約翰福音 第 10 章

1

(THR) Góa sı̍t-sı̍t kā lín kóng, Jı̍p iûⁿ-tiâu, bô tùi hit ê mn̂g, lâi tùi pa̍t só͘-chāi pôaⁿ-kè ê, sī chha̍t, sī kiông-tō.

(BCL) 「我實實給恁講，入羊　，無對彼個門，來對別所在過的，是賊，是強盜。

2

(THR) . Tùi mn̂g jı̍p ê, sī iûⁿ ê bo̍k-chiá.

(BCL) 對門入的，是羊的牧者。

3

(THR) . Kò͘ mn̂g ê kā i khui; iûⁿ thiaⁿ i ê siaⁿ; chiū sûi miâ kiò ka-kī ê iûⁿ, chhōa in chhut.

(BCL) 顧門的給伊開；羊聽伊的聲。就隨名叫家己的羊，導出。

4

(THR) . Í-keng chiong ka-kī ê iûⁿ lóng pàng i chhut-khì, chiū chòe-thâu kiâⁿ, iûⁿ ia̍h tè i; in-ūi jīn-tit i ê siaⁿ.

(BCL) 已經將家己的羊攏放伊出去，就做頭行，羊亦隨伊，因為認得伊的聲。

5

(THR) . Koat-tòan bô tè siⁿ-hūn lâng, chiū-sī siám-pī i; in-ūi bōe jīn-tit siⁿ-hūn lâng ê siaⁿ.

(BCL) 決斷無隨生份人；就是閃避伊，因為認得生份人的聲。」

6

(THR) . Iâ-so͘ ēng chit ê phì-jū kā in kóng; in m̄ chai I só͘ kā in kóng ê sī sím-mı̍h.

(BCL) 耶穌用此個譬喻給講，呣知伊所給講的是甚麼。

7

(THR) . Só͘-í Iâ-so͘ koh kā in kóng, Góa sı̍t-sı̍t kā lín kóng, Góa chiū-sī iûⁿ-tiâu ê mn̂g.

(BCL) 所以，耶穌閣給講：「我實實給恁講，我就是羊　的門。

8

(THR) . Kìⁿ-nā tāi-seng góa lâi ê sī chha̍t, sī kiông-tō; nā-sī iûⁿ bô thiaⁿ in.

(BCL) 見若代先我來的是賊，是強盜；若是羊無聽。

9

(THR) . Góa chiū-sī mn̂g; nā ū tùi góa jı̍p ê, beh tit-tio̍h kiù, koh beh chhut jı̍p, ia̍h beh tit-tio̍h chháu-liāu.

(BCL) 我就是門；若有對我入的，欲得著救，閣欲出入亦欲得著草料。

10

(THR) . Chha̍t lâi, bô m̄ sī ài thau, ài thâi, ài bia̍t-bô; góa lâi sī beh hō͘ in ū o̍ah, koh ū hong-sēng.

(BCL) 賊來，無呣是愛偷，愛，愛滅無；我來，是欲互有活，閣有豐盛。

11

(THR) . Góa chiū-sī hó ê bo̍k-chiá; hó ê bo̍k-chiá ūi-tio̍h iûⁿ pàng-sak sìⁿ-miā.

(BCL) 我就是好的牧者；好的牧者為著羊放拺生命。

12

(THR) . Chòe chhiàⁿ-kang ê, m̄ sī chòe bo̍k-chiá, iûⁿ iā m̄ sī i ka-kī ê iûⁿ; khòaⁿ-kìⁿ chhâi-lông lâi, pàng-sak iûⁿ chiū tô-cháu, chhâi-lông kā in, kóaⁿ-sòaⁿ in;

(BCL) 做倩工的，呣是做牧者，羊也呣是伊家己的羊，看見豺狼來，放拺羊就逃走；豺狼咬，趕散。

13

(THR) . che sī in-ūi i chòe chhiàⁿ-kang, bô koan-sim tī iûⁿ.

(BCL) 這是因為伊做倩工，無關心佇羊。

14

(THR) . Góa sī hó ê bo̍k-chiá; góa bat hiah ê sio̍k góa ê, sio̍k góa ê ia̍h bat góa.

(BCL) 我是好的牧者；我識許個屬我的，屬我的亦識我，

15

(THR) . Chhin-chhiūⁿ Pē bat góa, góa bat Pē chı̍t iūⁿ; koh góa ūi-tio̍h iûⁿ pàng-sak sìⁿ-miā.

(BCL) 親像父識我，我識父一樣；閣我為著羊放拺生命。

16

(THR) . Góa iáu ū iûⁿ, m̄ sī sio̍k chit tiâu ê; góa tek-khak tio̍h chhōa in lâi, in ia̍h beh thiaⁿ góa ê siaⁿ; koh beh chiâⁿ chòe chı̍t kûn, kui chı̍t ê bo̍k-chiá.

(BCL) 我猶有羊，呣是屬此　的；我的確著導來，亦欲聽我的聲，閣欲成做一群，歸一個牧者。

17

(THR) . Só͘-í Pē thiàⁿ góa, in-ūi góa pàng-sak góa ê sìⁿ-miā, thang koh ho̍k-tò i.

(BCL) 所以父疼我；因為我放拺我的生命，通閣復倒伊。

18

(THR) . Bô lâng tùi góa chhú i, sī góa ka-kī pàng-sak i. Góa ū kôan thang pàng-sak ia̍h ū kôan thang ho̍k-tò. Che sī góa tùi góa ê Pē só͘ siū ê bēng-lēng.

(BCL) 無人對我取伊，是我家己放拺伊。我有權通放拺，亦有權通復倒。這是我對我的父所受的命令。」

19

(THR) . In-ūi chiah ê ōe Iû-thài lâng ê tiong-kan koh ū hun-pêng.

(BCL) 因為諸個話猶太人的中間閣有分旁。

20

(THR) . Kî-tiong chōe-chōe lâng kóng, I hōan-tio̍h kúi, teh hoat-kông; mih-sái thiaⁿ I ah?

(BCL) 其中多多人講：「伊患著鬼，發狂，乜使聽伊啊？」

21

(THR) . Koh ū lâng kóng, Che m̄ sī hōan-tio̍h kúi ê lâng ê ōe. Kúi kiám ōe khui chhiⁿ-mî lâng ê ba̍k-chiu mah?

(BCL) 閣有人講：「這呣是患著鬼的人的話。鬼豈會開睛暝人的目睭嗎？」

22

(THR) . Tī Iâ-lō͘-sat-léng, ū hiàn-tiān choeh, sī tang-thiⁿ sî;

(BCL) 佇耶路撒冷有獻殿節，是冬天時。

23

(THR) . Iâ-so͘ tī tiān-nı̍h, kiâⁿ tī Só͘-lô-bûn ê léng-lông.

(BCL) 耶穌佇殿裡，行佇所羅門的兩廊。

24

(THR) . Iû-thài lâng ûi-lûi, lâi kā I kóng, Lí hō͘ góan ê sim tiû-tû, beh kàu sím-mı̍h sî ah?

(BCL) 猶太人圍纍，來給伊講：「你互阮的心躊躇欲到甚麼時啊？你若是基督，著明明給阮講。」

25

(THR) . Lí nā sī Ki-tok, tio̍h bêng-bêng kā góan kóng. Iâ-so͘ ìn kóng, Góa bat kā lín kóng, nā-sī lín m̄ sìn; góa tī góa ê Pē ê miâ só͘ kiâⁿ ê sū, chiah-ê sī chòe góa ê kan-chèng.

(BCL) 耶穌應講：「我曾給恁講，若是恁呣信。我佇我的父的名所行的事諸個是做我的干證；

26

(THR) . Nā-sī lín m̄ sìn, in-ūi lín m̄ sī góa ê iûⁿ.

(BCL) 若是恁呣信，因為恁呣是我的羊。

27

(THR) . Góa ê iûⁿ thiaⁿ góa ê siaⁿ, góa bat in, in ia̍h tè góa;

(BCL) 我的羊聽我的聲，我識，亦隨我。

28

(THR) . koh góa hō͘ in ū éng-o̍ah; in koat-tòan éng-óan bōe tîm-lûn; bô chı̍t-ê ōe tùi góa ê chhiú chhiúⁿ in khì.

(BCL) 閣我互有永活；決斷永遠沈淪，無一個會對我的手搶去。

29

(THR) . Góa ê Pē, chiū-sī ēng iûⁿ hō͘ góa ê, khah tōa bān-hāng-ū; bô chı̍t-ê ōe tùi Pē ê chhiú chhiúⁿ-khì.

(BCL) 我的父就是用羊互我的，卡大萬項有，無一個會對父的手搶去。

30

(THR) . Góa kap Pē sī chı̍t-ê.

(BCL) 我及父是一個。」

31

(THR) . Iû-thài lâng koh the̍h chio̍h-thâu ài tìm I.

(BCL) 猶太人閣提石頭愛擲伊。

32

(THR) . Iâ-so͘ ìn kóng, Góa tùi Pē ēng chōe-chōe hó sū hō͘ lín khòaⁿ; kî-tiong ūi-tio̍h tá-lo̍h chı̍t hāng, ēng chio̍h-thâu tìm góa?

(BCL) 耶穌應講：「我對父用多多好事互恁看，其中為著叨落一項用石擲我？」

33

(THR) . Iû-thài lâng ìn I kóng, Góan ēng chio̍h tìm lí, m̄ sī ūi-tio̍h hó sū, chiū-sī ūi-tio̍h siat-to̍k; in-ūi lí sī lâng, ia̍h ka-kī lia̍h chòe Siōng-tè.

(BCL) 猶太人應伊講：「阮用石擲你呣是為著好事，就是為著褻瀆；因為你是人，亦家己掠做上帝。」

34

(THR) . Iâ-so͘ ìn kóng, Lín ê lu̍t-hoat kiám bô kì-chài, kóng, Góa kóng lín sī Siōng-tè mah?

(BCL) 耶穌應講：「恁的律法豈無記載講『我講恁是上帝』嗎？

35

(THR) . Kì-jiân kóng hōng Siōng-tè ê ōe ê chòe Siōng-tè, (ia̍h sèng-keng bōe-ōe hòe-bô),

(BCL) 既然講奉上帝的話者做上帝，亦聖經會廢無；

36

(THR) . taⁿ lūn Pē só͘ hun-piat chòe sèng, chhe I jı̍p sè-kan ê, lín chiū kóng, Lí teh siat-to̍k mah? in-ūi góa kóng, Góa sī Siōng-tè ê Kiáⁿ.

(BCL) 今論父所分別做聖、差伊入世間的，恁就講『你褻瀆』嗎？因為我講，我是上帝的子。

37

(THR) . Góa nā bô kiâⁿ góa ê Pē ê sū, chiū bo̍h-tit sìn góa.

(BCL) 我若無行我的父的事，就莫得信我；

38

(THR) . Góa nā kiâⁿ i, sui-bóng m̄ sìn góa, tio̍h sìn hiah ê sū; hō͘ lín iā chai iā bêng-pe̍k Pē tiàm-tī góa, góa tiàm-tī Pē.

(BCL) 我若行伊，雖莽呣信我；著信許個事，互恁也知也明白父佇我，我佇父。」

39

(THR) . In koh-chài beh lia̍h Iâ-so͘, I chiū thoat-lī in ê chhiú khì.

(BCL) 閣再欲掠耶穌，伊就脫離的手去。

40

(THR) . Koh khì Iok-tàn gōa, kàu Iok-hān khí-thâu kiâⁿ sóe-lé ê só͘-chāi, tòa hia khiā-khí.

(BCL) 閣去約但外，到約翰起頭行洗禮的所在，住遐徛起。

41

(THR) . Lâng chōe-chōe chiū-kūn I; koh kóng, Iok-hān lóng bô kiâⁿ sîn-jiah, to̍k-to̍k Iok-hān só͘ kóng chí chit lâng ê, lóng sī chin.

(BCL) 人多多就近伊。閣講：「約翰攏無行神蹟，獨獨約翰所講指此人的，攏是真。」

42

(THR) . Tī hia lâng chōe-chōe sìn I.

(BCL) 佇遐人多多信伊。

Bible Color Mark

• 台語漢字羅馬本
• 巴克禮全羅