利未記 第 27 章

1

(THR) Iâ-hô-hoa hoan-hù Mô͘-se kóng,

(BCL) 耶和華吩咐摩西講：

2

(THR) Lí tio̍h hoan-hù Í-sek-lia̍t lâng kóng, Ēng lâng hē te̍k-pia̍t ê gōan, tio̍h chiàu lí só͘ kó͘ ê sin-kè kui hō͘ Iâ-hô-hoa.

(BCL) 「你著吩咐以色列人講：用人下特別的願，著照你所估的身價歸互耶和華。

3

(THR) Lí só͘ kó͘ ê kè, ta-po͘-lâng tùi jī-cha̍p hè kàu la̍k-cha̍p hè, tio̍h kó͘ i ê kè-gûn gō͘-cha̍p sià-khek-le̍k, chiàu sèng-só͘ ê sià-khek-le̍k.

(BCL) 你所估的價，查甫人對二十歲到六十歲，著估伊的價銀五十舍客勒，照聖所的舍客勒。

4

(THR) Nā sī cha-bó͘-lâng, lí tio̍h kó͘ i ê kè saⁿ-cha̍p sià-khek-le̍k.

(BCL) 若是查某人，你著估伊的價三十舍客勒。

5

(THR) Nā sī tùi gō͘-hè kàu jī-cha̍p hè, ta-po͘-ê lí tio̍h kó͘ i ê kè jī-cha̍p sià-khek-le̍k; cha-bó͘-lâng kó͘ cha̍p sià-khek-le̍k.

(BCL) 若是對五歲到二十歲，查甫的你著估伊的價二十舍客勒，查某人估十舍客勒。

6

(THR) Nā sī tùi móa-ge̍h kàu gō͘-hè, ta-po͘-ê lí tio̍h kó͘ kè-gûn gō͘ sià-khek-le̍k, cha-bó͘-ê tio̍h kó͘ kè-gûn saⁿ sià-khek-le̍k.

(BCL) 若是對滿月到五歲，查甫的你著估價銀五舍客勒，查某的著估價銀三舍客勒。

7

(THR) Nā sī tùi la̍k-cha̍p hè í-chiūⁿ, ta-po͘-lâng lí tio̍h kó͘ kè-gûn cha̍p-gō͘ sià-khek-le̍k, cha-bó͘-lâng cha̍p sià-khek-le̍k.

(BCL) 若是對六十歲以上，查甫人你著估價銀十五舍客勒，查某人十舍客勒。

8

(THR) Hit-lâng nā sòng-hiong, bōe chiàu lí só͘ kó͘ ê kè, chiū tio̍h hō͘ i khiā tī chè-si ê bīn-chêng, chè-si tio̍h kó͘ i; chiàu hē-gōan ê lâng ê khùi-la̍t, chè-si tio̍h kó͘ i.

(BCL) 彼人若喪鄉，照你所估的價，就著互伊徛佇祭司的面前祭司著估伊，照下願的人的氣力，祭司著估伊。

9

(THR) Nā sī cheng-siⁿ, chiū-sī lâng hiàn hō͘ Iâ-hô-hoa chòe lé-mı̍h ê, lóng tio̍h hun-piat i chòe-sèng.

(BCL) 「若是精牲，就是人獻互耶和華做禮物的，攏著分別伊做聖。

10

(THR) Lâng m̄-thang kóe-ōaⁿ, iā m̄-thang tùi-ōaⁿ, he̍k-sī ēng hó-ê ōaⁿ pháiⁿ-ê, á-sī ēng pháiⁿ-ê ōaⁿ hó-ê; nā ēng cheng-siⁿ tùi-ōaⁿ cheng-siⁿ, só͘ hē ê kap só͘ ōaⁿ ê lóng tio̍h hun-piat i chòe-sèng.

(BCL) 人呣通改換，也呣通對換，或是用好的換歹的，抑是用歹的換好的。若用精牲對換精牲，所下的及所換的攏著分別伊做聖。

11

(THR) Nā bô chheng-khì ê cheng-siⁿ, lâng só͘ m̄-thang hiàn-hō͘ Iâ-hô-hoa chòe lé-mı̍h ê, chiū tio̍h hō͘ cheng-siⁿ khiā tī chè-si ê bīn-chêng;

(BCL) 若無清氣的精牲，人所呣通獻互耶和華做禮物的，就著互精牲徛佇祭司的面前。

12

(THR) chè-si chiū tio̍h kó͘ i ê kè; cheng-siⁿ sī hó sī pháiⁿ, lí chè-si só͘-kó͘-ê án-ni chiū-sī.

(BCL) 祭司就著估伊的價；精牲是好是歹，你祭司所估的按呢就是。

13

(THR) I nā it-tēng beh sio̍k-hôe, chiū tio̍h tī lí só͘ kó͘ ê kè-chîⁿ í-gōa, ke-thiⁿ gō͘-hūn ê chı̍t-hūn.

(BCL) 伊若一定欲贖回，就著佇你所估的價錢以外加添五份的一份。

14

(THR) Lâng ēng chhù hun-piat chòe-sèng, kui hō͘ Iâ-hô-hoa, chè-si chiū tio̍h kó͘ i ê kè, chhù sī hó sī pháiⁿ; chè-si só͘ kó͘ ê kè, chiàu án-ni tiāⁿ-tio̍h.

(BCL) 「人用厝分別做聖，歸互耶和華，祭司就著估伊的價。厝是好是歹，祭司所估的價，照按呢定著。

15

(THR) Hun-piat i ê chhù chòe-sèng ê, nā beh sio̍k-hôe, chiū tio̍h tī lí só͘ kó͘ ê kè-gûn í-gōa, ke-thiⁿ gō͘-hūn ê chı̍t-hūn; chhù chiàu-kū kui i.

(BCL) 分別伊的厝做聖的，若欲贖回，就著佇你所估的價銀以外加添五份的一份，厝照舊歸伊。

16

(THR) Lâng nā tùi i ê gia̍p ê tōe hun-piat chı̍t-hūn chòe-sèng kui hō͘ Iâ-hô-hoa, lí tio̍h chiàu i iā-chéng ê chōe-chió kó͘ i ê kè; nā iā tōa-be̍h chı̍t hō-mûi-jíⁿ, kè-gûn tio̍h gō͘-cha̍p sià-khek-le̍k.

(BCL) 「人若對伊的業的地分別一份做聖，歸互耶和華，你著照伊撒種的多少估伊的價，若撒大麥一俄梅珥，價銀著五十舍客勒。

17

(THR) I nā tùi hi-liân khí chiong tōe hun-piat chòe-sèng, chiū tio̍h chiàu lí só͘ kó͘ ê kè-chîⁿ lâi tiāⁿ-tio̍h.

(BCL) 伊若對禧年起將地分別做聖，就著照你所估的價錢來定著。

18

(THR) Siat-sú i tī hi-liân í-āu chiong tōe hun-piat chòe-sèng, chè-si chiū tio̍h tùi hit-tia̍p kàu hi-liân só͘ chhun ê nî-gia̍h, sǹg i ê kè-chîⁿ; iā tio̍h tùi lí só͘ kó͘-ê, lâi kiám-chió i.

(BCL) 設使伊佇禧年以後將地分別做聖，祭司就著對彼霎到禧年所剩的年額算伊的價錢，也著對你所估的來減少伊。

19

(THR) Hun-piat i ê tōe chòe-sèng ê, nā it-tēng beh sio̍k-hôe, i chiū tio̍h tī lí só͘ kó͘ ê kè-chîⁿ í-gōa, ke-thiⁿ gō͘-hūn ê chı̍t-hūn; tōe chiū tiāⁿ-tio̍h kui i.

(BCL) 分別伊的地做聖的若一定欲贖回，伊就著佇你所估的價錢以外加添五份的一份，地就定著歸伊。

20

(THR) I nā m̄ sio̍k-hôe hit ê tōe, á-sī chiong tōe bōe hō͘ pa̍t-lâng, chiū bōe-ōe koh sio̍k-tit.

(BCL) 伊若呣贖回彼個地，抑是將地賣互別人，就會閣贖得。

21

(THR) Hit ê tōe kàu hi-liân ê sî í-keng kau-chhut, tio̍h chòe-sèng kui hō͘ Iâ-hô-hoa, chhin-chhiūⁿ éng-óan hiàn ê tōe chı̍t-iūⁿ, tio̍h kui hō͘ chè-si chòe-gia̍p.

(BCL) 彼個地到禧年的時已經交出，著做聖歸互耶和華，親像永遠獻的地一樣，著歸互祭司做業。

22

(THR) I nā chiong só͘ bóe ê chı̍t tè tōe, m̄-sī i sán-gia̍p ê tōe, hun-piat chòe-sèng kui hō͘ Iâ-hô-hoa;

(BCL) 伊若將所買的一塊地，呣是伊產業的地，分別做聖歸互耶和華，

23

(THR) chè-si chiū tio̍h ēng lí só͘ kó͘ ê kè-chîⁿ kā i chhui-sǹg kàu hi-liân; hit-jı̍t i tio̍h the̍h-chhut lí só͘ kó͘ ê kè-chîⁿ chòe-sèng, kui hō͘ Iâ-hô-hoa.

(BCL) 祭司就著用你所估的價錢給伊推算到禧年。彼日，伊著提出你所估的價錢做聖，歸互耶和華。

24

(THR) Hi-liân í-keng kàu, hit ê tōe tio̍h kui bōe-chú, chiū-sī hit ê sêng-chiap gia̍p ê gôan-chú.

(BCL) 禧年已經到，彼個地著歸賣主，就是彼個承接業的原主。

25

(THR) Kìⁿ-nā lí só͘ kó͘ ê kè-gûn, lóng tio̍h chiàu sèng-só͘ ê sià-khek-le̍k; jī-cha̍p kùi-la̍h chòe chı̍t sià-khek-le̍k.

(BCL) 見若你所估的價銀攏著照聖所的舍客勒：二十季拉做一舍客勒。

26

(THR) To̍k-to̍k cheng-siⁿ ê tiong-kan thâu-chúi-siⁿ ê, bô-lūn sī gû sī iûⁿ, í-keng kui Iâ-hô-hoa chòe thâu-chúi-siⁿ ê, lâng m̄-thang koh hun-piat i chòe-sèng, in-ūi che pún sī Iâ-hô-hoa ê.

(BCL) 「獨獨精牲的中間頭水生的，無論是牛是羊，已經歸耶和華做頭水生的，人呣通閣分別伊做聖，因為這本是耶和華的。

27

(THR) Nā sī bô chheng-khì ê cheng-siⁿ só͘ siⁿ ê, chiū tio̍h chiàu lí só͘ kó͘ ê kè, ke gō͘-hūn-chı̍t lâi sio̍k-hôe i; nā m̄ sio̍k-hôe, chiū tio̍h chiàu lí só͘ kó͘ ê kè lâi bōe.

(BCL) 若是無清氣的精牲所生的，就著照你所估的價加五份一來贖回伊；若呣贖回，就著照你所估的價來賣。

28

(THR) To̍k-to̍k it-chhè éng-óan hiàn ê, chiū-sī lâng tùi i só͘ ū ê éng-óan hiàn-hō͘ Iâ-hô-hoa, bô-lūn sī lâng, sī cheng-siⁿ, á-sī i sán-gia̍p ê tōe, lóng m̄-thang bōe, iā m̄-thang sio̍k-hôe; i éng-óan hiàn-ê sī chì-sèng, kui hō͘ Iâ-hô-hoa.

(BCL) 「獨獨一切永遠獻的，就是人對伊所有的永遠獻互耶和華，無論是人，是精牲，抑是伊產業的地，攏呣通賣，也呣通贖回。伊永遠獻的是至聖歸互耶和華。

29

(THR) Kìⁿ-nā éng-óan hiàn-ê chiū-sī tùi lâng ê tiong-kan éng-óan hiàn, lóng m̄-thang sio̍k; i tek-khak tio̍h siū sí.

(BCL) 見若永遠獻的就是對人的中間永遠獻攏呣通贖，伊的確著受死。」

30

(THR) Kìⁿ-nā tōe-chiūⁿ só͘ ū ê, bô-lūn sī thó͘-sán, á-sī chhiū-téng ê ké-chí, cha̍p-hūn ê chı̍t-hūn sī Iâ-hô-hoa ê, chòe-sèng kui hō͘ Iâ-hô-hoa.

(BCL) 「見若地上所有的，無論是土產抑是樹頂的果子，十份的一份是耶和華的，做聖歸互耶和華。

31

(THR) Lâng nā beh sio̍k-hôe chit ê cha̍p-hūn-chı̍t ê sím-mı̍h mı̍h, chiū tio̍h ke gō͘-hūn ê chı̍t-hūn.

(BCL) 人若欲贖回此個十份一的甚麼物，就著加五份的一份。

32

(THR) Kìⁿ-nā gû-kûn, iûⁿ-kûn ê cha̍p-hūn-chı̍t, keng-kè kóaiⁿ-á-ē ê, múi tē-cha̍p-chiah tio̍h chòe-sèng kui hō͘ Iâ-hô-hoa.

(BCL) 見若牛群羊群的十份一，經過枴仔下的，每第十隻著做聖歸互耶和華。

33

(THR) Bô-kóan i sī hó-pháiⁿ, m̄-thang tùi-ōaⁿ; nā beh tùi-ōaⁿ, chiū só͘ tùi-ōaⁿ-ê kap pún-jiân ê cheng-siⁿ, lóng tio̍h chòe-sèng, bōe sio̍k-tit.

(BCL) 無管伊是好歹，呣通對換；若欲對換，就所對換的及本然的精牲攏著做聖，贖得。」

34

(THR) Che chiū-sī Iâ-hô-hoa tī Se-nái soaⁿ ūi-tio̍h Í-sek-lia̍t lâng só͘ bēng-lēng Mô͘-se chiah ê bēng-lēng.43

(BCL) 這就是耶和華佇西奈山為著以色列人所命令摩西諸個命令。

Bible Color Mark

• 台語漢字羅馬本
• 巴克禮全羅