約拿書 第 3 章

1

(THR) Iâ-hô-hoa ê ōe tē-jī-pái lîm-kàu Iok-ná kóng, Lí khí-lâi, khì Nî-nî-bî hit ê tōa-siâⁿ;

(BCL) 耶和華的話第二擺臨到約拿講：

2

(THR) Góa só͘ bēng-lēng lí thôan--ê, lí thôan hō͘ i.

(BCL) 「你起來！去尼尼微彼個大城，我所命令你傳的，你傳互伊。」

3

(THR) Iok-ná chiū chiàu Iâ-hô-hoa ê ōe khí--lâi, khì Nî-nî-bî; Nî-nî-bî sī ke̍k-tōa ê siâⁿ, tio̍h kiâⁿ saⁿ-jı̍t chiah ōe thàng.

(BCL) 約拿就照耶和華的話起來，去尼尼微。尼尼微是極大的城，著行三日才會。

4

(THR) Iok-ná jı̍p siâⁿ khí-sin kiâⁿ chı̍t-jı̍t ê lō͘, thôan kóng, Koh sì-cha̍p-jı̍t, Nî-nî-bî beh tó-hōai.

(BCL) 約拿入城起身行一日的路，傳講：「閣四十日，尼尼微欲倒壞！」

5

(THR) Nî-nî-bî lâng sìn Siōng-tè, chiū soan-pò͘ kìm-chia̍h, tùi-tōa kàu-sòe, lóng chhēng môa-saⁿ.

(BCL) 尼尼微人信上帝，就宣佈禁食，對大到細攏穿麻衫。

6

(THR) Chit ê siau-sit thôan-kàu hō͘ Nî-nî-bî ông thiaⁿ-kìⁿ; i chiū tùi i ê chō-ūi khí--lâi, thǹg i ê lé-ho̍k, chhēng môa, chē tī hé-hu.

(BCL) 此個消息傳到互尼尼微王聽見，伊就對伊的座位起來，褪伊的禮服，穿麻，坐佇火灰。

7

(THR) Koh chhut kò-sī, chiàu ông kap kùi-cho̍k ê bēng-lēng thôan hō͘ Nî-nî-bî thong-siâⁿ kóng, Lâng kap cheng-siⁿ gû-kûn iûⁿ-kûn, lóng m̄-thang chia̍h, m̄-thang lim-chúi, liân chhì-khòaⁿ iā m̄-thang.

(BCL) 閣出告示，照王及貴族的命令傳互尼尼微通城，講：「人及精牲，牛群、羊群攏呣通食，呣通飲水，連試看也呣通。

8

(THR) Lâng kap cheng-siⁿ lóng tio̍h chhēng-môa, tōa-siaⁿ kiû-kiò Siōng-tè, ta̍k-lâng iā tio̍h lī-khui i ê pháiⁿ-lō͘, kap i ê chhiú só͘ chòe ê kiông-pō.

(BCL) 人及精牲攏著穿麻；大聲求叫上帝。逐人也著離開伊的歹路，及伊的手所做的強暴。

9

(THR) Kiám-chhái Siōng-tè hê-sim tńg-ì, bán-hôe I ê tōa siū-khì, hō͘ lán bô bia̍t-bô iā káⁿ.

(BCL) 豈採上帝回心轉意，挽回伊的大受氣，互咱無滅無也敢。」

10

(THR) Tùi án-ni Siōng-tè khòaⁿ in ê kiâⁿ-chòe, ū lī-khui in ê pháiⁿ-lō͘; Siōng-tè chiū thè-hóe I só͘ kóng beh kàng hō͘ in ê chai-ē, ia̍h bô kàng-lo̍h.

(BCL) 對按呢上帝看的行做，有離開的歹路，上帝就退悔伊所講欲降互的災禍，亦無降落。

Bible Color Mark

• 台語漢字羅馬本
• 巴克禮全羅