約伯記 第 41 章

1

(THR) Lí ōe ēng kau thoa go̍k-hî khí-lâi mah? Ōe ēng soh liù i ê chı̍h mah?

(BCL) 你會用拖鱷魚起來嗎？會用索伊的舌嗎？

2

(THR) Lí ōe ēng soh kǹg i ê phīⁿ mah? Ōe ēng chhì chha̍k-thàu i ê gê-chô mah?

(BCL) 你會用索貫伊的鼻嗎？會用刺鑿透伊的牙槽嗎？

3

(THR) I beh ēng chōe-chōe ōe kiû lí mah? Tùi lí kóng un-jiû ê ōe mah?

(BCL) 伊欲用多多話求你嗎？對你講溫柔的話嗎？

4

(THR) I kiám beh kap lí lı̍p-iok, Hō͘ lí éng-óan lia̍h i chòe lô͘-po̍k mah?

(BCL) 伊豈欲及你立約，互你永遠掠伊做奴僕嗎？

5

(THR) Lí kiám ōe kap i thit-thô, chhin-chhiūⁿ chiáu-á mah? Lí ōe pa̍k--i, hō͘ lí siàu-liân ê lú-chú khan mah?

(BCL) 你豈會及伊迫親像鳥仔嗎？你會縳伊互你少年的女子牽嗎？

6

(THR) Kui-pang ê thó-hî lâng, kiám thang ēng i chòe bóe-bōe ê mı̍h? Á-sī ōe kā i pun-khui hō͘ seng-lí lâng?

(BCL) 歸幫的討漁人豈通用伊做買賣的物？抑是會給伊分開互生理人？

7

(THR) Lí ōe ēng khau-liâm piàn-chha̍k i ê phê mah? Ōe ēng hî-chhe piàn-chhe i ê thâu-khak?

(BCL) 你會用鐮遍鑿伊的皮嗎？會用魚叉遍叉伊的頭殼？

8

(THR) Lí ê chhiú hōaⁿ tī i ê téng-bīn; Kì-tit kap i kau-chiàn ê sū, chiū m̄-káⁿ koh án-ni chòe.

(BCL) 你的手按佇伊的頂面，記得及伊交戰的事，就呣敢閣按呢做。

9

(THR) Khòaⁿ ah, lí siàu-siūⁿ i sī khang-khang; Chı̍t-ē khòaⁿ-kìⁿ i, kiám bōe sit-táⁿ mah?

(BCL) 看啊，你數想伊是空空；一下看見伊，豈失膽嗎？

10

(THR) Bô chı̍t-lâng hiah hó-táⁿ káⁿ jiá-tio̍h i; Án-ni, chī-chūi ōe khiā tī Góa ê bīn-chêng ah?

(BCL) 無一人許好膽敢惹著伊。按呢，是誰會徛佇我的面前啊？

11

(THR) Chī-chūi tāi-seng hō͘ Góa, hō͘ Góa tio̍h pò-tap i? Thong thiⁿ-ē lóng sī Góa-ê.

(BCL) 是誰代先互我，互我著報答伊？通天下攏是我的。

12

(THR) Lūn-kàu go̍k-hî ê chi-thé, kap i ê tōa-la̍t, Í-kı̍p i súi ê kut-keh, Góa bōe-ōe bô kóng.

(BCL) 論到鱷魚的肢體及伊的大力，以及伊娞的骨格，我會無講。

13

(THR) Chī-chūi ōe pak i ê gōa-saⁿ? Chī-chūi ōe jı̍p i téng-ē ham ê tiong-kan?

(BCL) 是誰會剝伊的外衫？是誰會入伊頂下　的中間？

14

(THR) Chī-chūi ōe khui i ê chhùi? I ê chhùi-khí sì-ûi lóng sī thang kiaⁿ ê.

(BCL) 是誰會開伊的嘴？伊的嘴齒四圍攏是通驚的。

15

(THR) I só͘ khoa-kháu--ê sī i ióng ê lân. Ha̍p-óa chiū chhin-chhiūⁿ hong ba̍t-ba̍t,

(BCL) 伊所誇口的是伊勇的鱗。合倚就親像封密密。

16

(THR) Chı̍t-ê chı̍t-ê saⁿ-liân, Kàu khì bōe-ōe thàu-jı̍p hí(**hit) tiong-kan.

(BCL) 一個一個相聯，到氣會透入彼中間。

17

(THR) Lóng saⁿ liân-lo̍k, Liâm chòe chı̍t-ê, bōe saⁿ pun-khui.

(BCL) 攏相聯絡、粘做一個，相分開。

18

(THR) I phah-ka-chhiùⁿ, chiū hoat-chhut kng; I ê ba̍k-chiu chhin-chhiūⁿ chá-khí-sî ê ba̍k-chiu-phê.

(BCL) 伊拍加嚏就發出光；伊的目睭親像早起時的目睭皮。

19

(THR) Tùi i ê chhùi hoat-chhut to̍h ê hé-pé, Kap pe--chhut-lâi ê hé-chhiⁿ.

(BCL) 對伊的嘴發出的火把，及飛出來的火星；

20

(THR) Tùi i ê phīⁿ chhut-ian, Chhin-chhiūⁿ hiâⁿ lô͘-úi ê tiáⁿ teh kún.

(BCL) 對伊的鼻出煙，親像燃蘆葦的鼎滾。

21

(THR) I ê khì hō͘ hé-thòaⁿ to̍h, Ū hé-iām tùi i ê chhùi chhut.

(BCL) 伊的氣互火炭，有火焰對伊的嘴出，

22

(THR) I ê ām-kún ū khùi-la̍t siông-siông tī-hia, Kiaⁿ-hiâⁿ tī i ê bīn-chêng tiô-thiàu.

(BCL) 伊的頷頸有氣力常常佇遐；驚惶佇伊的面前趒跳。

23

(THR) I ām-kui ê bah saⁿ liân-lo̍k, Kha̍h-tiâu i ê seng-khu, bōe-ōe iô-tāng.

(BCL) 伊頷　的肉相聯絡，敆住伊的身軀，會搖動。

24

(THR) I ê sim tēng chhin-chhiūⁿ chio̍h-thâu, Chhin-chhiūⁿ ē-tún ê bō-chio̍h hiah-tēng.

(BCL) 伊的心親像石頭，親像下礅的磨石許。

25

(THR) I chı̍t-ē khí-lâi, ióng-sū lóng kiaⁿ-hiâⁿ, Kiaⁿ kàu sit-sîn.

(BCL) 伊一下起來，勇士攏驚惶，驚到失神。

26

(THR) Lâng nā ēng kiàm, ēng khau-liâm, ēng pio, ēng chiam-chhiuⁿ, Chha̍k i lóng bōe jı̍p.

(BCL) 人若用劍，用鐮，用鏢，用尖槍鑿伊，攏入。

27

(THR) I khòaⁿ thih chòe ta-chháu, Khòaⁿ tâng chòe po͘ ê chhâ.

(BCL) 伊看鐵做乾草，看銅做痡的柴。

28

(THR) Keng-chìⁿ bōe-ōe hō͘ i tô-cháu; Ēng soh hìⁿ chio̍h, i chún-chòe tiū-chháu.

(BCL) 弓箭會互伊逃走；用索甩石伊準做稻草。

29

(THR) Thûi-á i sǹg chòe tiū-chháu; Lâng bú-lāng chhiuⁿ, i chiū thí-chhiò.

(BCL) 槌仔伊算做稻草；人舞弄槍伊就恥笑。

30

(THR) I ê pak-tó͘-ē chhin-chhiūⁿ lāi ê chhù-hiā-phè; I chhin-chhiūⁿ thih-pē thoa-kè thô͘.

(BCL) 伊的腹肚下親像利的厝瓦坯；伊親像鐵耙拖過土。

31

(THR) I hō͘ chhim-ian kún chhin-chhiūⁿ tiáⁿ; Hō͘ hái chhin-chhiūⁿ tiau-hô iû ê poah.

(BCL) 伊互深淵滾親像鼎，互海親像調和油的　。

32

(THR) I hō͘ i āu-bīn ê lō͘ hoat-kng; Hō͘ lâng phah-sǹg chhim-ian sī pe̍h-thâu-mn̂g.

(BCL) 伊互伊後面的路發光，互人拍算深淵是白頭毛。

33

(THR) Chôan-tōe bô chı̍t-ê ōe pí-tit i; I siū-chō chòe bô kiaⁿ-hiâⁿ-ê.

(BCL) 全地無一個會比得伊，伊受造做無驚惶的。

34

(THR) Kìⁿ-nā kôaiⁿ-tōa--ê i khòaⁿ-khin i; I tī it-chhè kiau-ngō͘ ê cho̍k-lūi chòe-ông.

(BCL) 見若高大者，伊看輕伊；伊佇一切驕傲的族類做王。

Bible Color Mark

• 台語漢字羅馬本
• 巴克禮全羅