利未記 第 1 章

1

(THR) Iâ-hô-hoa kiò Mô͘-se tùi hōe-bō͘-lāi, kā i kóng,

(BCL) 耶和華叫摩西對會幕內，給伊講：

2

(THR) Lí tio̍h hoan-hù Í-sek-lia̍t lâng kā in kóng, Lín tiong-kan nā ū lâng hiàn lé-mı̍h hō͘ Iâ-hô-hoa, tio̍h tùi gû-kûn iûⁿ-kûn tiong hiàn cheng-siⁿ chòe lé-mı̍h.

(BCL) 「你著吩咐以色列人給講：恁中間若有人獻禮物互耶和華，著對牛群羊群中獻精牲做禮物。

3

(THR) I ê lé-mı̍h nā tùi gû-kûn chhú chòe sio-chè, chiū tio̍h hiàn chı̍t chiah bô hâ-chhû ê gû-káng; tio̍h tī hōe-bō͘ mn̂g-kháu hiàn i, thang tī Iâ-hô-hoa ê bīn-chêng tit-tio̍h chiap-la̍p.

(BCL) 「伊的禮物若對牛群取做燒祭，就著獻一隻無瑕疵的牛，著佇會幕門口獻伊，通佇耶和華的面前得著接納。

4

(THR) I tio̍h hōaⁿ-chhiú tī sio-chè ê cheng-siⁿ ê thâu-khak-téng, chiū ūi-tio̍h i siū chiap-la̍p, thòe i sio̍k-chōe.

(BCL) 伊著按手佇燒祭的精牲的頭殼頂，就為著伊受接納，替伊贖罪。

5

(THR) I tio̍h tī Iâ-hô-hoa ê bīn-chêng thâi gû-káng-á; A-lûn ê kiáⁿ-sun chòe chè-si ê, tio̍h hiàn hit ê huih, chiong huih hiù tī hōe-bō͘ mn̂g-kháu, tôaⁿ ê sì-chiu-ûi.

(BCL) 伊著佇耶和華的面前牛仔；亞倫的子孫做祭司者，著獻彼個血，將血灑佇會幕門口、壇的四周圍。

6

(THR) I tio̍h pak sio-chè ê cheng-siⁿ ê phê, chhiat i ê bah chı̍t-tè chı̍t-tè.

(BCL) 伊著剝燒祭的精牲的皮，切伊的肉一塊一塊。

7

(THR) Chè-si A-lûn ê kiáⁿ-sun tio̍h ēng hé hē tī tôaⁿ-téng, ēng chhâ pâi tī hé ê téng-bīn.

(BCL) 祭司亞倫的子孫著用火下佇壇頂，用柴排佇火的頂面。

8

(THR) A-lûn ê kiáⁿ-sun chòe chè-si-ê, tio̍h chiong bah-tè kap thâu kap iû, pâi tī tôaⁿ-téng hé-nı̍h ê chhâ.

(BCL) 亞倫的子孫做祭司者，著將肉塊及頭及油排佇壇頂火裡的柴。

9

(THR) To̍k-to̍k sio-chè ê chōng-hú kap thúi, i tio̍h ēng chúi sóe i; chè-si chiū tio̍h chiong it-chhè lóng sio tī tôaⁿ-téng chòe sio-chè, hiàn hō͘ Iâ-hô-hoa chòe phang-phang ê hé-chè.

(BCL) 獨獨燒祭的臟腑及腿伊著用水洗伊。祭司就著將一切攏燒佇壇頂，做燒祭，獻互耶和華做芳芳的火祭。

10

(THR) I ê lé-mı̍h, nā tùi iûⁿ-kûn-tiong lâi chòe sio-chè, he̍k-sī mî-iûⁿ, he̍k-sī soaⁿ-iûⁿ, tio̍h ēng bô hâ-chhû ê kang-ê lâi hiàn.

(BCL) 「伊的禮物若對羊群中來做燒祭，或是綿羊或是山羊，著用無瑕疵的公的來獻。

11

(THR) Tio̍h tī tôaⁿ-piⁿ ê pak-sì, thâi i tī Iâ-hô-hoa ê bīn-chêng; A-lûn ê kiáⁿ-sun chòe chè-si-ê, tio̍h ēng i ê huih hiù tī tôaⁿ ê sì-chiu-ûi.

(BCL) 著佇壇邊的北勢，伊佇耶和華的面前；亞倫的子孫做祭司者，著用伊的血灑佇壇的四周圍。

12

(THR) Tio̍h kā i chhiat chı̍t-tè chı̍t-tè, liân thâu kap iû; chè-si tio̍h pâi tī tôaⁿ-téng hé-nı̍h ê chhâ.

(BCL) 著給伊切一塊一塊，連頭及油，祭司著排佇壇頂火裡的柴；

13

(THR) To̍k-to̍k chōng-hú kap thúi, tio̍h ēng chúi sóe i; chè-si tio̍h chiong it-chhè lóng hiàn, sio tī tôaⁿ-téng; che sī sio-chè, hiàn hō͘ Iâ-hô-hoa chòe phang-phang ê hé-chè.

(BCL) 獨獨臟腑及腿著用水洗伊，祭司著將一切攏獻，燒佇壇頂。這是燒祭，獻互耶和華做芳芳的火祭。

14

(THR) I hiàn hō͘ Iâ-hô-hoa ê lé-mı̍h, nā ēng chiáu-chiah chòe sio-chè, chiū tio̍h hiàn ka-chui á-sī chíⁿ-á-kiáⁿ chòe lé-mı̍h.

(BCL) 「伊獻互耶和華的禮物，若用鳥隻做燒祭，就著獻鳩鵻抑是鴿仔子做禮物。

15

(THR) Chè-si tio̍h tòa chiáu-á kàu tôaⁿ-chêng, chūn-tn̄g i ê thâu, sio tī tôaⁿ-téng; i ê huih tio̍h le̍k tī tôaⁿ-piⁿ.

(BCL) 祭司著帶鳥仔到壇前，捘斷伊的頭，燒佇壇頂；伊的血著瀝佇壇邊；

16

(THR) Koh tio̍h chiong chiáu ê kui kap i ê mn̂g tû-khì, hiat tī tôaⁿ-piⁿ ê tang-sì, hé-hu ê só͘-chāi.

(BCL) 閣著將鳥的　及伊的毛除去，佇壇邊的東勢火灰的所在。

17

(THR) Tio̍h khiú chiáu ê nn̄g sı̍t; chiong i thiah-khui, chóng-sī m̄-thang phòa hō͘ i tn̄g; chè-si tio̍h sio i tī tôaⁿ-téng hé-nı̍h ê chhâ; che sī sio-chè, hiàn-hō͘ Iâ-hô-hoa chòe phang-phang ê hé-chè.

(BCL) 著鳥的二翅，將伊拆開，總是呣通破互伊斷；祭司著燒伊佇壇頂、火裡的柴。這是燒祭，獻互耶和華做芳芳的火祭。」

Bible Color Mark

• 台語漢字羅馬本
• 巴克禮全羅