約伯記 第 21 章

1

(THR) Iok-pek ìn kóng,

(BCL) 約伯應講：

2

(THR) Lín tio̍h tì-ì thiaⁿ góa ê ōe, Ēng chit-ê chòe lín ê an-ùi.

(BCL) 恁著致意聽我的話，用此個做恁的安慰。

3

(THR) Chhiáⁿ khoan-iông góa, góa beh koh kóng, Góa kóng-liáu, kù-chāi lí ki-chhì.

(BCL) 請寬容我，我欲閣講；我講了，據在你譏刺！

4

(THR) Lūn-kàu góa, góa kiám-sī tùi lâng ai-òan? Góa ê sim-sîn cháiⁿ-iūⁿ bô tio̍h-kip ah?

(BCL) 論到我，我豈是對人哀怨？我的心神怎樣無著急啊？

5

(THR) Lín tio̍h khòaⁿ góa lâi gông-ngia̍h, Ēng chhiú ng-chhùi.

(BCL) 恁著看我來卬愕，用手掩嘴。

6

(THR) Góa nā siūⁿ-tio̍h, chiū kiaⁿ, Thong seng-khu ngia̍uh-ngia̍uh-chhoah.

(BCL) 我若想著，就驚，通身軀愕愕惙。

7

(THR) Pháiⁿ-lâng siáⁿ-sū o̍ah-teh, chia̍h tn̂g hè-siū, Sè-le̍k kiông-sēng ah?

(BCL) 歹人啥事活，食長歲壽，勢力強盛啊？

8

(THR) In khòaⁿ-kìⁿ kiáⁿ-sun, kap in pîⁿ-pîⁿ sêng-lı̍p; In ê hō͘-è tī in ê ba̍k-chiu-chêng iā sī án-ni.

(BCL) 看見子孫及平平成立，的後裔佇的目睭前也是按呢。

9

(THR) In ê ke-kòan an-jiân bô kiaⁿ; Siōng-tè ê kóaiⁿ iā bô phah in.

(BCL) 的家眷安然無驚；上帝的枴也無拍。

10

(THR) In ê gû-káng siⁿ-thòaⁿ bô tn̄g, In ê gû-bú siⁿ-kiáⁿ, iā bô tūi-thai.

(BCL) 的牛生湠無斷；的牛母生子也無墜胎。

11

(THR) In chhe gín-ná chhut-khì, chhin-chhiūⁿ iûⁿ-kûn, In ê kiáⁿ-jî sì-kòe tiô-thiàu.

(BCL) 差囝仔出去，親像羊群；的子兒四界趒跳。

12

(THR) In tè lin-long-kó͘ kap khîm lâi chhiùⁿ-koa, Koh in-ūi phín-siau ê siaⁿ lâi hoaⁿ-hí.

(BCL) 隨鈴瓏鼓及琴來唱歌，閣因為　簫的聲來歡喜。

13

(THR) In tō͘ kè jı̍t, sū-sū heng-thong; ba̍k-nih-kú lo̍h im-kan.

(BCL) 度過日事事亨通，目　久落陰間。

14

(THR) In tùi Siōng-tè kóng, Tio̍h lī-khui góan, Góan m̄ ài bat Lí ê lō͘.

(BCL) 對上帝講：著離開阮！阮呣愛識你的路。

15

(THR) Chôan-lêng-ê sī chī-chūi, hō͘ góan tio̍h ho̍k-sāi I ah? Góan kî-kiû I, ū sím-mı̍h lī-ek ah?

(BCL) 全能者是是誰，互阮著服事伊啊？阮祈求伊有甚麼利益啊？

16

(THR) Khòaⁿ ah, in ê hok-khì m̄-sī tī in ê chhiú; Gōan pháiⁿ-lâng ê kè-bô͘ lī-khui góa hn̄g-hn̄g.

(BCL) 看啊，的福氣呣是佇的手；願歹人的計謀離開我遠遠。

17

(THR) Pháiⁿ-lâng ê teng beh hoa, chai-ē kàu tī in; Siōng-tè ê siū-khì hō͘ in tú-tio̍h kan-khó͘, ū jōa-chōe pái ah?

(BCL) 歹人的燈欲熄？災禍到佇？上帝的受氣互抵著艱苦，有偌多擺啊？

18

(THR) In chhin-chhiūⁿ hong-chêng ê chháu-á-iù, Chhin-chhiūⁿ kông-hong chhe--khì ê chho͘-khng ū jōa-chōe pái ah?

(BCL) 親像風前的草仔幼，親像狂風吹去的粗糠有偌多擺啊？

19

(THR) Lín kóng, Siōng-tè chiong i ê chōe-ok kā i ê kiáⁿ chek-chū teh; Góa kóng, M̄-ta̍t-tio̍h pò-èng i pún-sin hō͘ i ka-kī chai;

(BCL) 恁講：上帝將伊的罪惡給伊的子積聚；我講：呣值著報應伊本身，互伊家己知。

20

(THR) Hō͘ i chhin-ba̍k khòaⁿ-kìⁿ ka-kī pāi-hōai, Pún-sin lim Chôan-lêng-ê ê siū-khì.

(BCL) 互伊親目看見家己敗壞，本身飲全能者的受氣。

21

(THR) I ê nî-ge̍h pòaⁿ-tiong-tn̂g cho̍at-tn̄g, Kè-sì-liáu, i tī i ê ke ū sím-mı̍h khòai-lo̍k ah?

(BCL) 伊的年月半中長絕斷，過世了，伊佇伊的家有甚麼快樂啊？

22

(THR) Siōng-tè sím-phòaⁿ hiah-ê tī kôaiⁿ-ūi ê, Chī-chūi ōe chiong tì-sek kà-sī I ah?

(BCL) 上帝審判許個佇高位的，是誰會將智識教示伊啊？

23

(THR) Ū lâng kàu-sí khùi-la̍t chiâu-pī, Móa-móa tit-tio̍h pêng-chēng an-jiân.

(BCL) 有人到死氣力齊備，滿滿得著平靜安然；

24

(THR) I ê heng-ha̍h chin pûi, I ê kut-chhé lūn-te̍k.

(BCL) 伊的胸脅真肥，伊的骨髓潤澤。

25

(THR) Ū-lâng kàu-sí, sim thòng-khó͘, Lóng bē-bat chhì-tio̍h hok-khì.

(BCL) 有人到死心痛苦，攏未曾試著福氣；

26

(THR) In lóng chı̍t-iūⁿ tó tī thô͘--nih, Hō͘ thâng khàm-ba̍t.

(BCL) 攏一樣倒佇土裡，互蟲蓋密。

27

(THR) Khòaⁿ ah, góa chai lín ê ì-sù, Kap lín oan-óng góa ê kè-bô͘.

(BCL) 看啊，我知恁的意思，及恁冤枉我的計謀。

28

(THR) In-ūi lín kóng, Pà-ông ê chhù tī toh-lo̍h? Pháiⁿ-lâng pêng-sî khiā-khí ê chhù tī toh-lo̍h?

(BCL) 因為恁講：霸王的厝佇叨落？歹人平時徛起的厝佇叨落？

29

(THR) Lín bô mn̄g kè-lō͘ ê lâng mah? Kiám bōe jīn-tit in ê chèng-kù mah?

(BCL) 恁無問過路的人嗎？豈認得的證據嗎？

30

(THR) Chiū-sī pháiⁿ-lâng tī chai-ē ê jı̍t tit-tio̍h lâu-teh, Tī siū-khì ê jı̍t tit-tio̍h thoat-lī.

(BCL) 就是歹人佇災禍的日得著留，佇受氣的日得著脫離。

31

(THR) I só͘-kiâⁿ-ê, chī-chūi tng-bīn kóng i? I só͘-chòe-ê, chī-chūi pò-èng i?

(BCL) 伊所行的，是誰當面講伊？伊所做的，是誰報應伊？

32

(THR) Chóng-sī i ōe hō͘ lâng kng kàu thióng-soaⁿ, Koh ū kò͘-siú--ê tī i ê bōng.

(BCL) 總是伊會互人扛到塚山；閣有顧守者佇伊的墓。

33

(THR) Soaⁿ-kok ê thô͘-ôan i lia̍h-chòe tiⁿ; Beh ū chèng-lâng tè tī i ê āu-bīn, Chhin-chhiūⁿ tī i tāi-seng--ê bōe-sǹg-tit.

(BCL) 山谷的土丸伊掠做甜；欲有眾人隨佇伊的後面，親像佇伊代先者算得。

34

(THR) Lín só͘ ìn-tap ê ōe khêng-chin lóng sī ké, Lín cháiⁿ-iūⁿ khang-khang an-ùi góa ah?

(BCL) 恁所應答的話窮真攏是假，恁怎樣空空安慰我啊？

Bible Color Mark

• 台語漢字羅馬本
• 巴克禮全羅