利未記 第 8 章

1

(THR) Iâ-hô-hoa hoan-hù Mô͘-se kóng,

(BCL) 耶和華吩咐摩西講：

2

(THR) Lí tio̍h chiong A-lûn kap i ê kiáⁿ, í-kı̍p i-ho̍k, boah in ê iû, kap sio̍k-chōe-chè ê chı̍t chiah gû-káng, nn̄g chiah mî-iûⁿ-káng, chı̍t kheng bô-kàⁿ-piáⁿ, lóng tòa-lâi.

(BCL) 「你著將亞倫及伊的子，以及衣服，抹的油，及贖罪祭的一隻牛、二隻綿羊、一筐無酵餅攏帶來，

3

(THR) Koh chio-chı̍p hōe-chiòng kàu hōe-bō͘ mn̂g-kháu.

(BCL) 閣招集會眾到會幕門口。」

4

(THR) Mô͘-se chiàu Iâ-hô-hoa só͘ bēng-lēng i-ê lâi kiâⁿ; tùi án-ni hōe-chiòng chiū chū-chı̍p tī hōe-bō͘ mn̂g-kháu.

(BCL) 摩西照耶和華所命令伊的來行；對按呢會眾就聚集佇會幕門口。

5

(THR) Mô͘-se kā hōe-chiòng kóng, Che chiū-sī Iâ-hô-hoa só͘ bēng-lēng tio̍h kiâⁿ ê sū.

(BCL) 摩西給會眾講：「這就是耶和華所命令著行的事。」

6

(THR) Mô͘-se tòa A-lûn kap i ê kiáⁿ lâi, ēng chúi kā in sóe.

(BCL) 摩西帶亞倫及伊的子來，用水給洗。

7

(THR) Kā i chhēng lāi-saⁿ, hâ tòa, chhēng gōa-phàu, tha̍h í-hut-tek, ēng kî-khá ê kang só͘ chit í-hut-tek ê tòa kā i hâ, ēng án-ni lâi pa̍k i tī i ê seng-khu.

(BCL) 給伊穿內衫，縖帶，穿外袍，褡以弗得，用奇巧的工所織以弗得的帶給伊縖用按呢來縛伊佇伊的身軀，

8

(THR) Koh kā i tiò pó͘-kòa, ēng Ou-lêng kap Thó͘-bêng, hē tī pó͘-kòa-lāi.

(BCL) 閣給伊糽補，用烏陵及土明，下佇補內，

9

(THR) Ēng bō tì tī i ê thâu-khak; tī bō thâu-chêng ê téng-bīn tiò kim-pâi, chiū-sī sèng ê bián-liû; lóng sī chiàu Iâ-hô-hoa só͘ bēng-lēng Mô͘-se ê.

(BCL) 用帽戴佇伊的頭殼，佇帽頭前的頂面糽金牌，就是聖的冕旒，攏是照耶和華所命令摩西的。

10

(THR) Mô͘-se ēng boah in ê iû boah hōe-bō͘, kap kî-tiong só͘ ū ê mı̍h, hun-piat i chòe-sèng.

(BCL) 摩西用抹的油抹會幕及其中所有的物，分別伊做聖；

11

(THR) Koh ēng hit ê iû hiù tôaⁿ-téng chhit-pái, iā boah tôaⁿ kap i it-chhè ê khì-kū kap sóe-tn̄g ê phûn, kap i ê chō, hun-piat i chòe-sèng.

(BCL) 閣用彼個油灑壇頂七擺，也抹壇及伊一切的器具，及洗盪的盆及伊的座，分別伊做聖；

12

(THR) Koh ēng boah ê iû tò tī A-lûn ê thâu-khak-téng, lâi boah i, hun-piat i chòe-sèng.

(BCL) 閣用抹的油倒佇亞倫的頭殼頂來抹伊，分別伊做聖。

13

(THR) Mô͘-se tòa A-lûn ê kiáⁿ lâi, kā in chhēng lāi-saⁿ, hâ tòa, pau thâu-khak ê kun; lóng sī chiàu Iâ-hô-hoa só͘ bēng-lēng Mô͘-se ê.

(BCL) 摩西帶亞倫的子來，給穿內衫，縖帶，包頭殼的巾，攏是照耶和華所命令摩西的。

14

(THR) I khan sio̍k-chōe-chè ê gû-káng-á lâi; A-lûn kap i ê kiáⁿ hōaⁿ-chhiú tī sio̍k-chōe-chè gû-káng-á ê thâu-khak.

(BCL) 伊牽贖罪祭的牛仔來，亞倫及伊的子按手佇贖罪祭牛仔的頭殼，

15

(THR) Chiū thâi i; Mô͘-se the̍h huih, ēng chńg-thâu-á boah tī tôaⁿ-téng sì-chiu-ûi hiah ê kak, hō͘ tôaⁿ chheng-khì; chiong huih tò tī tôaⁿ-kha hia, hun-piat i chòe sèng, kā i sio̍k-chōe.

(BCL) 就伊。摩西提血用指頭仔抹佇壇頂四周圍許個角，互壇清氣，將血倒佇壇腳遐分別伊做聖，給伊贖罪；

16

(THR) Koh the̍h chōng-hú só͘ ū ê iû, kap koaⁿ-nı̍h ê bāng-se, í-kı̍p nn̄g-lia̍p io-chí, kap in só͘ ū ê iû, Mô͘-se lóng sio i tī tôaⁿ-téng.

(BCL) 閣提臟腑所有的油及肝裡的網紗，以及二粒腰子及所有的油，摩西攏燒伊佇壇頂；

17

(THR) Nā-sī gû-káng-á, i ê phê, i ê bah, i ê pùn, ēng hé sio tī iâⁿ-gōa; sī chiàu Iâ-hô-hoa só͘ bēng-lēng Mô͘-se ê.

(BCL) 若是牛仔，伊的皮、伊的肉、伊的糞，用火燒佇營外，是照耶和華所命令摩西的。

18

(THR) I khan sio-chè ê mî-iûⁿ-káng lâi; A-lûn kap i ê kiáⁿ hōaⁿ-chhiú tī iûⁿ-káng ê thâu-khak.

(BCL) 伊牽燒祭的綿羊來；亞倫及伊的子按手佇羊的頭殼，

19

(THR) Chiū thâi i; Mô͘-se ēng huih hiù tī tôaⁿ-téng ê chiu-ûi.

(BCL) 就伊。摩西用血灑佇壇頂的周圍，

20

(THR) Chiong iûⁿ chhiat chı̍t-tè chı̍t-tè; Mô͘-se ēng thâu, kap bah-tè, í-kı̍p iû lóng sio i.

(BCL) 將羊切一塊一塊，摩西用頭，及肉塊以及油攏燒伊。

21

(THR) Ēng chúi sóe chōng-hú kap thúi; Mô͘-se chiū chiong ka-nn̂g chiah iûⁿ sio tī tôaⁿ-téng, chòe phang-phang ê sio-chè, chòe hé-chè hiàn hō͘ Iâ-hô-hoa; lóng sī chiàu Iâ-hô-hoa só͘ bēng-lēng Mô͘-se ê.

(BCL) 用水洗臟腑及腿，摩西就將全牲隻羊燒佇壇頂，做芳芳的燒祭，做火祭獻互耶和華，攏是照耶和華所命令摩西的。

22

(THR) I koh khan tē-jī chiah mî-iûⁿ-káng, chiū-sī siat-lı̍p sèng-chit ê lé ê iûⁿ, A-lûn kap i ê kiáⁿ hōaⁿ-chhiú tī iûⁿ ê thâu-khak.

(BCL) 伊閣牽第二隻綿羊，就是設立聖職的禮的羊；亞倫及伊的子按手佇羊的頭殼，

23

(THR) Chiū thâi i; Mô͘-se the̍h tām-po̍h huih boah tī A-lûn ê chiàⁿ-pêng ê hī-á-sûi, kap chiàⁿ-chhiú ê tōa-pō͘-bú, kap chiàⁿ-kha ê tōa-pō͘-bú.

(BCL) 就伊。摩西提淡薄血抹佇亞倫的正旁的耳仔垂，及正手的大哺拇，及正腳的大哺拇，

24

(THR) Koh tòa A-lûn ê kiáⁿ lâi, Mô͘-se ēng tām-po̍h huih boah tī in chiàⁿ-pêng ê hī-á-sûi, kap chiàⁿ-chhiú ê tōa-pō͘-bú, kap chiàⁿ-kha ê tōa-pō͘-bú; Mô͘-se koh ēng huih hiù tī tôaⁿ-téng ê chiu-ûi.

(BCL) 閣帶亞倫的子來，摩西用淡薄血抹佇正旁的耳仔垂及正手的大哺拇，及正腳的大哺拇，摩西閣用血灑佇壇頂的周圍。

25

(THR) Koh chhú iû, kap pûi ê bé, í-kı̍p chōng-hú it-chhè ê iû, kap koaⁿ-nı̍h ê bāng-se, nn̄g lia̍p io-chí kap in ê iû, kap chiàⁿ-thúi.

(BCL) 閣取油及肥的尾，以及臟腑一切的油及肝裡的網紗，二粒腰子及的油，及正腿，

26

(THR) Koh tùi Iâ-hô-hoa ê bīn-chêng tóe bô-kàⁿ-piáⁿ ê kheng, the̍h-chhut chı̍t tè bô-kàⁿ-piáⁿ, chı̍t tè iû-piáⁿ, chı̍t tè po̍h-piáⁿ, lóng hē tī iû kap chiàⁿ-thúi-téng.

(BCL) 閣對耶和華的面前、貯無酵餅的筐提出一塊無酵餅，一塊油餅，一塊薄餅，攏下佇油及正腿頂，

27

(THR) Chiong che it-chhè hē tī A-lûn ê chhiú, kap i ê kiáⁿ ê chhiú, chòe iô-chè, tī Iâ-hô-hoa ê bīn-chêng iô i.

(BCL) 將這一切下佇亞倫的手及伊的子的手做搖祭，佇耶和華的面前搖伊。

28

(THR) Mô͘-se tùi in ê chhiú the̍h-lo̍h-lâi, sio tī tôaⁿ-nı̍h sio-chè ê téng-bīn, lóng sī siat-lı̍p sèng-chit ê lé, chòe phang-phang; sī chòe hiàn hō͘ Iâ-hô-hoa ê hé-chè.

(BCL) 摩西對的手提落來，燒佇壇裡燒祭的頂面，攏是設立聖職的禮做芳芳是做獻互耶和華的火祭。

29

(THR) Mô͘-se the̍h iûⁿ ê heng chòe iô-chè, tī Iâ-hô-hoa ê bīn-chêng iô i; sī tī siat-lı̍p sèng-chit ê lé ê iûⁿ, Mô͘-se só͘ tit-tio̍h ê hūn-gia̍h; lóng sī chiàu Iâ-hô-hoa só͘ bēng-lēng Mô͘-se ê.

(BCL) 摩西提羊的胸做搖祭，佇耶和華的面前搖伊，是佇設立聖職的禮的羊，摩西所得著的份額，攏是照耶和華所命令摩西的。

30

(THR) Mô͘-se the̍h boah ê iû, kap tôaⁿ-téng ê huih, hiù tī A-lûn kap i ê saⁿ, í-kı̍p i ê kiáⁿ, kap i ê kiáⁿ ê saⁿ; hō͘ A-lûn kap i ê saⁿ, í-kı̍p i ê kiáⁿ kap i ê kiáⁿ ê saⁿ, saⁿ-kap chòe-sèng.

(BCL) 摩西提抹的油及壇頂的血，灑佇亞倫及伊的衫，以及伊的子及伊的子的衫，互亞倫及伊的衫以及伊的子及伊的子的衫相及做聖。

31

(THR) Mô͘-se tùi A-lûn kap i ê kiáⁿ kóng, Chiong bah chú tī hōe-bō͘ ê mn̂g-kháu, tī-hia chia̍h i, iā chia̍h siat-lı̍p sèng-chit ê lé kheng-á-lāi ê piáⁿ, chiàu góa só͘ bēng-lēng-ê, kóng, Che sī A-lûn kap i ê kiáⁿ tio̍h chia̍h ê.

(BCL) 摩西對亞倫及伊的子講：「將肉煮佇會幕的門口，佇遐食伊，也食設立聖職的禮筐仔內的餅，照我所命令的講：『這是亞倫及伊的子著食的。』

32

(THR) Só͘ chhun ê bah kap piáⁿ, lín tio̍h ēng hé sio-khì.

(BCL) 所剩的肉及餅，恁著用火燒去。

33

(THR) Lín chhit-jı̍t kú m̄-thang chhut hōe-bō͘ ê mn̂g, kàu lín siū siat-lı̍p ê lé ê jı̍t móa; in-ūi chhit-jı̍t kú I beh kā lín kiâⁿ siat-lı̍p ê lé.

(BCL) 恁七日久呣通出會幕的門，到恁受設立的禮的日滿，因為七日久伊欲給恁行設立的禮。

34

(THR) Chhin-chhiūⁿ kin-á-jı̍t só͘ kiâⁿ-ê, Iâ-hô-hoa hoan-hù tio̍h án-ni kiâⁿ, ūi-tio̍h lín sio̍k-chōe.

(BCL) 親像今仔日所行的，耶和華吩咐著按呢行，為著恁贖罪。

35

(THR) Chhit-jı̍t kú lín tio̍h mî-jı̍t tiàm tī hōe-bō͘ mn̂g-kháu, siú Iâ-hô-hoa só͘ bēng-lēng ê chit-hūn, bián-tit lín sí; in-ūi góa só͘ siū ê bēng-lēng sī án-ni.

(BCL) 七日久恁著暝日踮佇會幕門口，守耶和華所命令的職份，免得恁死，因為我所受的命令是按呢。」

36

(THR) A-lûn kap i ê kiáⁿ chiū kiâⁿ Iâ-hô-hoa thok Mô͘-se só͘ bēng-lēng it-chhè ê sū.

(BCL) 亞倫及伊的子就行耶和華託摩西所命令一切的事。

Bible Color Mark

• 台語漢字羅馬本
• 巴克禮全羅