路加福音 第 22 章

1

(THR) Tû-kàⁿ-choeh, iā miâ pôaⁿ-kè-choeh, kūn lah.

(BCL) 除酵節（也名過節）近啦。

2

(THR) Chiah ê chè-si-thâu kap keng-ha̍k-sū chhē-khòaⁿ ū sím-mı̍h hoat thang hāi-sí Iâ-so͘; in-ūi sī kiaⁿ peh-sìⁿ.

(BCL) 諸個祭司頭及經學士尋看有甚麼法通害死耶穌，因為是驚百姓。

3

(THR) Sat-tàn jı̍p tī hit-ê kiò chòe Ka-lio̍k ê Iû-tāi, i sī cha̍p-jī ê ha̍k-seng ê chı̍t ê;

(BCL) 撒但入佇彼個叫做加略的猶大；伊是十二個學生的一個。

4

(THR) chiū khì kap chiah ê chè-si-thâu iú-si-koaⁿ saⁿ-kap chham-siông, beh ēng sím-mı̍h hoat chiong Iâ-so͘ kau in.

(BCL) 就去及諸個祭司頭有司官相及參詳，欲用甚麼法將耶穌交。

5

(THR) In hoaⁿ-hí, iok beh gûn hō͘ i.

(BCL) 歡喜，約欲銀互伊。

6

(THR) Iû-tāi ín i; chiū chhē ki-hōe, tng peh-sìⁿ bô tī-teh ê sî, chiong Iâ-so͘ kau in.

(BCL) 猶大應伊，就尋機會，當百姓無佇的時將耶穌交。

7

(THR) Tû-kàⁿ-choeh, eng-kai thâi pôaⁿ-kè-choeh ê iûⁿ-ko, hit ê jı̍t í-keng kàu,

(BCL) 除酵節，應該過節的羊羔，彼個日已經到。

8

(THR) Iâ-so͘ chhe Pí-tek Iok-hān kóng, Lín khì thòe lán pī-pān pôaⁿ-kè-choeh ê iân-sia̍h, hō͘ lán thang lâi chia̍h.

(BCL) 耶穌差彼得、約翰講：「恁去替咱備辦過節的筵席，互咱通來食。」

9

(THR) In kā I kóng, Ài góan tī sím-mı̍h só͘-chāi pī-pān?

(BCL) 給伊講：「愛阮佇甚麼所在備辦？」

10

(THR) I kā in kóng, Lín khì jı̍p siâⁿ, chiū ū chı̍t lâng tòa chúi-pân beh tú-tio̍h lín, tio̍h tè i jı̍p i só͘ jı̍p ê chhù.

(BCL) 伊給講：「恁去入城，就有一人帶水瓶欲抵著恁，著隨伊，入伊所入的厝，

11

(THR) Kā hit keng chhù ê chú-lâng kóng, Sian-siⁿ mn̄g kóng, Kheh-thiaⁿ tī tá-lo̍h? góa beh tī hia kap góa ê ha̍k-seng chia̍h pôaⁿ-kè-choeh.

(BCL) 給彼間厝的主人講：『先生問講：客廳佇叨落？我欲佇遐及我的學生食過節。』

12

(THR) I beh ēng lâu-téng pâi-siat ê tōa thiaⁿ hō͘ lín khòaⁿ; lín tio̍h tī hia pī-pān.

(BCL) 伊欲用樓頂排設的大廳互恁看，恁著佇遐備辦。」

13

(THR) In khì, kó-jiân tú-tio̍h chiàu I só͘ kā in kóng ê, chiū tī hia pī-pān pôaⁿ-kè-choeh.

(BCL) 去，果然抵著照伊所給講的；就佇遐備辦過節。

14

(THR) Sî kàu Iâ-so͘ chē toh, sù-tô͘ iā kap I chē.

(BCL) 時到，耶穌坐桌，使徒也及伊坐。

15

(THR) I tùi in kóng, Tī siū hāi ê tāi-seng góa put-chí ì-ài kap lín chia̍h chit ê pôaⁿ-kè-choeh;

(BCL) 伊對講：「佇受害的代先我不止意愛及恁食此個過節。

16

(THR) in-ūi góa kā lín kóng, góa bô beh koh chia̍h i, kàu i èng-giām tī Siōng-tè ê kok.

(BCL) 因為我給恁講，我無欲閣食伊，到伊應驗佇上帝的國。」

17

(THR) Chiū chih poe, chiok-siā liáu kóng, Lín chiong chit-ê pun hō͘ lín ta̍k lâng;

(BCL) 就接杯，祝謝了，講：「恁將此個分互恁逐人。」

18

(THR) in-ūi góa kā lín kóng, taⁿ liáu-āu góa bô beh lim phû-tô chiap, kàu Siōng-tè ê kok lâi.

(BCL) 因為我給恁講，今了後，我無欲飲葡萄汁，到上帝的國來。」

19

(THR) Koh the̍h piáⁿ chiok-siā lâi peh hō͘ in, kóng, Chit-ê sī góa ê seng-khu, ūi-tio̍h lín lâi hiàn ê; lín kiâⁿ chit-ê lâi kì-liām góa.

(BCL) 閣提餅，祝謝，來擘互，講：「此個是我的身軀，為著恁來獻的，恁行此個，來記念我。」

20

(THR) Chia̍h liáu-āu phâng poe iā sī án-ni, kóng, Chit ê poe sī sin-iok, tī góa ê huih lâi siat-lı̍p ê, chiū-sī ūi-tio̍h lín lâu-chhut ê.

(BCL) 食了後捧杯也是按呢，講：「此個杯是新約，佇我的血來設立的，就是為著恁流出的。

21

(THR) Nā-sī bōe góa ê lâng, i ê chhiú kap góa tī toh-nı̍h.

(BCL) 若是賣我的人，伊的手及我佇桌裡。

22

(THR) In-ūi Jîn-chú chin-chiàⁿ khì, chiàu só͘ tiāⁿ-tio̍h ê; nā-sī I hō͘ sím-mı̍h lâng bōe, hit lâng ū chai-ē!

(BCL) 因為人子真正去照所定著的，若是伊互甚麼人賣，彼人有災禍！」

23

(THR) In chiū saⁿ tùi-mn̄g kî-tiong sím-mı̍h lâng beh chòe chit ê tāi-chì.

(BCL) 就相對問，其中甚麼人欲做此個代誌。

24

(THR) In ū teh saⁿ-chiⁿ, khòaⁿ chiông-tiong sím-mı̍h lâng sǹg chòe tōa.

(BCL) 有相爭，看從中甚麼人算最大。

25

(THR) Iâ-so͘ chiū kā in kóng, Lia̍t-pang ê kun-ông chòe chú lâi tī-lí in; kóan-hat in ê chheng chòe Un-chú.

(BCL) 耶穌就給講：「列邦的君王做主來治理，管轄的稱做恩主。

26

(THR) Nā-sī lín chiū m̄ sī án-ni; lín tiong-kan chòe tōa ê tio̍h chhin-chhiūⁿ sī-sòe, chòe thâu ê tio̍h chhin-chhiūⁿ chhe-ēng.

(BCL) 若是恁就呣是按呢；恁中間最大的，著親像序細，做頭的，著親像差用。

27

(THR) Sím-mı̍h hō lâng chòe tōa? sī chē toh ê, á-sī chòe chhe-ēng ê ah? kiám m̄ sī chē toh ê mah? Nā-sī góa tī lín tiong-kan chhin-chhiūⁿ chòe chhe-ēng ê.

(BCL) 甚麼號人最大？是坐桌的？抑是做差用的啊？豈呣是坐桌的嗎？若是我佇恁中間親像做差用的。

28

(THR) Lín chiū-sī siông-siông kap góa tī chhì-liān tiong ê,

(BCL) 恁就是常常及我佇試煉中的。

29

(THR) góa ēng kok hong lín, chhin-chhiūⁿ góa ê Pē bat ēng kok hong góa chı̍t iūⁿ;

(BCL) 我用國封恁，親像我的父曾用國封我一樣，

30

(THR) hō͘ lín tī góa ê kok lim-chia̍h tī góa ê toh; lín iā beh chē tī chō-ūi, sím-phòaⁿ Í-sek-lia̍t cha̍p-jī ê chi-phài.

(BCL) 互恁佇我的國，飲食佇我的桌，恁也欲坐佇座位，審判以色列十二個支派。」

31

(THR) Koh kóng, Se-bûn, Se-bûn ah, lí khòaⁿ, Sat-tàn bat ài tit-tio̍h lín, ài pòa lín chhin-chhiūⁿ pòa be̍h;

(BCL) 閣講：「西門！西門啊！你看，撒但曾愛得著恁，愛簸恁親像簸麥；

32

(THR) nā-sī góa ū thòe lí kî-tó, hō͘ lí ê sìn bô sit-lo̍h; lí kui-chèng liáu-āu, tio̍h kian-kò͘ lí ê hiaⁿ-tī.

(BCL) 若是我有替你祈禱，互你的信無失落。你歸正了後，著堅固你的兄弟。」

33

(THR) Pí-tek kā I kóng, Chú ah, góa piān-piān kap lí koaiⁿ lo̍h kaⁿ, iā kap lí sí.

(BCL) 彼得給伊講：「主啊，我便便及你關落監，也及你死。」

34

(THR) I chiū kóng, Pí-tek ah, góa kā lí kóng, kin-á-jı̍t koe iáu-bē thî, lí beh saⁿ pái m̄ jīn góa.

(BCL) 伊就講：「彼得啊，我給你講，今仔日雞猶未啼，你欲三擺呣認我。」

35

(THR) Koh kā ha̍k-seng kóng, Góa chêng chhe lín bô tòa chîⁿ-tē, kap tah-liân, kap ôe, lín ū khiàm sím-mı̍h bô? In kóng, Bô.

(BCL) 閣給學生講：「我前差恁無帶錢袋，及褡褳，及鞋，恁有欠甚麼無？」講：「無。」

36

(THR) I chiū kā in kóng, Nā-sī taⁿ ū chîⁿ-tē ê tio̍h tòa i, ū tah-liân ê iā tio̍h án-ni; bô to ê, tio̍h bōe i ê saⁿ, lâi bóe to.

(BCL) 伊就給講：「若是今有錢袋的著帶伊，有褡褳的也著按呢，無刀的著賣伊的衫來買刀。

37

(THR) In-ūi góa kā lín kóng, só͘ kì-chài ê kóng, Sǹg I kap put-hoat ê lâng tâng lia̍t, chit kù ōe tek-khak èng-giām tī góa; in-ūi kan-sia̍p góa ê taⁿ beh chiâⁿ lah.

(BCL) 因為我給恁講，所記載的講：『算伊及不法的人同列。』此句話的確應驗佇我，因為干涉我的今欲成啦。」

38

(THR) In kóng, Chú ah, lí khòaⁿ, tī chia ū nn̄g ki to. I kā in kóng, Kàu-gia̍h lah.

(BCL) 講：「主啊，你看！佇遮有二支刀。」伊給講：「夠額啦。」

39

(THR) Iâ-so͘ chhut-khì, chiàu-siông khì Kaⁿ-ná soaⁿ; ha̍k-seng iā tè I.

(BCL) 耶穌出去，照常去橄欖山，學生也隨伊。

40

(THR) Kàu hit só͘-chāi chiū kā in kóng, Lín tio̍h kî-tó, bián-tit jı̍p bê-he̍k.

(BCL) 到彼所在，就給講：「恁著祈禱，免得入迷惑。」

41

(THR) Chiū lī-khui in iok-lio̍k ū hiat chio̍h-thâu ê hn̄g, kūi-lo̍h-khì kî-tó kóng,

(BCL) 就離開約略有石頭的遠，跪落去祈禱，講：

42

(THR) Pē ah, lí nā khéng, tio̍h chiong chit ê poe lī-khui góa; to̍k-to̍k m̄ sī góa ê ì-sù, sī lí ê ì-sù tio̍h chiâⁿ.

(BCL) 「父啊！你若肯，著將此個杯離開我；獨獨呣是我的意思，是你的意思著成。」

43

(THR) Ū chı̍t ê thiⁿ-sài tùi thiⁿ chhut-hiān, lâi chòng I ê la̍t.

(BCL) 有一個天使對天出現，來壯伊的力。

44

(THR) Iâ-so͘ khó͘-thàng kàu ke̍k, kî-tó ná pek-chhiat; I ê kōaⁿ sī chhin-chhiūⁿ tōa tiám huih tih lo̍h tōe.

(BCL) 耶穌苦痛到極，祈禱愈迫切，伊的汗是親像大點血滴落地。

45

(THR) Kî-tó soah khí-lâi, khì chiū-kūn ha̍k-seng, khòaⁿ-kìⁿ in ūi-tio̍h iu-būn teh khùn;

(BCL) 祈禱息起來，去就近學生，看見為著憂悶睏，

46

(THR) chiū kā in kóng, Siáⁿ-sū khùn? khí-lâi kî-tó, bián-tit jı̍p bê-he̍k.

(BCL) 就給講：「啥事睏？起來祈禱，免得入迷惑！」

47

(THR) Iáu teh kóng ê sî ū kui tīn lâng kàu; cha̍p-jī ha̍k-seng ê chı̍t ê, hit ê kiò chòe Iû-tāi ê, kiâⁿ tī in ê thâu-chêng, kūn-óa Iâ-so͘ beh kā I chim.

(BCL) 猶講的時，有歸陣人到。十二學生的一個，彼個叫做猶大的，行佇的頭前，近倚耶穌欲給伊唚。

48

(THR) Nā-sī Iâ-so͘ kā i kóng, Iû-tāi, lí ēng chim-chhùi bōe Jîn-chú mah?

(BCL) 若是耶穌給伊講：「猶大！你用唚嘴賣人子嗎？」

49

(THR) Chó-iū ê lâng khòaⁿ-kìⁿ só͘ beh kàu ê sū chiū kóng, Chú ah, góan tio̍h ēng to lâi thâi in mah?

(BCL) 左右的人看見所欲到的事，就講：「主啊！阮著用刀來嗎？」

50

(THR) Kî-tiong chı̍t lâng thâi chè-si-thâu ê lô͘-po̍k, siah-khì i chiàⁿ pêng ê hī-á.

(BCL) 其中一人祭司頭的奴僕，削去伊正旁的耳仔。

51

(THR) Iâ-so͘ ìn kóng, Tāi-chì kàu án-ni, chhiáⁿ iông-ún che; chiū bong i ê hī-á, lâi i-hó i.

(BCL) 耶穌應講：「代誌到按呢，請容允這！」就摸伊的耳仔，來醫好伊。

52

(THR) Iâ-so͘ tùi hiah ê lâi kong-kek I ê chè-si-thâu, tiān-si, tiúⁿ-ló kóng, Lín kia̍h to kap thûi chhut-lâi chhin-chhiūⁿ kong-kek chha̍t mah?

(BCL) 耶穌對許個來攻擊伊的祭司頭、殿司、長老講：「恁抬刀及槌出來，親像攻擊賊嗎？

53

(THR) Góa jı̍t-jı̍t kap lín tī tiān-nı̍h, lín bô chhun chhiú kong-kek góa; nā-sī chit tia̍p sī lín ê sî, kap o͘-àm ê kôan-sè.

(BCL) 我日日及恁佇殿裡，恁無伸手攻擊我。若是此霎是恁的時，及黑暗的權勢。」

54

(THR) In chiū lia̍h I, tòa I khì, tòa I jı̍p chè-si-thâu ê chhù. Pí-tek hn̄g-hn̄g tè I.

(BCL) 就掠伊，帶伊去，帶伊入祭司頭的厝。彼得遠遠隨伊。

55

(THR) Lâng tī tiâⁿ-nı̍h khí hé, saⁿ-kap teh chē, Pí-tek iā chē tī in tiong-kan.

(BCL) 人佇庭裡起火，相及坐；彼得也坐佇中間。

56

(THR) Ū chı̍t ê lú-pī khòaⁿ-kìⁿ i ǹg hé-kng teh chē, chù-ba̍k khòaⁿ i, kóng, Chit lâng iā sī kap I chòe tīn.

(BCL) 有一個女婢看見伊向火光坐，注目看伊，講：「此人也是及伊做陣。」

57

(THR) I m̄ jīn kóng, Hū-jîn-lâng ah, góa m̄ bat I.

(BCL) 伊呣認講：「婦仁人啊，我呣識伊。」

58

(THR) Tiap-á-kú koh chı̍t lâng khòaⁿ-kìⁿ kóng, Lí iā sī in ê lâng. Pí-tek kóng, Lâng ah, góa m̄ sī.

(BCL) 霎仔久，閣一人看見，講：「你也是的人。」彼得講：「人啊！我呣是。」

59

(THR) Kè pòaⁿ-sî kú, koh chı̍t lâng chhut-la̍t kóng, Chit lâng chin-chiàⁿ kap I chòe tīn, in-ūi i iā sī Ka-lī-lī lâng.

(BCL) 過半時久，閣一人出力講：「此人真正及伊做陣，因為伊也是加利利人。」

60

(THR) Nā-sī Pí-tek kóng, Lâng ah, lí só͘ kóng ê, góa m̄ chai. Iáu teh kóng ê sî, koe liâm-piⁿ thî.

(BCL) 若是彼得講：「人啊！你所講的我呣知。」猶講的時，雞連鞭啼。

61

(THR) Chú o̍at thâu khòaⁿ Pí-tek. Pí-tek chiū kì-tit Chú ê ōe, ū cháiⁿ-iūⁿ kā i kóng, Kin-á-jı̍t koe thî ê tāi-seng, lí beh saⁿ pái m̄ jīn góa.

(BCL) 主越頭看彼得，彼得就記得主的話有怎樣給伊講：「今仔日雞啼的代先，你欲三擺呣認我。」

62

(THR) I chiū chhut-khì gōa-bīn, tōa thî-khàu.

(BCL) 伊就出去外面大啼哭。

63

(THR) Kò͘-siú Iâ-so͘ ê lâng hì-lāng I, phah I;

(BCL) 顧守耶穌的人戲弄伊，拍伊，

64

(THR) ng I ê bīn, mn̄g I kóng, Lí tio̍h chòe sian-ti lâi kóng, phah lí ê sī chī-chūi ah.

(BCL) 掩伊的面，問伊講：「你著做先知來講，拍你的是是誰啊？」

65

(THR) Koh kóng chōe-chōe hāng lâi siat-to̍k I.

(BCL) 閣講多多項來褻瀆伊。

66

(THR) Kàu thiⁿ kng, peh-sìⁿ ê tiúⁿ-ló-hōe chū-chı̍p, kî-tiong ū chiah ê chè-si-thâu kap keng-ha̍k-sū; in chiū tòa Iâ-so͘ kàu in ê kong-hōe kóng,

(BCL) 到天光，百姓的長老會聚集，其中有諸個祭司頭及經學士，就帶耶穌到的公會，

67

(THR) Lí nā sī Ki-tok tio̍h kā góan kóng.

(BCL) 講：「你若是基督，著給阮講。」耶穌給講：「我若給恁講，恁呣信；

68

(THR) Iâ-so͘ kā in kóng, Góa nā kā lín kóng, lín m̄ sìn; nā mn̄g lín, lín iā m̄ ìn.

(BCL) 若問恁，恁也呣應。

69

(THR) Chóng-sī taⁿ liáu-āu Jîn-chú beh chē tī Siōng-tè kôan-lêng ê tōa pêng.

(BCL) 總是今了後人子欲坐佇上帝權能的大旁。」

70

(THR) Tāi-ke kóng, Án-ni, chiū lí sī Siōng-tè ê Kiáⁿ mah? I tùi in kóng, Lín kóng góa chiū-sī.

(BCL) 大家講：「按呢，就你是上帝的子嗎？」伊對講：「恁講我就是。」

71

(THR) In kóng, Mih-sái ēng pa̍t hāng ê kan-chèng? lán pún-sin ū thiaⁿ-kìⁿ I chhin-chhùi só͘ kóng ê.

(BCL) 講：「乜使用別項的干證？咱本身有聽見伊親嘴所講的。」

Bible Color Mark

• 台語漢字羅馬本
• 巴克禮全羅