雅各書 第 1 章

1

(THR) Siōng-tè kap Chú Iâ-so͘ Ki-tok ê lô͘-po̍k, Ngá-kok chhéng-an cha̍p-jī chi-phài sì-sòaⁿ khiā-khí ê.

(BCL) 上帝及主耶穌基督的奴僕雅各請安十二支派四散徛起者。

2

(THR) Góa ê hiaⁿ-tī ah, lín hām-lo̍h tī chōe-chōe iūⁿ ê chhì-liān, tio̍h lóng lia̍h chòe hoaⁿ-hí,

(BCL) 我的兄弟啊，恁陷落佇多多樣的試煉，著攏掠做歡喜；

3

(THR) in-ūi chai lín sìn ê keng-giām ōe siⁿ-chhut thun-lún,

(BCL) 因為知恁信的經驗，會生出吞。

4

(THR) To̍k-to̍k thun-lún tio̍h hō͘ i kàu sêng-kong, hō͘ lín ôan-chôan chiâu-pī, bô só͘ khiàm-kheh.

(BCL) 獨獨吞著互伊到成功，互恁完全、齊備，無所欠缺。

5

(THR) Lín tiong-kan nā ū lâng khiàm-kheh tì-hūi, tio̍h tùi hit ê pe̍h-pe̍h hō͘ chèng lâng, iā bô hiâm lâng, ê Siōng-tè kî-kiû, chiū beh hō͘ i.

(BCL) 恁中間若有人欠缺智慧，著對彼個白白互眾人、也無嫌人的上帝，祈求就欲互伊。

6

(THR) To̍k-to̍k tio̍h ēng sìn lâi kiû, lóng bô giâu-gî; in-ūi giâu-gî ê lâng phì-jū chhin-chhiūⁿ hái-éng hō͘ hong phah, lâi khí-lo̍h.

(BCL) 獨獨著用信來求，攏無僥疑；因為僥疑的人，譬喻親像海湧互風拍，來起落。

7

(THR) Hit hō lâng bián phah-sǹg tùi Chú ū thang tit-tio̍h sím-mı̍h;

(BCL) 彼號人免拍算對主有通得著甚麼。

8

(THR) nn̄g iūⁿ sim ê lâng, tī só͘ kiâⁿ it-chhè ê lō͘ bô tēng-chún.

(BCL) 二樣心的人，佇所行一切的路無定準。

9

(THR) Pi-bî ê hiaⁿ-tī tio̍h tùi i ê ko-seng lâi khoa-kháu;

(BCL) 卑微的兄弟著對伊的高升，來誇口；

10

(THR) hó-gia̍h ê tùi i ê pi-bî iā tio̍h án-ni; in-ūi i beh kè-khì chhin-chhiūⁿ chháu ê hoe.

(BCL) 好額的對伊的卑微，也著按呢；因為伊欲過去，親像草的花。

11

(THR) In-ūi jı̍t chhut kap sio ê hong, hō͘ hit ê chháu ta, hoe siā, i ê súi chiū bô-khì; hó-gia̍h lâng tī i ê só͘ kiâⁿ iā beh án-ni soe-thè.

(BCL) 因為日出，及燒的風，互彼個草乾，花謝，伊的娞就無去；好額人，佇伊的所行也欲按呢衰退。

12

(THR) Tú-tio̍h chhì lâi jím-siū ê lâng ū hok-khì, in-ūi kì-jiân keng-kè chhì-giām beh tit-tio̍h o̍ah-miā ê bián-liû, chiū-sī Chú só͘ èng-ún hō͘ thiàⁿ I ê lâng ê.

(BCL) 抵著試來忍受的人有福氣，因為既然經過試驗，欲得著活命的冕旒；就是主所應允互疼伊的人的。

13

(THR) Tú-tio̍h chhì ê lâng bo̍h-tit kóng, Góa sī hō͘ Siōng-tè só͘ chhì; in-ūi Siōng-tè bô hō͘ pháiⁿ só͘ chhì, I ka-kī iā bô chhì lâng.

(BCL) 抵著試的人，莫得講：「我是互上帝所試」；因為上帝無互歹所試，伊家己也無試人。

14

(THR) To̍k-to̍k ta̍k lâng tú-tio̍h chhì, lóng sī hō͘ ka-kī su-io̍k só͘ bê só͘ tiò.

(BCL) 獨獨逐人抵著試，攏是互家己私慾所迷所釣。

15

(THR) Su-io̍k í-keng hôai-īn, chiū siⁿ chōe-ok, chōe-ok í-keng tióng-sêng, chiū siⁿ chhut sí-bô.

(BCL) 私慾已經懷孕，就生罪惡；罪惡已經長成，就生出死無。

16

(THR) Góa só͘ thiàⁿ ê hiaⁿ-tī ah, bo̍h-tit chhò -gō͘.

(BCL) 我所疼的兄弟啊，莫得錯誤。

17

(THR) Kìⁿ-nā hó ê siúⁿ-sù, kap ôan-chôan ê un-sù, lóng sī tùi téng-bīn, tùi chèng hāng kng ê Pē lo̍h-lâi. I bô piàn-ōaⁿ, iā bô tńg-se̍h ê iáⁿ.

(BCL) 見若好的賞賜及完全的恩賜攏是對頂面，對眾項光的父落來；伊無變換，也無轉踅的影。

18

(THR) I chiàu ka-kī ê ì-sù bat ēng chin-lí ê tō siⁿ lán, beh hō͘ lán tī I só͘ chō ê ê tiong-kan, chòe chhin-chhiūⁿ thâu-chúi ê ké-chí.

(BCL) 伊照家己的意思，曾用真理的道生咱，欲互咱佇伊所造者的中間做親像頭水的果子。

19

(THR) Góa só͘ thiàⁿ ê hiaⁿ-tī ah, lín chai chit-ê. Nā-sī ta̍k lâng lūn-kàu thiaⁿ tio̍h kín, kóng ōe tio̍h bān, siū-khì iā tio̍h bān.

(BCL) 我所疼的兄弟啊，恁知此個。若是逐人論到聽著緊，講話著慢，受氣也著慢，

20

(THR) In-ūi lâng ê siū-khì bô chiâⁿ Siōng-tè ê gī.

(BCL) 因為人的受氣無成上帝的義。

21

(THR) Só͘-í lín tû-khì lóng-chóng am-cham, kap kè-gia̍h ê ok-to̍k, tio̍h ēng un-jiû lâi chiap-la̍p só͘ chèng tī lāi-bīn ê tō-lí, chiū-sī ōe kiù lín ê lêng-hûn ê.

(BCL) 所以，恁除去攏總腌臢及過額的惡毒，著用溫柔來接納所種佇內面的道理，就是會救恁的靈魂的。

22

(THR) Lín tio̍h chòe kiâⁿ tō-lí ê, m̄ sī kan-ta thiaⁿ ê, lâi ka-kī phiàn.

(BCL) 恁著做行道理的，呣是干單聽的，來家己騙。

23

(THR) In-ūi thiaⁿ tō-lí, nā bô kiâⁿ ê, phì-jū chhin-chhiūⁿ lâng tī kiàⁿ-nı̍h siông-sè khòaⁿ i pún-jiân ê bīn;

(BCL) 因為聽道理若無行的，譬喻親像人佇鏡裡詳細看伊本然的面，

24

(THR) Khòaⁿ kè-liáu chiū chòe i khì, liâm-piⁿ bōe kì-tit i siⁿ-chòe sím-mı̍h khóan.

(BCL) 看過了，就做伊去，連鞭記得伊生做甚麼款。

25

(THR) Nā-sī lâng chù-sîn tī hit ê chiâu-chn̂g ê lu̍t-hoat, chiū-sī hō͘ lâng chū-iû ê, iā tn̂g-tn̂g tòa tī hit-ê, m̄ sī thiaⁿ-liáu bōe kì-tit ê, sī sı̍t-chāi teh ēng kang ê, chit hō lâng tī i ê só͘ chòe beh ū hok-khì.

(BCL) 若是人注神佇彼個齊全的律法，就是互人自由的，也長長住佇彼個，呣是聽了記得的，是實在用工的，此號人佇伊的所做欲有福氣。

26

(THR) Nā ū lâng lia̍h ka-kī chòe kèng-khiân, iā bô iok-sok i ê chı̍h, chiū-sī phiàn i ka-kī ê sim, chit hō lâng ê kèng-khiân sī khang-khang.

(BCL) 若有人掠家己做敬虔，也無約束伊的舌，就是騙伊家己的心，此號人的敬虔是空空。

27

(THR) To̍k-to̍k kòan-kò͘ ko͘-jî kóaⁿ-hū tī in ê hōan-lān tiong, koh ka-kī siú, bô hō͘ sè-sio̍k bak-tio̍h, che tī Pē Siōng-tè ê bīn-chêng chiū-sī chòe chheng-khì bô lâ-sâm ê kèng-khiân.

(BCL) 獨獨眷顧孤兒寡婦佇的患難中，閣家己守，無互世俗染著，這佇父上帝的面前，就是做清氣無垃墋的敬虔。

Bible Color Mark

• 台語漢字羅馬本
• 巴克禮全羅