耶利米書 第 17 章

1

(THR) Iû-tāi ê chōe sī ēng thih-pit, ēng sōan-chio̍h pit-bé kì--ê; chiū-sī khek tī in ê sim ê pi, tôaⁿ ê kak.

(BCL) 猶大的罪是用鐵筆、用鑽石筆尾記的，就是刻佇的心的碑，壇的角。

2

(THR) In ê kiáⁿ kì-liām in kôaiⁿ-soaⁿ-téng, chhiⁿ-chhùi chhiū-piⁿ ê tôaⁿ, kap ngó͘-siōng.

(BCL) 的子紀念高山頂、青翠樹邊的壇及偶像。

3

(THR) Góa chhân--nih ê soaⁿ ah, Góa beh in-ūi lí tī sì-kéng-lāi só͘ hōan ê chōe, chiong lí ê hè-mı̍h, châi-pó kap soaⁿ-thâu ê tôaⁿ, lóng hō͘ lâng chhiúⁿ-khì.

(BCL) 我田裡的山啊，我欲因為你佇四境內所犯的罪，將你的貨物、財寶，及山頭的壇，攏互人搶去；

4

(THR) Koh lí ūi-tio̍h pún-sin, beh chiong Góa só͘ siúⁿ-sù ê sán-gia̍p pàng hē-teh; Góa ia̍h beh hō͘ lí tī só͘ m̄-bat ê tōe ho̍k-sāi lí ê tùi-te̍k; in-ūi lín kek Góa siū-khì ê hé, tı̍t-tı̍t to̍h kàu éng-óan.

(BCL) 閣你為著本身欲將我所賞賜的產業放下。我亦欲互你佇所呣識的地服事你的對敵；因為恁激我受氣的火，直直到永遠。

5

(THR) Iâ-hô-hoa án-ni kóng, Kìⁿ-nā óa-khò lâng, ēng jio̍k-thé chòe i ê chhiú, i ê sim lī-khui Iâ-hô-hoa--ê, hit-hō lâng siū chiù-chó͘.

(BCL) 耶和華按呢講：見若倚靠人用肉體做伊的手，伊的心離開耶和華者，彼號人受咒詛！

6

(THR) In-ūi i beh chhin-chhiūⁿ khòng-iá ê tō͘-siông; hok-khì kàu ê sî, i khòaⁿ-bōe-tio̍h; beh tiàm tī soa-bô͘ ta-sò ê só͘-chāi, bô lâng khiā-khí ê kiâm-tōe.

(BCL) 因為伊欲親像曠野的杜松，福氣到的時，伊看著，欲踮佇沙漠乾燥的所在，無人徛起的鹹地。

7

(THR) Óa-khò Iâ-hô-hoa, lia̍h Iâ-hô-hoa chòe i só͘ óa-khò--ê hit-hō lâng ū hok-khì.

(BCL) 倚靠耶和華，掠耶和華做伊所倚靠者，彼號人有福氣！

8

(THR) I beh chhin-chhiūⁿ chúi-piⁿ só͘ chai ê chhiū, soan i ê kun tī hô-piⁿ; iām-jia̍t kàu ia̍h bô kiaⁿ; hio̍h iû-gôan beh chhiⁿ-chhùi; tī ta-sò ê nî, lóng bô khòa-lū; koh kiat ké-chí bô soah.

(BCL) 伊欲親像水邊所栽的樹，旋伊的根佇河邊，炎熱到，亦無驚，葉猶原欲青翠，佇乾燥的年攏無掛慮，閣結果子無息。

9

(THR) Lâng ê sim pí bān-mı̍h khah khúi-khiat, pháiⁿ kàu ke̍k-thâu; chī-chūi ōe chai i ah?

(BCL) 人的心比萬物卡詭譎，歹到極頭，是誰會知伊啊？

10

(THR) Góa Iâ-hô-hoa sī kàm-chhat lâng ê sim; chhì-giām lâng ê chōng-hú--ê; beh chiàu ta̍k-lâng só͘ kiâⁿ--ê, kap i chòe tāi-chì ê kiat-kó, lâi pò-èng i.

(BCL) 我──耶和華是鑑察人的心、試驗人的臟腑者，欲照逐人所行的及伊做代誌的結果來報應伊。

11

(THR) Lâng bô chiàu chèng-tō tit-tio̍h chîⁿ, chhin-chhiūⁿ chià-ko͘ pū m̄-sī i siⁿ ê nn̄g; kàu tiong-liân, hit ê chîⁿ lóng beh lī-khui i, i ê kiat-kio̍k chiâⁿ-chòe gû-gōng.

(BCL) 人無照正道得著錢，親像鷓鴣孵呣是伊生的卵；到中年，彼個錢攏欲離開伊，伊的結局成做愚戇。

12

(THR) Góan ê sèng-só͘ sī êng-kng ê pó-chō; tùi khí-thâu an-tì tī kôaiⁿ ê só͘-chāi.

(BCL) 阮的聖所是榮光的寶座，對起頭安置佇高的所在。

13

(THR) Í-sek-lia̍t só͘ ǹg-bāng ê Iâ-hô-hoa ah, kìⁿ-nā khì-sak Lí--ê, lóng beh kiàn-siàu; kìⁿ-nā lī-khui Lí--ê, in ê miâ beh kì tī thô͘--nih; in-ūi in khì-sak Iâ-hô-hoa, o̍ah-chúi ê gôan-thâu.

(BCL) 以色列──所向望的耶和華啊，見若棄拺你的攏欲見誚。見若離開你的，的名欲記佇土裡，因為棄拺耶和華活水的源頭。

14

(THR) Iâ-hô-hoa ah, kiû Lí i-tī góa, góa chiū tit-tio̍h i-hó; chín-kiù góa, góa chiū tit-tio̍h kiù; in-ūi Lí sī góa só͘ o-ló--ê.

(BCL) 耶和華啊，求你醫治我，我就得著醫好，拯救我，我就得著救；因為你是我所謳咾者。

15

(THR) Khòaⁿ ah, lâng tùi góa kóng, Iâ-hô-hoa ê ōe tī toh-lo̍h? taⁿ tio̍h hō͘ i lâi.

(BCL) 看啊，人對我講：耶和華的話佇叨落？今著互伊來！

16

(THR) Lūn-kàu góa, góa bô kín-kín khì-sak bo̍k-chiá ê chit, m̄ tè--Lí; chai-ē kàu ê jı̍t, m̄-sī góa só͘ ài; che sī Lí só͘ chai, góa ê chhùi só͘ kóng--ê, lóng tī Lí ê bīn-chêng.

(BCL) 論到我，我無緊緊棄拺牧者的職，呣隨你，災禍到的日呣是我所愛；這是你所知。我的嘴所講的攏佇你的面前。

17

(THR) Bo̍h-tit chòe hō͘ góa kiaⁿ-hiâⁿ-ê; tng hōan-lān ê jı̍t. Lí chòe góa tô-siám ê só͘-chāi.

(BCL) 莫得做互我驚惶的；當患難的日，你做我逃閃的所在。

18

(THR) Hō͘ hiah ê khún-pek góa--ê kiàn-siàu, bo̍h-tit hō͘ góa kiàn-siàu; hō͘ in kiaⁿ-hiâⁿ, bo̍h-tit hō͘ góa kiaⁿ-hiâⁿ; hō͘ chai-ē ê jı̍t lîm-kàu in, ēng ka-pē ê húi-hōai lâi húi-hōai in.

(BCL) 互許個窘迫我的見誚，莫得互我見誚；互驚惶，莫得互我驚惶；互災禍的日臨到，用加倍的毀壞來毀壞。

19

(THR) Iâ-hô-hoa tùi góa án-ni kóng, Lí khì khiā tī chèng peh-sìⁿ ê mn̂g, chiū-sī Iû-tāi lia̍t-ông tùi-hia jı̍p, tùi-hia chhut--ê; koh khiā tī Iâ-lō͘-sat-léng chiah ê mn̂g.

(BCL) 耶和華對我按呢講：「你去徛佇眾百姓的門，就是猶大列王對遐入，對遐出的，閣徛佇耶路撒冷諸個門，

20

(THR) Tùi in kóng, Lín chiah ê Iû-tāi ông, kap Iû-tāi chèng-lâng, kap Iâ-lō͘-sat-léng it-chhè khiā-khí ê peh-sìⁿ, hōan-nā tùi chiah ê mn̂g jı̍p--ê, lóng tio̍h thiaⁿ Iâ-hô-hoa ê ōe.

(BCL) 對講：『恁諸個猶大王及猶大眾人，及耶路撒冷一切徛起的百姓，凡若對諸個門入者攏著聽耶和華的話。

21

(THR) Iâ-hô-hoa án-ni kóng, Lín tio̍h ka-kī kín-sīn, bo̍h-tit tī an-hioh-jı̍t taⁿ-tàⁿ, iā bo̍h-tit ūn jı̍p Iâ-lō͘-sat-léng chiah ê siâⁿ-mn̂g.

(BCL) 耶和華按呢講：恁著家己謹慎，莫得佇安息日擔擔，也莫得運入耶路撒冷諸個城門；

22

(THR) Ia̍h bo̍h-tit tī an-hioh-jı̍t tùi ke-lāi taⁿ-tàⁿ chhut-khì, bô-lūn sím-mı̍h kang lóng m̄-thang chòe; to̍k-to̍k tio̍h lia̍h an-hioh-jı̍t chòe sèng-jı̍t, chiàu Góa pêng-sò͘ hoan-hù lín ê lia̍t-chó͘--ê.

(BCL) 亦莫得佇安息日對家內擔擔出去。無論甚麼工攏呣通做，獨獨著掠安息日做聖日，照我平素吩咐恁的列祖的。』

23

(THR) Chóng-sī in m̄ thiaⁿ-thàn, m̄ àⁿ hī-khang; chiū-sī ngī in ê ām-kún, tì-kàu bōe thiaⁿ, bōe siū kà-sī.

(BCL) 總是呣聽趁，呣俯耳孔，就是硬的頷頸致到聽，受教示。」

24

(THR) Iâ-hô-hoa kóng, Lín nā liû-sim thiaⁿ-thàn Góa, tī an-hioh-jı̍t bô taⁿ sím-mı̍h tàⁿ jı̍p chit ê siâⁿ chiah ê mn̂g; to̍k-to̍k lia̍h an-hioh-jı̍t chòe sèng-jı̍t, tī hit-jı̍t lóng bô chòe sím-mı̍h kang;

(BCL) 耶和華講：「恁若留心聽趁我，佇安息日無擔甚麼擔入此個城諸個門，獨獨掠安息日做聖日，佇彼日攏無做甚麼工；

25

(THR) chiū ū kun-ông, ông-chhin, chē Tāi-pı̍t ê pó-chō--ê, in kap in ê ông-chhin kap Iû-tāi lâng kap Iâ-lō͘-sat-léng khiā-khí ê peh-sìⁿ, he̍k-sī chē-chhia, he̍k-sī khiâ-bé, jı̍p chit ê siâⁿ chiah ê mn̂g; koh chit ê siâⁿ beh lâu kàu éng-óan.

(BCL) 就有君王、王親，坐大衛的寶座者，及的王親及猶大人，及耶路撒冷徛起的百姓，或是坐車，或是騎馬，入此個城諸個門，閣此個城欲留到永遠。

26

(THR) Ia̍h beh ū lâng tùi Iû-tāi chiah ê siâⁿ. kap Iâ-lō͘-sat-léng sì-ûi ê só͘-chāi, tùi Piān-ngá-bín tōe, pîⁿ-iûⁿ, soaⁿ-tōe, kap lâm-hng ê tōe lâi; lóng tòa sio-chè, ta̍k-iūⁿ ê chè, sò͘-chè, kap jú-hiuⁿ, kap siā-un chè, kàu Iâ-hô-hoa ê chhù.

(BCL) 亦欲有人對猶大諸個城及耶路撒冷四圍的所在，對便雅憫地、平洋、山地，及南方的地來，攏帶燒祭、逐樣的祭、素祭，及乳香，及謝恩祭，到耶和華的厝。

27

(THR) Lín nā m̄ thiaⁿ-thàn Góa, m̄ lia̍h an-hioh-jı̍t chòe sèng-jı̍t; iû-gôan tī an-hioh-jı̍t taⁿ-tàⁿ jı̍p Iâ-lō͘-sat-léng ta̍k ê mn̂g; Góa beh tī ta̍k ê mn̂g khí hé; chit ê hé ia̍h beh sio-húi Iâ-lō͘-sat-léng ê kiong-tiān, bōe-ōe phah-hoa.

(BCL) 恁若呣聽趁我，呣掠安息日做聖日，猶原佇安息日擔擔入耶路撒冷逐個門；我欲佇逐個門起火；此個火亦欲燒毀耶路撒冷的宮殿，會拍熄。」

Bible Color Mark

• 台語漢字羅馬本
• 巴克禮全羅