約伯記 第 42 章

1

(THR) Iok-pek ìn Iâ-hô-hoa kóng,

(BCL) 約伯應耶和華講：

2

(THR) Góa chai Lí bān-sū lóng ōe. Lí ê chí-ì lóng bōe chó͘-tòng--tit.

(BCL) 我知你萬事攏會。你的旨意攏阻擋得。

3

(THR) Chit-ê bû-ti lâi khàm-ba̍t só͘ gī-lūn ê, sī chī-chūi ah? Só͘-í góa ū kóng-chhut góa só͘ bô bêng--ê, Chiū-sī góa só͘ siūⁿ-bōe-chhut ê kî-biāu, góa só͘ m̄-chai.

(BCL) 此個無知來蓋密所議論的是是誰啊？所以我有講出我所無明的；就是我所想出的奇妙，我所呣知。

4

(THR) Kiû Lí thiaⁿ, góa beh kóng, Góa mn̄g Lí, Lí ìn góa.

(BCL) 求你聽，我欲講；我問你，你應我。

5

(THR) Góa chêng hī-khang thiaⁿ-kìⁿ Lí, Taⁿ góa ê ba̍k-chiu khòaⁿ-kìⁿ Lí;

(BCL) 我前耳孔聽見你，今我的目睭看見你。

6

(THR) Só͘-í góa ka-kī iàm-ò͘ⁿ, Tī tîn-ai kap hé-hu ê tiong-kan hóan-hóe.

(BCL) 所以我家己厭惡，佇塵埃及火灰的中間反悔。

7

(THR) Iâ-hô-hoa tùi Iok-pek kóng chiah ê ōe í-āu, Iâ-hô-hoa chiū tùi Thê-bān lâng Í-lī-hoat kóng, Góa ê siū-khì tùi lí kap lí nn̄g ê pêng-iú hoat--khí-lâi, in-ūi lín gī-lūn Góa, bô kóng ha̍p-lí ê ōe, chhin-chhiūⁿ Góa ê lô͘-po̍k Iok-pek só͘ kóng ê.

(BCL) 耶和華對約伯講諸個話以後，耶和華就對提幔人以利法講：「我的受氣對你及你二個朋友發起來，因為恁議論我無講合理的話，親像我的奴僕約伯所講的。

8

(THR) Taⁿ lín tio̍h ūi pún-sin chhú chhit chiah gû-káng, chhit chiah iûⁿ-káng, kàu Góa ê lô͘-po̍k Iok-pek hia, ūi pún-sin hiàn sio-chè; Góa ê lô͘-po̍k Iok-pek beh thòe lín kî-tó; in-ūi Góa beh chiap-la̍p i, bián-tit Góa chiàu lín ê gû-gōng lâi khóan-thāi lín; in-ūi lín gī-lūn Góa, bô kóng ha̍p-lí ê ōe, chhin-chhiūⁿ Góa ê lô͘-po̍k Iok-pek só͘ kóng ê.

(BCL) 今恁著為本身取七隻牛，七隻羊，到我的奴僕約伯遐，為本身獻燒祭，我的奴僕約伯欲替恁祈禱。因為我欲接納伊，免得我照恁的愚戇來款待恁。因為恁議論我，無講合理的話親像我的奴僕約伯所講的。」

9

(THR) Tùi án-ni Thê-bān lâng Í-lī-hoat, Su-a lâng Pí-le̍k-ta̍t, Ná-má lâng Só-hoat, chiàu Iâ-hô-hoa só͘ bēng-lēng in-ê khì-kiâⁿ; Iâ-hô-hoa iā chiap-la̍p Iok-pek.

(BCL) 對按呢提幔人以利法、書亞人比勒達、拿瑪人瑣法照耶和華所命令的去行；耶和華也接納約伯。

10

(THR) Iok-pek thòe i ê pêng-iú kî-tó ê sî, Iâ-hô-hoa chiū hō͘ i ê kéng-hóng ho̍k-gôan; koh Iâ-hô-hoa siúⁿ-sù Iok-pek pí í-chêng só͘-ū-ê ka-pē.

(BCL) 約伯替伊的朋友祈禱的時。耶和華就互伊的景況復原，閣耶和華賞賜約伯比以前所有的加倍。

11

(THR) Hit-sî i ê chèng hiaⁿ-tī, chí-bē, kap í-chêng saⁿ-bat ê lâng lóng lâi kìⁿ i, tī i ê chhù saⁿ-kap chia̍h, ūi-tio̍h Iâ-hô-hoa só͘ kàng-lo̍h tī i it-chhè ê chai-ē, lóng pi-siong lâi an-ùi i; ta̍k-lâng sàng i chı̍t-tè gûn, ta̍k-lâng sàng i chı̍t-ê kim-khôan.

(BCL) 彼時伊的眾兄弟、姊妹，及以前相識的人攏來見伊，佇伊的厝相及食；為著耶和華所降落佇伊一切的災禍，攏悲傷來安慰伊。逐人送伊一塊銀，逐人送伊一個金環。

12

(THR) Án-ni Iâ-hô-hoa sù-hok Iok-pek ê bé-kéng iâⁿ-kè i ê khí-thâu; i ū iûⁿ chı̍t-bān sì-chheng, lo̍k-tô la̍k chheng, gû chı̍t-chheng tùi, lû-bú chı̍t-chheng.

(BCL) 按呢，耶和華賜福約伯的尾境贏過伊的起頭。伊有羊一萬四千，駱駝六千，牛一千對，驢母一千。

13

(THR) I iā ū chhit ê kiáⁿ, saⁿ ê cha-bó͘-kiáⁿ.

(BCL) 伊也有七個子，三個查某子。

14

(THR) I kā tōa cha-bó͘-kiáⁿ miâ-kiò Iâ-bí-má, tē-jī-ê miâ-kiò Ki-sé-a, tē-saⁿ-ê miâ-kiò Ki-liân-hap-phok.

(BCL) 伊給大查某子名叫耶米瑪，第二個名叫基洗亞，第三個名叫基連哈樸。

15

(THR) Thong hit só͘-chāi ê hū-lú, chhē bô chhin-chhiūⁿ Iok-pek ê cha-bó͘-kiáⁿ hiah--nih súi; in ê lāu-pē hō͘ in tī hiaⁿ-tī tiong tit-tio̍h sán-gia̍p.

(BCL) 通彼所在的婦女，尋無親像約伯查某子許呢娞。的老父互佇兄弟中得著產業。

16

(THR) Chit-tia̍p í-āu Iok-pek koh chia̍h chı̍t-pah sì-cha̍p hè, tit-tio̍h khòaⁿ-kìⁿ i ê kiáⁿ, i ê sun, kàu sì-tāi.

(BCL) 此霎以後，約伯閣食一百四十歲，得著看見伊的子伊的孫，到四代。

17

(THR) Án-ni Iok-pek nî-hè lāu, jı̍t-chí móa, chiū sí.

(BCL) 按呢，約伯年歲老，日子滿就死。

Bible Color Mark

• 台語漢字羅馬本
• 巴克禮全羅