馬太福音 第 11 章

1

(THR) Iâ-so͘ hoan-hù I cha̍p-jī ê ha̍k-seng bêng-pe̍k, chiū lī-khui hia, beh tī in hiah ê siâⁿ kà-sī lâng kap thôan-tō.

(BCL) 耶穌吩咐伊十二個學生明白，就離開遐，欲佇許個城教示人及傳道。

2

(THR) Iok-hān tī kaⁿ-nı̍h thiaⁿ-kìⁿ Ki-tok só͘ kiâⁿ ê sū; chiū chhe ha̍k-seng mn̄g I kóng,

(BCL) 約翰佇監裡聽見基督所行的事，就差學生問伊講：

3

(THR) Só͘ beh lâi ê, sī lí mah? á-sī góan tio̍h ǹg-bāng pa̍t lâng ah?

(BCL) 「所欲來的是你嗎？抑是阮著向望別人啊？」

4

(THR) Iâ-so͘ ìn kóng, Lín tio̍h khì, chiong lín só͘ thiaⁿ-kìⁿ só͘ khòaⁿ-kìⁿ ê, kā Iok-hān kóng;

(BCL) 耶穌應講：「恁著去，將恁所聽見所看見的、給約翰講。

5

(THR) chiū-sī chhiⁿ-mî ê khòaⁿ-kìⁿ, pái-kha ê kiâⁿ, thái-ko ê chheng-khì, chhàu-hī-lâng ê thiaⁿ-kìⁿ, sí ê lâng koh-o̍ah, sòng-hiong lâng tit-tio̍h thiaⁿ hok-im.

(BCL) 就是睛暝者看見，跛腳者行，癩者清氣，臭耳聾者聽見，死的人復活，喪鄉人得著聽福音。

6

(THR) Kìⁿ-nā bô tī góa lâi tio̍h-tak ê, ū hok-khì.

(BCL) 見若無佇我來著觸的有福氣！」

7

(THR) In khì ê sî, Iâ-so͘ chiah thê-khí Iok-hān, kā chèng lâng kóng, Lín chêng chhut-khì khòng-iá, beh khòaⁿ sím-mı̍h? Sī lô͘-tek hō͘ hong chhe tín-tāng mah?

(BCL) 去的時，耶穌才提起約翰給眾人講：「恁前出去曠野欲看甚麼？是蘆竹互風吹振動嗎？

8

(THR) Lín chhut-khì ài khòaⁿ sím-mı̍h? Sī lâng chhēng iù-nńg ê i-chiûⁿ mah? Lí khòaⁿ, chhēng iù-nńg ê sī tī ông-kiong.

(BCL) 恁出去愛看甚麼？是人穿幼軟的衣裳嗎？你看，穿幼軟的是佇王宮。

9

(THR) Nā-sī án-ni lín chhut-khì beh siáⁿ-sū? Sī beh khòaⁿ sian-ti mah? Sī lah. Góa kā lín kóng, i sī iáu khah iâⁿ-kè sian-ti.

(BCL) 若是按呢恁出去欲啥事？是欲看先知嗎？是啦。我給恁講，伊是猶卡贏過先知。

10

(THR) Chit lâng chiū-sī keng-nı̍h só͘ chí ê, kóng, Góa chhe góa ê sù-chiá tī lí ê bīn-chêng; I beh tī lí ê thâu-chêng pī-pān lí ê lō͘.

(BCL) 此人就是經裡所指的講：『我差我的使者佇你的面前，伊欲佇你的頭前備辦你的路』。

11

(THR) Góa sı̍t-chāi kā lín kóng, Hū-jîn-lâng só͘ siⁿ ê, chiông-tiong bē ū heng-khí khah tōa tī kiâⁿ sóe-lé ê Iok-hān; chóng-sī tī thian-kok ê bî-sòe ê, iáu khah tōa i.

(BCL) 我實在給恁講，婦仁人所生的，從中未有興起卡大佇行洗禮的約翰；總是佇天國的微細的，猶卡大伊。

12

(THR) Tùi kiâⁿ sóe-lé Iok-hān ê sî-jı̍t kàu taⁿ, thian-kok hō͘ lâng kiông-kiông chhú, kiông ê lâng ēng la̍t chhú i.

(BCL) 對行洗禮約翰的時日到今，天國互人強強取，強的人用力取伊。

13

(THR) In-ūi chèng sian-ti kap lu̍t-hoat ū chhàm-gú kàu Iok-hān ê sî.

(BCL) 因為眾先知及律法有讖語到約翰的時。

14

(THR) Lín nā kam-gōan sêng-siū, chit lâng chiū-sī teh-beh lâi ê Í-lī-a.

(BCL) 恁若甘願承受，此人就是欲來的以利亞。

15

(THR) Ū hī-khang thang thiaⁿ ê, tio̍h thiaⁿ.

(BCL) 有耳孔通聽的，著聽！

16

(THR) Chit sè-tāi góa beh ēng sím-mı̍h lâi pí-phēng i? Sī chhin-chhiūⁿ gín-ná chē tī koe-chhī-nı̍h, lâi kiò in ê tâng-phōaⁿ kóng,

(BCL) 此世代我欲用甚麼來比並伊？是親像囝仔坐佇街市裡，來叫的同伴，講：

17

(THR) Góan tùi lín pûn ta̍t-á, lín bô thiàu-bú; góan bat pi-ai, lín bô tûi heng.

(BCL) 阮對恁歕笛仔，恁無跳舞；阮曾悲哀，恁無搥胸。

18

(THR) In-ūi Iok-hān lâi, bô chia̍h bô lim; lâng chiū kóng, I hōan-tio̍h kúi.

(BCL) 因為約翰來，無食無飲，人就講伊患著鬼；

19

(THR) Jîn-chú lâi ia̍h chia̍h ia̍h lim; lâng chiū kóng, I sī tham-chia̍h hò͘ⁿ-chiú ê lâng, thiu-hiòng kap pháiⁿ lâng ê pêng-iú. Nā-sī Tì-hūi tùi i ê só͘ kiâⁿ hián-bêng i sī tio̍h.

(BCL) 人子來，亦食亦飲，人就講伊是貪食好酒的人，抽餉及歹人的朋友。若是智慧對伊的所行顯明伊是著。」

20

(THR) Iâ-so͘ bat tī hiah ê siâⁿ kiâⁿ chōe-chōe kôan-lêng, in-ūi in lóng bô hóan-hóe, hit sî chiah chek-pī in kóng,

(BCL) 耶穌曾佇許個城行多多權能，因為攏無反悔，彼時才責備，講：

21

(THR) Ko-lia̍p-sìn ah, lí ū chai-ē! Pek-sài-tāi ah, lí ū chai-ē! in-ūi tī lín tiong-kan só͘ kiâⁿ chiah ê kôan-lêng, nā ū kiâⁿ tī Chhui-lô kap Se-tùn, in chiū chá-chá chhēng môa saⁿ sám hé-hu lâi hóan-hóe.

(BCL) 「哥拉汛啊，你有災禍！伯賽大啊，你有災禍！因為佇恁中間所行諸個權能，若有行佇推羅及西頓，就早早穿麻衫摻火灰來反悔。

22

(THR) Nā-sī góa kā lín kóng, tng sím-phòaⁿ ê jı̍t, Chhui-lô kap Se-tùn pí lín iáu khah khòai tam-tng.

(BCL) 若是我給恁講，當審判的日，推羅及西頓比恁猶卡快擔當！

23

(THR) Ka-pek-lông ah, lí kiám ōe tit-tio̍h kú-khí kàu thiⁿ mah? lí beh tūi-lo̍h im-hú; in-ūi tī lí ê tiong-kan só͘ kiâⁿ chiah ê kôan-lêng, nā ū kiâⁿ tī Só͘-to-má, chiū kàu kin-á-jı̍t i iáu tī-teh.

(BCL) 迦百農啊，你豈會得著舉起到天嗎？你欲墜落陰府；因為佇你的中間所行諸個權能，若有行佇所多瑪，就到今仔日伊猶佇。

24

(THR) Nā-sī góa kā lín kóng, tng sím-phòaⁿ ê jı̍t, Só͘-to-má ê tōe-hng pí lí khah khòai tam-tng.

(BCL) 若是我給恁講，當審判的日，所多瑪的地方比你卡快擔當！」

25

(THR) Tng hit sî Iâ-so͘ ìn kóng, Pē ah, thiⁿ tōe ê Chú, góa o-ló lí, in-ūi lí chiong chiah ê sū, tùi tì-hūi chhang-miâ ê ū ún-ba̍t i, tùi sòe-kiáⁿ ū hián-bêng i;

(BCL) 當彼時，耶穌應講：「父啊，天地的主，我謳咾你！因為你將諸個事對智慧聰明的有隱密伊，對細子有顯明伊。

26

(THR) Pē ah, sī lah; in-ūi lí khòaⁿ án-ni chòe hoaⁿ-hí.

(BCL) 父啊，是啦，因為你看按呢做歡喜。

27

(THR) Bān-hāng-ū tùi góa ê Pē kau-hù góa, Pē í-gōa bô chı̍t-ê bat Kiáⁿ; Kiáⁿ kap Kiáⁿ só͘ ài beh chí-sī ê í-gōa, bô chı̍t-ê bat Pē.

(BCL) 萬項有，對我的父交付我；父以外，無一個識子；子及子所愛欲指示的以外，無一個識父。

28

(THR) Lín kìⁿ-nā tio̍h-bôa taⁿ tāng-tàⁿ ê, tio̍h chiū-kūn góa; góa beh hō͘ lín an-hioh.

(BCL) 恁見若著磨擔重擔的著就近我，我欲互恁安息。

29

(THR) Góa sim-lāi un-jiû khiam-sùn; lín pē góa ê taⁿ, lâi tùi góa o̍h, chiū lín ê sim-sîn ōe tit-tio̍h an-hioh.

(BCL) 我心內溫柔謙遜，恁背我的軛，來對我學；就恁的心神會得著安息。

30

(THR) In-ūi góa ê taⁿ sī khòai, góa ê tàⁿ sī khin.

(BCL) 因為我的軛是快，我的擔是輕。」

Bible Color Mark

• 台語漢字羅馬本
• 巴克禮全羅