民數記 第 1 章

1

(THR) Í-sek-lia̍t lâng chhut Ai-kı̍p tōe í-āu, tē-jī nî, jī-ge̍h chhoe-it jı̍t, Iâ-hô-hoa tī Se-nái ê khòng-iá tī hōe-bō͘-tiong hoan-hù Mô͘-se kóng,

(BCL) 以色列人出埃及地以後，第二年二月初一日，耶和華佇西奈的曠野、佇會幕中吩咐摩西講：

2

(THR) Lín tio̍h chiong Í-sek-lia̍t chôan-hōe ê chóng-sò͘, chiàu in ê ke-kháu chong-cho̍k, chiàu lâng-miâ ê siàu-gia̍h, sǹg in ta-po͘ ê jîn-teng.

(BCL) 「恁著將以色列全會的總數照的家口、宗族、照人名的數額算查甫的人丁。

3

(THR) Kìⁿ-nā Í-sek-lia̍t tiong, tùi jī-cha̍p hè í-chiūⁿ, ōe chhut khì kau-chiàn ê, lí kap A-lûn tio̍h chiàu in ê kun-tūi lâi tiám-sǹg i.

(BCL) 見若以色列中，對二十歲以上，會出去交戰的，你及亞倫著照的軍隊來點算伊。

4

(THR) Múi chi-phài-tiong, tio̍h ū chı̍t-lâng, chòe in ê cho̍k-tiúⁿ ê, lâi pang-chān lín.

(BCL) 每支派中著有一人做的族長的，來幫助恁。

5

(THR) Kap lín khiā chòe-tui ê lâng, in ê miâ-jī kì tī ē-tóe. Sio̍k Liû-piān ê, ū Sī-tiu-jíⁿ ê kiáⁿ Í-lī-siok.

(BCL) 及恁徛做堆的人的名字記佇下底：屬流便的，有示丟珥的子以利蓿；

6

(THR) Sio̍k Se-biān ê, ū So͘-lī-sa-tāi ê kiáⁿ Sī-lō͘-bia̍t.

(BCL) 屬西緬的，有蘇利沙代的子示路蔑；

7

(THR) Sio̍k Iû-tāi ê, ū A-bí-ná-ta̍t ê kiáⁿ, Ná-sūn.

(BCL) 屬猶大的，有亞米拿達的子拿順；

8

(THR) Sio̍k Í-sat-ka ê, ū So͘-ap ê kiáⁿ, Ná-thán-gia̍p.

(BCL) 屬以薩迦的，有蘇押的子拿坦業；

9

(THR) Sio̍k Se-pò͘-lûn ê, ū Hi-lûn ê kiáⁿ, Í-lī-ap.

(BCL) 屬西布倫的，有希倫的子以利押；

10

(THR) Iok-sek ê kiáⁿ-sun sio̍k Í-hoat-liân ê, ū A-bí-hut ê kiáⁿ, Í-lī-sa-má; sio̍k Má-ná-se ê, ū Pí-tāi-siok ê kiáⁿ, Ka-má-lia̍t.

(BCL) 約瑟的子孫、屬以法蓮的，有亞米忽的子以利沙瑪；屬瑪拿西的，有比大蓿的子迦瑪列；

11

(THR) Sio̍k Piān-ngá-bín ê, ū Ki-to-nî ê kiáⁿ, A-pí-tàn.

(BCL) 屬便雅憫的，有基多尼的子亞比但；

12

(THR) Sio̍k Tàn ê, ū A-bí-sa-tāi ê kiáⁿ, A-hi-í-siā.

(BCL) 屬但的，有亞米沙代的子亞希以謝；

13

(THR) Sio̍k A-siat ê, ū Gô-lân ê kiáⁿ, Phàⁿ-kiat.

(BCL) 屬亞設的，有俄蘭的子帕結；

14

(THR) Sio̍k Ka-tek ê, ū Tiu-jíⁿ ê kiáⁿ, Í-lī-ngá-sat.

(BCL) 屬迦得的，有丟珥的子以利雅薩；

15

(THR) Sio̍k Ná-hut-tha-lí ê, ū Í-lâm ê kiáⁿ, A-hi-la̍h.

(BCL) 屬拿弗他利的，有以南的子亞希拉。

16

(THR) Chiah-ê lóng sī tùi hōe-tiong kéng-sóan ê, ta̍k-ê chòe in pún chi-phài ê siú-léng, lóng sī Í-sek-lia̍t kun-tūi-tiong ê thóng-léng.

(BCL) 諸個攏是對會中揀選的，逐個做本支派的首領，攏是以色列軍隊中的統領。」

17

(THR) Mô͘-se A-lûn chiū chhōa hiah ê siū kì-miâ ê lâng; tī jī-ge̍h chhoe-it jı̍t, tiàu-chı̍p hōe-chiòng;

(BCL) 摩西、亞倫就導許個受記名的人，

18

(THR) in chiū chiàu in ê jîn-teng, tùi jī-cha̍p hè í-siōng, chiàu in ê miâ-gia̍h, chiàu in ê ke-kháu chong-cho̍k, pâi-lia̍t in ê sè-hē.

(BCL) 佇二月初一日召集會眾。就照的人丁，對廿歲以上，照的名額，照的家口、宗族，排列的世系。

19

(THR) Iâ-hô-hoa án-ni bēng-lēng Mô͘-se, i chiū tī Se-nái ê khòng-iá tiám-sǹg in.

(BCL) 耶和華按呢命令摩西，伊就佇西奈的曠野點算。

20

(THR) Í-sek-lia̍t ê tōa-kiáⁿ, Liû-piān kiáⁿ-sun ê sè-hē, chiàu in ê ke-kháu, in ê chong-cho̍k, chiàu lâng-miâ ê siàu-gia̍h, chiàu in ê jîn-teng, tùi jī-cha̍p hè í-chiūⁿ ê ta-po͘-ê, ōe chhut-khì kau-chiàn-ê;

(BCL) 以色列的大子，流便子孫的世系，照的家口、的宗族、照人名的數額，照的人丁，對二十歲以上的查甫的，會出去交戰的，

21

(THR) sio̍k Liû-piān ê chi-phài kè-sǹg-ê, sì-bān la̍k-chheng gō͘-pah miâ.

(BCL) 屬流便的支派過算的，四萬六千五百名。

22

(THR) Se-biān kiáⁿ-sun ê sè-hē, chiàu in ê ke-kháu, in ê chong-cho̍k, kè-sǹg-ê, chiàu lâng-miâ ê siàu-gia̍h, chiàu in ê jîn-teng, tùi jī-cha̍p hè í-chiūⁿ ê ta-po͘, ōe chhut-khì kau-chiàn-ê;

(BCL) 西緬子孫的世系，照的家口、的家族、過算的、照人名的數額，照的人丁，對二十歲以上的查甫，會出去交戰的，

23

(THR) sio̍k Se-biān ê chi-phài kè-sǹg-ê, gō͘-bān káu-chheng saⁿ-pah miâ.

(BCL) 屬西緬的支派過算的，五萬九千三百名。

24

(THR) Ka-tek kiáⁿ-sun ê sè-hē, chiàu in ê ke-kháu, in ê chong-cho̍k, chiàu lâng-miâ ê siàu-gia̍h, tùi jī-cha̍p hè í-chiūⁿ, ōe chhut-khì kau-chiàn-ê;

(BCL) 迦得子孫的世系，照的家口、的宗族、照人名的數額，對二十歲以上，會出去交戰的，

25

(THR) sio̍k Ka-tek ê chi-phài, kè-sǹg-ê, sì-bān gō͘-chheng la̍k-pah gō͘-cha̍p miâ.

(BCL) 屬迦得的支派，過算的，四萬五千六百五十名。

26

(THR) Iû-tāi kiáⁿ-sun ê sè-hē, chiàu in ê ke-kháu, in ê chong-cho̍k, chiàu lâng-miâ ê siàu-gia̍h, tùi jī-cha̍p hè í-chiūⁿ, ōe chhut-khì kau-chiàn-ê;

(BCL) 猶大子孫的世系，照的家口、的宗族、照人名的數額，對二十歲以上，會出去交戰的，

27

(THR) sio̍k Iû-tāi ê chi-phài, kè-sǹg-ê, chhit-bān sì-chheng la̍k-pah miâ.

(BCL) 屬猶大的支派，過算的，七萬四千六百名。

28

(THR) Í-sat-ka kiáⁿ-sun ê sè-hē, chiàu in ê ke-kháu, in ê chong-cho̍k, chiàu lâng-miâ ê siàu-gia̍h, tùi jī-cha̍p hè í-chiūⁿ ōe chhut-khì kau-chiàn-ê;

(BCL) 以薩迦子孫的世系，照的家口、的宗族、照人名的數額，對二十歲以上，會出去交戰的，

29

(THR) sio̍k Í-sat-ka ê chi-phài, kè-sǹg-ê, gō͘-bān sì-chheng sì-pah miâ.

(BCL) 屬以薩迦的支派，過算的，五萬四千四百名。

30

(THR) Se-pò͘-lûn kiáⁿ-sun ê sè-hē, chiàu in ê ke-kháu, in ê chong-cho̍k, chiàu lâng-miâ ê siàu-gia̍h, tùi jī-cha̍p hè í-chiūⁿ, ōe chhut-khì kau-chiàn-ê;

(BCL) 西布倫子孫的世系、照的家口、的宗族、照人名的數額，對二十歲以上，會出去交戰的，

31

(THR) sio̍k Se-pò͘-lûn ê chi-phài, kè-sǹg-ê, gō͘-bān chhit-chheng sì-pah miâ.

(BCL) 屬西布倫的支派，過算的，五萬七千四百名。

32

(THR) Iok-sek ê kiáⁿ-sun, sio̍k Í-hoat-liân kiáⁿ-sun ê sè-hē, chiàu in ê ke-kháu, in ê chong-cho̍k, chiàu lâng-miâ ê siàu-gia̍h, tùi jī-cha̍p hè í-chiūⁿ, ōe chhut-khì kau-chiàn-ê;

(BCL) 約瑟的子孫屬以法蓮子孫的世系，照的家口、的宗族、照人名的數額，對二十歲以上，會出去交戰的，

33

(THR) sio̍k Í-hoat-liân ê chi-phài, kè-sǹg-ê, sì-bān liân gō͘-pah miâ.

(BCL) 屬以法蓮的支派，過算的，四萬連五百名。

34

(THR) Má-ná-se kiáⁿ-sun ê sè-hē, chiàu in ê ke-kháu, in ê chong-cho̍k, chiàu lâng-miâ ê siàu-gia̍h, tùi jī-cha̍p hè í-chiūⁿ, ōe chhut-khì kau-chiàn-ê;

(BCL) 瑪拿西子孫的世系，照的家口、的宗族、照人名的數額，對二十歲以上，會出去交戰的，

35

(THR) sio̍k Má-ná-se ê chi-phài, kè-sǹg-ê, saⁿ-bān nn̄g-chheng nn̄g-pah miâ.

(BCL) 屬瑪拿西的支派，過算的，三萬二千二百名。

36

(THR) Piān-ngá-bín kiáⁿ-sun ê sè-hē, chiàu in ê ke-kháu, in ê chong-cho̍k, chiàu lâng-miâ ê siàu-gia̍h, tùi jī-cha̍p hè í-chiūⁿ, ōe chhut-khì kau-chiàn-ê;

(BCL) 便雅憫子孫的世系，照的家口、的宗族、照人名的數額，對二十歲以上，會出去交戰的，

37

(THR) sio̍k Piān-ngá-bín ê chi-phài, kè-sǹg-ê, saⁿ-bān gō͘-chheng sì-pah miâ.

(BCL) 屬便雅憫的支派，過算的，三萬五千四百名。

38

(THR) Tàn kiáⁿ-sun ê sè-hē, chiàu in ê ke-kháu, in ê chong-cho̍k, chiàu lâng-miâ ê siàu-gia̍h, tùi jī-cha̍p hè í-chiūⁿ, ōe chhut-khì kau-chiàn-ê;

(BCL) 但子孫的世系，照的家口、的宗族、照人名的數額，對二十歲以上，會出去交戰的，

39

(THR) sio̍k Tàn ê chi-phài, kè-sǹg-ê, la̍k-bān nn̄g-chheng chhit-pah miâ.

(BCL) 屬但的支派，過算的，六萬二千七百名。

40

(THR) A-siat kiáⁿ-sun ê sè-hē, chiàu in ê ke-kháu, in ê chong-cho̍k, chiàu lâng-miâ ê siàu-gia̍h, tùi jī-cha̍p hè í-chiūⁿ, ōe chhut-khì kau-chiàn-ê;

(BCL) 亞設子孫的世系，照的家口、的宗族、照人名的數額，對二十歲以上，會出去交戰的，

41

(THR) sio̍k A-siat ê chi-phài, kè-sǹg-ê, sì-bān chı̍t-chheng gō͘-pah miâ.

(BCL) 屬亞設的支派，過算的，四萬一千五百名。

42

(THR) Ná-hut-tha-lī kiáⁿ-sun ê sè-hē, chiàu in ê ke-kháu, in ê chong-cho̍k, chiàu lâng-miâ ê siàu-gia̍h, tùi jī-cha̍p hè í-chiūⁿ, ōe chhut-khì kau-chiàn-ê;

(BCL) 拿弗他利子孫的世系，照的家口、的宗族、照人名的數額，對二十歲以上，會出去交戰的，

43

(THR) sio̍k Ná-hut-tha-lī ê chi-phài, kè-sǹg-ê, gō͘-bān saⁿ-chheng sì-pah miâ.

(BCL) 屬拿弗他利的支派，過算的，五萬三千四百名。

44

(THR) Chiah-ê lóng sī kè-sǹg-ê, sī Mô͘-se A-lûn kap Í-sek-lia̍t cha̍p-jī ê siú-léng só͘-sǹg-ê; in ta̍k-ê tāi-piáu in ê chong-cho̍k.

(BCL) 諸個攏是過算的，是摩西、亞倫，及以色列十二個首領所算的；逐個代表的宗族。

45

(THR) Án-ni Í-sek-lia̍t lâng kè-sǹg-ê, chiàu i ê chong-cho̍k, tùi jī-cha̍p hè í-chiūⁿ, kìⁿ-nā Í-sek-lia̍t-tiong ōe chhut-khì kau-chiàn ê lâng;

(BCL) 按呢，以色列人過算的，照伊的宗族，對二十歲以上，見若以色列中會出去交戰的人，

46

(THR) chiū-sī it-chhè kè-sǹg-ê kiōng la̍k-cha̍p-bān liân saⁿ-chheng gō͘-cha̍p miâ.

(BCL) 就是一切過算的，共六十萬連三千五十名。

47

(THR) To̍k-to̍k Lī-bī lâng chiàu chó͘-chong ê chi-phài, bô sǹg chāi-lāi.

(BCL) 獨獨利未人照祖宗的支派無算在內，

48

(THR) In-ūi Iâ-hô-hoa bat hoan-hù Mô͘-se kóng,

(BCL) 因為耶和華曾吩咐摩西講：

49

(THR) To̍k-to̍k Lī-bī chi-phài lí m̄-thang tiám-sǹg, iā m̄-thang tī Í-sek-lia̍t-tiong sǹg in ê chóng-gia̍h.

(BCL) 「獨獨利未支派你呣通點算，也呣通佇以色列中算的總額。

50

(THR) To̍k-to̍k tio̍h phài Lī-bī lâng kóan-lí chèng-kù ê hōe-bō͘, kap kî-tiong it-chhè ê khì-kū, kap it-chhè sio̍k tī hí lāi-bīn-ê; in tio̍h kng hōe-bō͘ kap kî-tiong it-chhè ê khì-kū, iā tio̍h su-hāu hōe-bō͘, tī i ê sì-ûi an-iâⁿ.

(BCL) 獨獨著派利未人管理證據的會幕及其中一切的器具，及一切屬佇彼內面的；著扛會幕及其中一切的器具，也著伺候會幕，佇伊的四圍安營。

51

(THR) Hōe-bō͘ beh khí-sin ê sî, tio̍h Lī-bī lâng thiah i; hōe-bō͘ beh tah ê sî, tio̍h Lī-bī lâng khiā i; í-gōa ê lâng kūn-óa i, tek-khak tio̍h siū sí.

(BCL) 會幕欲起身的時，著利未人拆伊；會幕欲搭的時，著利未人豎伊。以外的人近倚伊的確著受死。

52

(THR) Í-sek-lia̍t lâng tah pò͘-pîⁿ, kok chiàu in ê kun-tūi, kok kui in ê pún-iâⁿ, kok kui in ê tōa-kî.

(BCL) 以色列人搭布棚，各照的軍隊，各歸的本營，各歸的大旗。

53

(THR) To̍k-to̍k Lī-bī lâng tio̍h tī chèng-kù ê hōe-bō͘ sì-ûi an-iâⁿ, bián-tit tōa siū-khì lîm-kàu tī Í-sek-lia̍t ê hōe-chiòng; Lī-bī lâng iā tio̍h siú chèng-kù ê hōe-bō͘ ê chek-sêng.

(BCL) 獨獨利未人著佇證據的會幕四圍安營，免得大受氣臨到佇以色列的會眾；利未人也著守證據的會幕的責成。」

54

(THR) Í-sek-lia̍t lâng chiū án-ni kiâⁿ; kìⁿ-nā Iâ-hô-hoa só͘ bēng-lēng Mô͘-se ê, in chiū chiàu án-ni kiâⁿ.

(BCL) 以色列人就按呢行。見若耶和華所命令摩西的，就照按呢行。

Bible Color Mark

• 台語漢字羅馬本
• 巴克禮全羅