約翰福音 第 11 章

1

(THR) Ū chı̍t lâng, miâ Lia̍p-sat-lō͘, phòa-pīⁿ; i khiā tī Pek-tāi-nî, chiū-sī Má-lī-a kap i ê chí-bē Má-tāi ê hiuⁿ-siā.

(BCL) 有一人名拉撒路，破病，伊徛佇伯大尼，就是馬利亞及伊的姊妹馬大的鄉社。

2

(THR) . Chit ê Má-lī-a chiū-sī bat ēng hiuⁿ-iû boah Chú, ēng i ê thâu-mn̂g chhit Chú ê kha ê, i ê hiaⁿ-tī Lia̍p-sat-lō͘ phòa-pīⁿ.

(BCL) 此個馬利亞就是曾用香油抹主，用伊的頭毛拭主的腳的；伊的兄弟拉撒路破病。

3

(THR) . In nn̄g ê chí-bē chiū chhe lâng khì chhē Iâ-so͘, kóng, Chú ah, lí só͘ thiàⁿ ê lâng phòa-pīⁿ lah.

(BCL) 二個姊妹就差人去尋耶穌，講：「主啊，你所疼的人破病啦。」

4

(THR) . Iâ-so͘ thiaⁿ-kìⁿ chiū kóng, Chit ê pīⁿ put-tì kàu sí, chiū-sī ūi-tio̍h Siōng-tè ê êng-kng, hō͘ Siōng-tè ê Kiáⁿ tùi chit-ê tit-tio̍h êng-kng.

(BCL) 耶穌聽見，就講：「此個病不致到死，就是為著上帝的榮光，互上帝的子對此個得著榮光。」

5

(THR) . Taⁿ Má-tāi, kap i ê chí-bē, kap Lia̍p-sat-lō͘, lóng sī Iâ-so͘ só͘ thiàⁿ ê lâng.

(BCL) 今馬大及伊的姊妹及拉撒路，攏是耶穌所疼的人。

6

(THR) . Kì-jiân thiaⁿ-kìⁿ i phòa-pīⁿ, chiū tī só͘ tòa ê só͘-chāi iû-gôan tòa nn̄g jı̍t.

(BCL) 既然聽見伊破病，就佇所住的所在猶原住二日。

7

(THR) . Āu-lâi chiū kā ha̍k-seng kóng, Lán koh lâi khì Iû-thài.

(BCL) 後來就給學生講：「咱閣來去猶太。」

8

(THR) . Ha̍k-seng kā I kóng, Lia̍p-pí, kūn-lâi Iû-thài lâng ài beh ēng chio̍h-thâu tìm lí; lí iáu beh koh khì hia mah?

(BCL) 學生給伊講：「拉比，近來猶太人愛欲用石頭擲你，你猶欲閣去遐嗎？」

9

(THR) . Iâ-so͘ ìn kóng, Chı̍t jı̍t kiám bô la̍k sî mah? Lâng nā jı̍t-sî kiâⁿ, chiū bōe tak-tio̍h, in-ūi khòaⁿ-kìⁿ chit sè-kan ê kng.

(BCL) 耶穌應講：「一日豈無六時嗎？人若日時行，就觸著，因為看見此世間的光。

10

(THR) . Chóng-sī lâng nā mî-sî kiâⁿ, chiū tak-tio̍h, in-ūi lāi-tiong bô kng.

(BCL) 總是人若暝時行，就觸著，因為內中無光。」

11

(THR) . Kóng soah, koh kā in kóng, Lán ê pêng-iú Lia̍p-sat-lō͘ teh khùn; góa khì sī beh kiò i chhíⁿ.

(BCL) 講息，閣給講：「咱的朋友拉撒路睏，我去是欲叫伊醒。」

12

(THR) . Ha̍k-seng kóng, Chú ah, i nā teh khùn, chiū ōe hó.

(BCL) 學生講：「主啊，伊若睏，就會好。」

13

(THR) . Iâ-so͘ só͘ kóng sī chí i sí; nā-sī in lia̍h-chún sī chí i an-bîn teh khùn.

(BCL) 耶穌所講是指伊死，若是掠準是指伊安眠睏。

14

(THR) . Só͘-í Iâ-so͘ bêng-bêng kā in kóng, Lia̍p-sat-lō͘ sí lah.

(BCL) 所以耶穌明明給講：「拉撒路死啦。

15

(THR) . Góa ia̍h ūi-tio̍h lín hoaⁿ-hí, in-ūi góa bô tī hia, sī beh hō͘ lín sìn; chóng-sī lán lâi khì chiū-kūn i.

(BCL) 我亦為著恁歡喜，因為我無佇遐，是欲互恁信。總是咱來去就近伊。」

16

(THR) . To-má, chheng Té-thó͘-má ê, chiū kā tâng chòe ha̍k-seng ê lâng kóng, Lán chiah-ê ia̍h lâi khì, kap I saⁿ-tâng sí.

(BCL) 多馬，稱低土馬的，就給同做學生的人講：「咱諸個亦來去及伊相同死。」

17

(THR) . Iâ-so͘ kàu ê sî, Lia̍p-sat-lō͘ tī bōng-nı̍h í-keng sì jı̍t lah.

(BCL) 耶穌到的時，拉撒路佇墓裡已經四日啦。

18

(THR) . Pek-tāi-nî kūn Iâ-lō͘-sat-léng, saⁿ-lī iok-liōng gō͘ lí;

(BCL) 伯大尼近耶路撒冷，相離約量五里。

19

(THR) . ū Iû-thài chōe-chōe lâng í-keng chiū-kūn Má-tāi Má-lī-a, beh ūi-tio̍h in ê hiaⁿ-tī lâi an-ùi in.

(BCL) 有猶太多多人已經就近馬大、馬利亞，欲為著的兄弟來安慰。

20

(THR) . Má-tāi thiaⁿ-kìⁿ Iâ-so͘ lâi, chiū khì chih I; Má-lī-a iû-gôan chē tī chhù-lāi.

(BCL) 馬大聽見耶穌來，就去接伊；馬利亞猶原坐佇厝內。

21

(THR) . Má-tāi tùi Iâ-so͘ kóng, Chú ah, lí nā tī chia, góa ê hiaⁿ-tī chiū bōe sí.

(BCL) 馬大對耶穌講：「主啊，你若佇遮，我的兄弟就死。

22

(THR) . Góa taⁿ ia̍h chai kìⁿ-nā lí tùi Siōng-tè kiû ê, Siōng-tè beh hō͘ lí.

(BCL) 我今亦知，見若你對上帝求的，上帝欲互你。」

23

(THR) . Iâ-so͘ kā i kóng, Lí ê hiaⁿ-tī beh koh-o̍ah.

(BCL) 耶穌給伊講：「你的兄弟欲復活。」

24

(THR) . Má-tāi kā I kóng, Góa chai bo̍at-jīt, koh-o̍ah ê sî, i beh koh-o̍ah.

(BCL) 馬大給伊講：「我知末日復活的時，伊欲復活。」

25

(THR) . Iâ-so͘ kā i kóng, Koh-o̍ah kap o̍ah-miā sī chāi-tī góa; sìn góa ê lâng sui-bóng sí, iáu-kú beh o̍ah;

(BCL) 耶穌給伊講：「復活及活命是在佇我。信我的人雖莽死，猶久欲活；

26

(THR) . kìⁿ-nā o̍ah lâi sìn góa ê lâng éng-éng bōe sí. Lí sìn chit-ê mah?

(BCL) 見若活來信我的人永永死。你信此個嗎？」

27

(THR) . I kā I kóng, Chú ah, sī lah, góa í-keng sìn lí sī Ki-tok, Siōng-tè ê Kiáⁿ, chiū-sī lâi jı̍p sè-kan ê.

(BCL) 伊給伊講：「主啊，是啦，我已經信你是基督，上帝的子，就是來入世間的。」

28

(THR) . Kóng soah, chiū tò-khì, àm-chīⁿ kiò i ê chí-bē Má-lī-a, kóng, Sian-siⁿ lâi lah, teh kiò lí.

(BCL) 講息，就倒去暗靜叫伊的姊妹馬利亞，講：「先生來啦，叫你。」

29

(THR) . Má-lī-a thiaⁿ-kìⁿ, kín-kín khí-lâi, khì chiū-kūn I.

(BCL) 馬利亞聽見，緊緊起來，去就近伊。

30

(THR) . Hit tia̍p Iâ-so͘ iáu-bē jı̍p hiuⁿ-siā, iáu tī Má-tāi chih I ê só͘-chāi.

(BCL) 彼霎，耶穌猶未入鄉社，猶佇馬大接伊的所在。

31

(THR) . Hiah-ê kap Má-lī-a tī chhù-lāi teh an-ùi i ê Iû-thài lâng, khòaⁿ-kìⁿ i kín-kín khí-lâi chhut-khì, chiū tè i, phah-sǹg i beh khì bōng-nı̍h thî-khàu.

(BCL) 許個及馬利亞佇厝內安慰伊的猶太人，看見伊緊緊起來出去，就隨伊，拍算伊欲去墓裡啼哭。

32

(THR) . Má-lī-a kàu Iâ-so͘ só͘ tī-teh ê só͘-chāi, khòaⁿ-kìⁿ I, chiū phak tī I ê kha-ē, kā I kóng, Chú ah, lí nā tī chia, góa ê hiaⁿ-tī chiū bōe sí.

(BCL) 馬利亞到耶穌所佇的所在，看見伊，就仆佇伊的腳下，給伊講：「主啊，你若佇遮，我的兄弟就死。」

33

(THR) . Iâ-so͘ khòaⁿ-kìⁿ i thî-khàu, koh kap i saⁿ-kap lâi ê Iû-thài lâng ia̍h thî-khàu, chiū chin chhoeh-sim, koh tōa jû-lōan,

(BCL) 耶穌看見伊啼哭，閣及伊相及來的猶太人亦啼哭，就真慼心，

34

(THR) . kóng, Lín hē i tī sím-mı̍h só͘-chāi? In chiū kā I kóng, Chú ah, lâi khì khòaⁿ.

(BCL) 閣大茹亂，講：「恁下伊佇甚麼所在？」就給伊講：「主啊，來去看。」

35

(THR) . Iâ-so͘ lâu ba̍k-sái.

(BCL) 耶穌流目屎。

36

(THR) . Iû-thài lâng chiū kóng, Lí khòaⁿ, I thiàⁿ chit lâng kàu án-ni!

(BCL) 猶太人就講：「你看，伊疼此人到按呢。」

37

(THR) . Kî-tiong ū-ê kóng, I bat khui chhiⁿ-mî lâng ê ba̍k-chiu, kiám bōe hō͘ chit lâng bô sí mah?

(BCL) 其中有的講：「伊曾開晴暝人的目睭，豈互此人無死嗎？」

38

(THR) . Iâ-so͘ koh chhoeh-sim kàu bōng-nı̍h. Hit ê bōng sī chio̍h-tōng, ū chı̍t tè chio̍h that hē-teh.

(BCL) 耶穌閣慼心，到墓裡；彼個墓是石洞，有一塊石塞下。

39

(THR) . Iâ-so͘ kóng, Sóa-khui hit tè chio̍h. Sí lâng ê chí-bē Má-tāi kā I kóng, Chú ah, taⁿ chhàu lah; í-keng sí sì jı̍t lah.

(BCL) 耶穌講：「徙開彼塊石。」死人的姊妹馬大給伊講：「主啊，今臭啦，已經死四日啦。」

40

(THR) . Iâ-so͘ kā i kóng, Góa kiám bô kā lí kóng, lí nā sìn, ōe khòaⁿ-kìⁿ Siōng-tè ê êng-kng mah?

(BCL) 耶穌給伊講：「我豈無給你講，你若信，會看見上帝的榮光嗎？」

41

(THR) . In chiū sóa-khui hit tè chio̍h. Iâ-so͘ kia̍h ba̍k ǹg thiⁿ, kóng, Pē ah, Góa kám-siā lí, in-ūi lí í-keng thiaⁿ góa.

(BCL) 就徙開彼塊石。耶穌抬目向天，講：「父啊，我感謝你，因為你已經聽我。

42

(THR) . Góa chai lí siông-siông thiaⁿ góa; to̍k-to̍k góa kóng án-ni, sī ūi-tio̍h chiu-ûi teh khiā ê chèng lâng, hō͘ in sìn lí chhe góa.

(BCL) 我知你常常聽我，獨獨我講按呢是為著周圍徛的眾人，互信你差我。」

43

(THR) . Kóng soah, chiū tōa siaⁿ âu-kiò, kóng, Lia̍p-sat-lō͘, chhut-lâi.

(BCL) 講息，就大聲喉叫講：「拉撒路出來！」

44

(THR) . Sí lâng chiū chhut-lâi, chhiú kha chat pò͘, bīn pau kun. Iâ-so͘ kā in kóng, Tháu-khui, hō͘ i kiâⁿ.

(BCL) 死人就出來，手腳紮布，面包巾。耶穌給講：「解開互伊行！」

45

(THR) . Chiū-kūn Má-lī-a ê Iû-thài lâng, khòaⁿ-kìⁿ Iâ-so͘ só͘ kiâⁿ ê tāi-chì ê, chōe-chōe sìn I.

(BCL) 就近馬利亞的猶太人看見耶穌所行的代誌的，多多信伊；

46

(THR) . To̍k-to̍k kî-tiong ū-ê khì chhē Hoat-lī-sài lâng, chiong Iâ-so͘ só͘ kiâⁿ ê tāi-chì kā in kóng.

(BCL) 獨獨其中有的去尋法利賽人，將耶穌所行的代誌給講。

47

(THR) . Tùi án-ni chiah ê chè-si-thâu kap Hoat-lī-sài lâng chū-chı̍p kong-hōe, kóng, Lán teh chhòng sím-mı̍h? in-ūi chit lâng kiâⁿ chōe-chōe sîn-jiah.

(BCL) 對按呢諸個祭司頭及法利賽人聚集公會，講：「咱創甚麼？因為此人行多多神蹟。

48

(THR) . Lán nā iông-ún I án-ni, chèng lâng beh sìn I; ia̍h Lô-má lâng beh lâi, siu-sı̍p lán ê tōe-hng kap peh-sìⁿ.

(BCL) 咱若容允伊按呢，眾人欲信伊，亦羅馬人欲來收拾咱的地方及百姓。」

49

(THR) . Kî-tiong chı̍t lâng, chiū-sī Kai-a-hoat, hit nî chòe chè-si-thâu ê, kā in kóng, Lín m̄ chai pòaⁿ-hāng, ia̍h bô siūⁿ,

(BCL) 其中一人，就是該亞法，彼年做祭司頭的，給講：「恁呣知半項亦無想。

50

(THR) . chı̍t lâng thòe peh-sìⁿ sí, hō͘ thong kok bián bia̍t-bô, sī lín ê lī-ek.

(BCL) 一人替百姓死，互通國免滅無，是恁的利益。」

51

(THR) . I kóng chit ê ōe, m̄ sī tùi ka-kī; sī in-ūi hit nî i chòe chè-si-thâu, chhàm-gú Iâ-so͘ beh ūi-tio̍h chit ê peh-sìⁿ sí;

(BCL) 伊講此個話呣是對家己，是因為彼年伊做祭司頭，讖語耶穌欲為著此個百姓死；

52

(THR) . koh m̄ nā ūi-tio̍h chit ê peh-sìⁿ; ia̍h sī beh chū-chı̍p Siōng-tè sì-sòaⁿ ê kiáⁿ-jî ha̍p chòe chı̍t-ê.

(BCL) 閣呣若為著此個百姓，亦是欲聚集上帝四散的子兒合做一個。

53

(THR) . Só͘-í tùi hit jı̍t, in kè-bô͘ beh thâi I.

(BCL) 所以對彼日，計謀欲伊。

54

(THR) . Tùi án-ni Iâ-so͘ bô koh hián-jiân kiâⁿ tī Iû-thài lâng ê tiong-kan, chiū lī-khui hia, khì kūn khòng-iá ê tōe, kàu chı̍t ê siâⁿ, miâ Í-hoat-liân; kap ha̍k-seng tòa hia.

(BCL) 對按呢，耶穌無閣顯然行佇猶太人的中間，就離開遐去近曠野的地，到一個城，名以法蓮，及學生住遐。

55

(THR) . Iû-thài lâng pôaⁿ-kè-choeh kūn lah; choeh-kî chêng, chōe-chōe lâng tùi hiuⁿ-siā chiūⁿ Iâ-lō͘-sat-léng, beh ka-kī chheng-khì.

(BCL) 猶太人過節近啦，節期前多多人對鄉社上耶路撒冷，欲家己清氣。

56

(THR) . In chiū chhē Iâ-so͘, koh khiā tī tiān-lāi, saⁿ-kap kóng, Lín phah-sǹg cháiⁿ-iūⁿ? I bô beh lâi hù choeh mah?

(BCL) 就尋耶穌，閣徛佇殿內相及講：「恁拍算怎樣？伊無欲來赴節嗎？」

57

(THR) . Chiah ê chè-si-thâu kap Hoat-lī-sài lâng í-keng chhut bēng-lēng, nā ū lâng chai I tī tá-lo̍h, chiū tio̍h lâi pò, hō͘ in thang khì lia̍h I.

(BCL) 諸個祭司頭及法利賽人已經出命令，若有人知伊佇叨落，就著來報，互通去掠伊。

Bible Color Mark

• 台語漢字羅馬本
• 巴克禮全羅