馬可福音 第 2 章

1

(THR) Kè kúi-nā jı̍t Iâ-so͘ koh jı̍p Ka-pek-lông;

(BCL) 過幾若日，耶穌閣入迦百農。人聽見伊佇厝內，

2

(THR) . lâng thiaⁿ-kìⁿ I tī chhù-lāi chiū chōe-chōe lâng chū-chı̍p tì-kàu bô khàng-tōe, liân mn̂g-kháu iā bô; I chiū kóng tō-lí hō͘ in thiaⁿ.

(BCL) 就多多人聚集，致到無空地連門口也無；伊就講道理互聽。

3

(THR) . Ū tòa chı̍t ê piàn-sūi ê chiū-kūn I, sī sì lâng kng i lâi.

(BCL) 有帶一個半　者就近伊，是四人扛伊來；

4

(THR) . In-ūi lâng chōe, bōe-ōe kūn-óa, chiū tī Iâ-so͘ tiàm ê só͘-chāi, thiah chhù-téng hō͘ i kui khang; chiū chiong piàn-sūi ê tó tī pho͘-á tūi-lo̍h-khì.

(BCL) 因為人多，會近倚，就佇耶穌的所在，拆厝頂，互伊歸孔，就將半　者倒佇舖仔墜落去。

5

(THR) . Iâ-so͘ khòaⁿ-kìⁿ in ê sìn, chiū kā piàn-sūi ê kóng, Sòe-kiáⁿ, lí ê chōe sià-bián lah.

(BCL) 耶穌看見的信，就給半　者講：「細子，你的罪赦免啦。」

6

(THR) . Ū kúi-nā ê keng-ha̍k-sū chē tī hia, sim-lāi gī-lūn kóng, Chit ê lâng cháiⁿ-iūⁿ án-ni kóng ah?

(BCL) 有幾若個經學士坐佇遐，心內議論，講：

7

(THR) . I sī chhiàm-kôan lām-sám; tû Siōng-tè í-gōa, chī-chūi ōe sià-bián chōe ah?

(BCL) 「此個人怎樣按呢講啊？伊是僭權濫糝。除上帝以外，是誰會赦免罪啊？」

8

(THR) . Iâ-so͘ sim-lāi liâm-piⁿ chai in ū chit hō ê gī-lūn, chiū kā in kóng, Lín siáⁿ-sū tī sim-lāi gī-lūn chiah-ê ah?

(BCL) 耶穌心內連鞭知有此號的議論，就給講：「恁啥事佇心內議論諸個啊？

9

(THR) . Kā piàn-sūi ê kóng, Lí ê chōe sià lah, á-sī kóng, Khí-lâi, giâ lí ê pho͘-á lâi kiâⁿ, tá-lo̍h chı̍t hāng khah khòai?

(BCL) 給半　者講『你的罪赦啦』，抑是講『起來！夯你的舖仔來行』，叨落一項卡快？

10

(THR) . To̍k-to̍k beh hō͘ lín chai Jîn-chú tī tōe-nı̍h ū kôan thang sià chōe, (chiū kā piàn-sūi ê kóng),

(BCL) 獨獨欲互恁知，人子佇地裡有權通赦罪。」就給半　者講：

11

(THR) . Góa kā lí kóng, Khí-lâi, giâ lí ê pho͘-á tò-khì lí ê chhù.

(BCL) 「我給你講，起來！夯你的舖仔倒去你的厝。」

12

(THR) . I chiū khí-lâi, tī chèng lâng ê bīn-chêng sûi-sî giâ i ê pho͘-á chhut-khì; tì-kàu chèng lâng lóng gông-ngia̍h, kui êng-kng Siōng-tè kóng, Góan chiông-lâi bē bat khòaⁿ-kìⁿ án-ni-siⁿ.

(BCL) 伊就起來，佇眾人的面前，隨時夯伊的舖仔出去，致到眾人攏卬愕，歸榮光上帝，講：「阮從來未曾看見按呢生！」

13

(THR) . Iâ-so͘ koh chhut-khì kàu hái-kîⁿ; chèng lâng lóng chiū-kūn I, chiū kà-sī in.

(BCL) 耶穌閣出去到海墘，眾人攏就近伊，就教示。

14

(THR) . Keng-kè ê sî khòaⁿ-kìⁿ A-le̍k-hui ê kiáⁿ Lī-bī chē tī hiòng-koan, chiū kā i kóng, Tè góa. I chiū khí-lâi tè I.

(BCL) 經過的時，看見亞勒腓的子利未坐佇餉關，就給伊講：「隨我。」伊就起來，隨伊。

15

(THR) . Iâ-so͘ chē toh tī Lī-bī ê chhù, ū chōe-chōe thiu-hiòng ê kap pháiⁿ lâng kap Iâ-so͘ chham I ê ha̍k-seng tâng chē, in-ūi hiah ê lâng sī chōe, iā teh tè I.

(BCL) 耶穌坐桌佇利未的厝，有多多抽餉者及歹人及耶穌參伊的學生同坐；因為許個人是多，也隨伊。

16

(THR) . Hoat-lī-sài ê keng-ha̍k-sū khòaⁿ-kìⁿ I kap pháiⁿ lâng í-kı̍p thiu-hiòng ê saⁿ-kap chia̍h, chiū kā I ê ha̍k-seng kóng, I kap thiu-hiòng ê í-kı̍p pháiⁿ lâng saⁿ-kap lim-chia̍h ah.

(BCL) 法利賽的經學士看見伊及歹人以及抽餉者相及食，就給伊的學生講：「伊及抽餉者以及歹人相及飲食啊？」

17

(THR) . Iâ-so͘ thiaⁿ-kìⁿ, chiū kā in kóng, Ióng-kiāⁿ ê bô khiàm i-seng, nā-sī phòa-pīⁿ ê chiū tio̍h; góa lâi m̄ sī beh chio gī lâng, sī beh chio pháiⁿ lâng.

(BCL) 耶穌聽見，就給講：「勇健的無欠醫生，若是破病的就著。我來呣是欲招義人，是欲招歹人。」

18

(THR) . Iok-hān ê ha̍k-seng kap Hoat-lī-sài lâng tng teh kìm-chia̍h; in chiū-kūn lâi kā I kóng, Iok-hān ê ha̍k-seng kap Hoat-lī-sài lâng ê ha̍k-seng kìm-chia̍h, lí ê ha̍k-seng bô kìm-chia̍h, sī cháiⁿ-iūⁿ?

(BCL) 約翰的學生及法利賽人當禁食。就近來給伊講：「約翰的學生及法利賽人的學生禁食，你的學生無禁食，是怎樣？」

19

(THR) . Iâ-so͘ kā in kóng, Sin-kiáⁿ-sài kap hō-chhōa ê lâng tī-teh ê sî, in kiám ōe kìm-chia̍h mah? sin-kiáⁿ-sài iáu tâng tī-teh, in bōe-ōe kìm-chia̍h.

(BCL) 耶穌給講：「新子婿及賀娶的人佇的時，豈會禁食嗎？新子婿猶同佇，會禁食。

20

(THR) . Nā-sī sî-jı̍t beh kàu, sin-kiáⁿ-sài beh tùi in tiong-kan bô-khì, hit jı̍t in chiū beh kìm-chia̍h.

(BCL) 若是時日欲到，新子婿欲對中間無去，彼日就欲禁食。

21

(THR) . Bô lâng ēng sin pò͘ pó͘ kū saⁿ; nā ū, chiū só͘ pó͘ ê hit tè ōe kiù-lı̍h i, chiū-sī sin ê kiù-lı̍h kū ê, i ê phòa-khang koh khah tōa.

(BCL) 無人用新布補舊衫，若有，就所補的彼塊會糾裂伊，就是新的糾裂舊的，伊的破孔閣卡大。

22

(THR) . Iā bô lâng ēng sin chiú tóe tī kū phê-lông; nā ū, chiū sin chiú ōe piak-lı̍h phê-lông, chiú lāu, lông iā phah-pháiⁿ. To̍k-to̍k sin chiú tio̍h jı̍p tī sin phê-lông.

(BCL) 也無人用新酒貯佇舊皮囊，若有，就新酒會爆裂皮囊，酒漏，囊也拍歹；獨獨新酒著入佇新皮囊。」

23

(THR) . Iâ-so͘ tī an-hioh-jı̍t tùi be̍h-hn̂g keng-kè, I ê ha̍k-seng kiâⁿ lō͘ ê sî tiah be̍h-sūi.

(BCL) 耶穌佇安息日對麥園經過。伊的學生行路的時，摘麥穗。

24

(THR) . Hoat-lī-sài lâng kā I kóng, Lí khòaⁿ, in tī an-hioh-jı̍t kiâⁿ só͘ m̄ eng-kai kiâⁿ ê, sī cháiⁿ-iūⁿ?

(BCL) 法利賽人給伊講：「你看，佇安息日行所呣應該行的是怎樣？」

25

(THR) . Iâ-so͘ kā in kóng, Tāi-pı̍t kap kun-tè ê lâng, tng khiàm-kheh koh iau ê sî só͘ kiâⁿ ê, lín bē tha̍k-tio̍h mah?

(BCL) 耶穌給講：「大衛及跟隨的人，當欠缺閣枵的時所行的，恁未讀著嗎？

26

(THR) . Chiū-sī tng A-pí-a-thah chòe chè-si-thâu ê sî i ū cháiⁿ-iūⁿ jı̍p Siōng-tè ê chhù, chia̍h pâi-lia̍t ê piáⁿ, sòa hō͘ kun-tè i ê lâng; chı̍t hō piáⁿ, nā m̄ sī chè-si, chiū m̄ thang chia̍h.

(BCL) 就是當亞比亞他做祭司頭的時，伊有怎樣入上帝的厝，食排列的餅，續互跟隨伊的人。此號餅若呣是祭司，就呣通食。」

27

(THR) . Koh kā in kóng, An-hioh-jı̍t ūi-tio̍h lâng lâi siat-lı̍p, m̄ sī lâng ūi-tio̍h an-hioh-jı̍t.

(BCL) 閣給講：「安息日為著人來設立，呣是人為著安息日。

28

(THR) . Só͘-í Jîn-chú iā sī an-hioh-jı̍t ê Chú.

(BCL) 所以，人子也是安息日的主。」

Bible Color Mark

• 台語漢字羅馬本
• 巴克禮全羅