) Chú Iâ-hô-hoa kóng, Chit ê kè-bô͘ bōe kiàn-lı̍p, ia̍h bōe sêng.

(BCL) 主耶和華講：此個計謀建立，亦成。

8

(THR) In-ūi Tāi-má-sek chòe A-lân ê thâu, Lī-sìn chòe Tāi-má-sek ê thâu; tī la̍k-cha̍p-gō͘ nî lāi, Í-hoat-liân tek-khak phò-hōai, tì-kàu bōe chiâⁿ chòe kok.

(BCL) 因為大馬色做亞蘭的頭；利汛做大馬色的頭。（佇六十五年來，以法蓮的確破壞，致到成做國。）

9

(THR) Koh Sat-má-lī-a chòe Í-hoat-liân ê thâu, Lī-má-lī ê kiáⁿ chòe Sat-má-lī-a ê thâu; siat-sú lín m̄-sìn, chiū tek-khak bōe-ōe khiā-chāi.

(BCL) 閣撒瑪利亞做以法蓮的頭；利瑪利的子做撒瑪利亞的頭。設使恁呣信，就的確會徛在。』」

10

(THR) Iâ-hô-hoa koh hoan-hù A-hap-su kóng,

(BCL) 耶和華閣吩咐亞哈斯講：

11

(THR) Lí tio̍h tùi Iâ-hô-hoa lí ê Siōng-tè kiû chı̍t ê tiāu-thâu; thang kiû i tī chhim-ian á-sī ke̍k-kôaiⁿ ê thiⁿ.

(BCL) 「你著對耶和華──你的上帝求一個兆頭：通求伊佇深淵，抑是極高的天。」

12

(THR) A-hap-su kóng, Góa m̄-kiû, ia̍h m̄-chhì Iâ-hô-hoa.

(BCL) 亞哈斯講：「我呣求；亦呣試耶和華。」

13

(THR) Í-sài-a kóng, Tāi-pı̍t ê ke ah, lín tio̍h thiaⁿ; lín hō͘ lâng ûi-lân, kiám sǹg-chòe sió-khóa sū, ia̍h beh hō͘ góa ê Siōng-tè ûi-lân mah?

(BCL) 以賽亞講：「大衛的家啊，恁著聽！恁互人為難豈算做小可事，亦欲互我的上帝為難嗎？

14

(THR) In-ūi án-ni, Chú pún-sin beh hō͘ lín chı̍t ê tiāu-thâu; khòaⁿ ah, ū chāi-sek-lú beh hôai-īn siⁿ-kiáⁿ, kā i hō-miâ kiò Í-má-lōe-lī.

(BCL) 因為按呢，主本身欲互恁一個兆頭，看啊，有在室女欲懷孕生子，給伊號名叫以馬內利。

15

(THR) Kàu i ōe hiáu-tit pàng-sak pháiⁿ, kéng hó ê sî, i chiah beh chia̍h lin-iû kap bı̍t.

(BCL) 到伊會曉得放拺歹揀好的時，伊才欲食奶油及蜜。

16

(THR) In-ūi tī chit ê gín-ná iáu-bē hiáu-tit pàng-sak pháiⁿ kéng hó ê tāi-seng, lí só͘ kiaⁿ ê hit nn̄g ê ông ê tōe beh tú-tio̍h pàng-sak.

(BCL) 因為佇此個囝仔猶未曉得放拺歹揀好的代先，你所驚的彼二個王的地欲抵著放拺。

17

(THR) Iâ-hô-hoa beh hō͘ hōan-lān ê jı̍t lîm-kàu lí kap lí ê peh-sìⁿ, í-kı̍p lí lāu-pē ê ke, tùi Í-hoat-liân lī-khui Iû-tāi í-lâi, bē-bat ū chit-hō ê jı̍t, chiū-sī A-su̍t ông lâi.

(BCL) 耶和華欲互患難的日臨到你及你的百姓，以及你老父的家，對以法蓮離開猶大以來，未曾有此號的日就是亞述王來。

18

(THR) Hit-sî Iâ-hô-hoa beh chhut kháu-hō, chio Ai-kı̍p kang-hô ê gôan-thâu ê hô͘-sîn, í-kı̍p A-su̍t tōe ê phang.

(BCL) 「彼時，耶和華欲出口號，招埃及江河的源頭的蝴蠅以及亞述地的蜂；

19

(THR) Lóng beh pe--lâi, hioh tī pha-hng ê soaⁿ-kok, chio̍h-phāng, kap it-chhè ê chhì-phè, kap it-chhè ê chháu-tiûⁿ.

(BCL) 攏欲飛來，歇佇拋荒的山谷、石縫，及一切的莿帕，及一切的草場。

20

(THR) Hit-sî Chú beh ēng tùi Hô-gōa kò͘-chhiàⁿ ê thì-thâu-to, chiū-sī A-su̍t ông, lâi thì in ê thâu, kap kha ê mn̂g; ia̍h beh it-chīn khun in ê chhùi-chhiu.

(BCL) 「彼時，主欲用對河外雇倩的剃頭刀，就是亞述王，來剃的頭及腳的毛，亦欲一盡髡的嘴鬚。

21

(THR) Hit-sî chı̍t-lâng beh chhī chı̍t chiah gû-bú, nn̄g chiah mî-iûⁿ-bú.

(BCL) 「彼時，一人欲飼一隻牛母，二隻綿羊母；

22

(THR) In-ūi chhut lin chōe, i beh chia̍h lin-iû; tī kéng-lāi só͘ chhun ê lâng lóng beh chia̍h lin-iû kap bı̍t.

(BCL) 因為出奶多，伊欲食奶油，佇境內所剩的人攏欲食奶油及蜜。

23

(THR) Chêng hōan-nā chai chı̍t-chheng châng ê phû-tô-chhiū, ta̍t chı̍t-chheng gûn, kàu hit-sî beh siⁿ chhì-phè kap chı̍t-lê.

(BCL) 「前，凡若栽一千欉的葡萄樹、值一千銀，到彼時欲生莿帕及蒺藜。

24

(THR) Lâng chiūⁿ--khì hia, tio̍h tòa keng-chìⁿ, in-ūi piàn-tōe móa-móa chhì-phè kap chı̍t-lê.

(BCL) 人上去遐，著帶弓箭，因為遍地滿滿莿帕及蒺藜。

25

(THR) Só͘ ū ēng ti(**tî)-thâu ku̍t ê soaⁿ-tōe, lí in-ūi kiaⁿ chhì-phè kap chı̍t-lê m̄-káⁿ chiūⁿ--khì hia, put-kò chòe pàng-gû ê só͘-chāi, chòe iûⁿ thún-ta̍h ê ūi.

(BCL) 所有用鋤頭掘的山地，你因為驚茦帕及蒺藜，呣敢上去遐；不過做放牛的所在，做羊　踏的位。」

Bible Color Mark

• 台語漢字羅馬本
• 巴克禮全羅