詩篇 第 69 章

1

(THR) Tāi-pı̍t ê si; kau hō͘ Ga̍k-koaⁿ; tiāu sī ēng "Pek-ha̍p-hoe".1) Siōng-tè ah, kiû Lí kiù góa, In-ūi chiah ê chúi beh im góa ê sìⁿ-miā.

(BCL) 〔大衛的詩，交互樂官。調是用「百合花。」〕上帝啊，求你救我！因為諸個水欲淹我的生命。

2

(THR) Góa hām-lo̍h tī chhim ê thô͘-bê-lāi, bô thang khiā-kha ê só͘-chāi; Góa kàu chhim ê chúi-lāi, tōa-chúi im-ba̍t góa.

(BCL) 我陷落佇深的土糜內，無通徛腳的所在；我到深的水內，大水淹密我。

3

(THR) Góa in-ūi góa ê âu-kiò kàu ià-siān, góa ê nâ-âu ta--khì; Góa in-ūi thèng-hāu góa ê Siōng-tè, ba̍k-chiu hoe.

(BCL) 我因為我的喉叫到厭倦，我的嚨喉乾去；我因為聽候我的上帝，目睭花。

4

(THR) Bô in-toaⁿ òan-hūn góa-ê khah chōe góa ê thâu-mn̂g; Lām-sám chòe góa ê tùi-te̍k, beh bia̍t-bô góa-ê, put-chí kiông-béng; Góa só͘ bô chhiúⁿ ê, góa iā tio̍h hêng.

(BCL) 無因端怨恨我的，卡多我的頭毛；濫糝做我的對敵、欲滅無我的，不止強猛。我所無搶的，我也著還。

5

(THR) Siōng-tè ah, góa ê gû-gōng Lí pún chai; Góa ê chōe-kòa bô ún-môa tī Lí.

(BCL) 上帝啊，我的愚戇，你本知；我的罪過無隱瞞佇你。

6

(THR) Bān-kun ê Chú Iâ-hô-hoa ah, kiû Lí m̄-thang hō͘ hiah ê thèng-hāu Lí ê lâng ūi-tio̍h góa lâi kiàn-siàu; Í-sek-lia̍t ê Siōng-tè ah, kiû Lí m̄-thang hō͘ hiah ê chhē Lí ê lâng ūi-tio̍h góa lâi siū lêng-jio̍k.

(BCL) 萬軍的主──耶和華啊，求你呣通互許個聽候你的人，為著我來見誚！以色列的上帝啊，求你呣通互許個尋你的人，為著我來受凌辱！

7

(THR) In-ūi góa ūi-tio̍h Lí ê iân-kò͘ siū lóe-mē, Góa móa-bīn kiàn-siàu.

(BCL) 因為我為著你的緣故受詈罵，我滿面見誚。

8

(THR) Góa ê hiaⁿ-tī khòaⁿ góa chòe kè-lō͘ ê lâng, Góa ê tâng-pau khòaⁿ góa chòe gōa-pang-lâng.

(BCL) 我的兄弟看我做過路的人；我的同胞看我做外邦人。

9

(THR) In-ūi góa ūi-tio̍h Lí ê chhù sim-lāi chhin-chhiūⁿ hé to̍h; Koh lóe-mē Lí ê lâng ê lóe-mē lóng kàu tī góa.

(BCL) 因為我為著你的厝，心內親像火，閣詈罵你的人的詈罵攏到佇我。

10

(THR) Góa lâu ba̍k-sái, ēng kìm-chia̍h khek-khó͘ góa ê sim; Che hóan-tńg chòe góa ê lêng-jio̍k.

(BCL) 我流目屎，用禁食刻苦我的心；這反轉做我的凌辱。

11

(THR) Góa ēng môa-pò͘ chòe i-chiûⁿ, Lâng chiū ēng góa chòe chhiàu-tâm.

(BCL) 我用麻布做衣裳，人就用我做笑談。

12

(THR) Chē tī siâⁿ-mn̂g--ê tâm-lūn góa; Chiú-hàn ēng góa chòe koa-khek.

(BCL) 坐佇城門者談論我；酒漢用我做歌曲。

13

(THR) Chóng-sī góa tī tit-tio̍h chiap-la̍p ê sî, tùi Iâ-hô-hoa Lí kî-tó; Siōng-tè ah, kiû Lí chiàu Lí chû-ài ê hong-sēng, Chiàu Lí chín-kiù ê chin-sı̍t lâi ìn góa.

(BCL) 總是我佇得著接納的時對耶和華──你祈禱。上帝啊，求你照你慈愛的豐盛，照你拯救的真實來應我！

14

(THR) Kiû Lí kiù góa chhut thô͘-bê, hō͘ góa bô tîm--lo̍h-khì; Kiû Lí kiù góa thoat-lī òan-hūn góa ê lâng, hō͘ góa chhut chhim ê chúi.

(BCL) 求你救我出土糜，互我無沈落去；求你救我脫離怨恨我的人，互我出深的水。

15

(THR) Kiû Lí bo̍h-tit iông-ún tōa-chúi im-ba̍t góa; Bo̍h-tit iông-ún chhim-ian thun góa; Bo̍h-tit iông-ún hām-khiⁿ hām góa.

(BCL) 求你莫得容允大水淹密我，莫得容允深淵吞我，莫得容允陷坑陷我。

16

(THR) Iâ-hô-hoa ah, kiû Lí ìn góa, in-ūi Lí ê chû-ài sī hó; Kiû Lí chiàu Lí chû-pi ê hong-sēng o̍at--kè-lâi khòaⁿ góa.

(BCL) 耶和華啊，求你應我！因為你的慈愛是好；求你照你慈悲的豐盛越過來看我！

17

(THR) M̄-thang ng-bīn m̄-khòaⁿ Lí ê lô͘-po̍k; In-ūi góa tī hōan-lān ê tiong-kan, kiû Lí kín-kín lâi ìn góa.

(BCL) 呣通掩面呣看你的奴僕；因為我佇患難的中間，求你緊緊來應我！

18

(THR) Kiû Lí chhin-kūn góa ê lêng-hûn lâi kiù-sio̍k i; Kiû Lí in-ūi góa ê tùi-te̍k lâi sio̍k-hôe góa.

(BCL) 求你親近我的靈魂，來救贖伊！求你因為我的對敵來贖回我！

19

(THR) Lí chai góa só͘ siū ê lóe-mē, kiàn-siàu, lêng-jio̍k; Góa ê tùi-te̍k lóng tī Lí ê bīn-chêng.

(BCL) 你知我所受的詈罵、見誚、凌辱；我的對敵攏佇你的面前。

20

(THR) Lóe-mē í-keng thiah-lı̍h góa ê sim, góa ê iu-būn móa-móa; Góa ǹg-bāng lâng khó-lîn, iā bô chı̍t-ê, Ǹg-bāng lâng an-ùi, iā chhē bô chı̍t-ê.

(BCL) 詈罵已經拆裂我的心，我的憂悶滿滿。我向望人可憐，也無一個；向望人安慰，也尋無一個。

21

(THR) In the̍h khó͘-táⁿ hō͘ góa chòe chia̍h-mı̍h, Góa chhùi-ta, in ēng chhò͘ hō͘ góa lim.

(BCL) 提苦膽互我做食物；我嘴乾，用醋互我飲。

22

(THR) Gōan in ê iân-toh tī in ê bīn-chêng pìⁿ-chòe lô-bāng, Tī in pêng-an ê sî, pìⁿ-chòe o̍ah-tauh.

(BCL) 願的筵桌佇的面前變做羅網，佇平安的時變做活罩。

23

(THR) Gōan in ê ba̍k-chiu o͘-àm bōe khòaⁿ-kìⁿ, Gōan Lí hō͘ in ê io siông-siông gī-gī-chhoah.

(BCL) 願的目睭黑暗，看見；願你互的腰常常栗栗惙。

24

(THR) Gōan Lí ê thòng-hūn piàⁿ tī in ê sin-chiūⁿ; Hō͘ Lí lia̍t-lia̍t ê siū-khì jip--tio̍h in.

(BCL) 願你的痛恨傾佇的身上，互你烈烈的受氣著。

25

(THR) Gōan in khiā-khí ê só͘-chāi pìⁿ-chòe pha-hng; Gōan in ê pò͘-pîⁿ bô lâng khiā-khí.

(BCL) 願徛起的所在變做拋荒；願的布棚無人徛起。

26

(THR) In-ūi Lí só͘ phah hit ê lâng, in chiū khún-pek i; Lí só͘ phah-siong hiah ê lâng, in poaⁿ-tia̍h in ê iu-khó͘.

(BCL) 因為，你所拍彼個人，就窘迫伊；你所拍傷許個人，搬摘的憂苦。

27

(THR) Gōan Lí tī in ê chōe-siōng ka chōe; Bo̍h-tit iông-ún in ū hūn Lí ê gī.

(BCL) 願你佇的罪上加罪，莫得容允有份你的義。

28

(THR) Gōan in tùi o̍ah-miā ê chheh siū chhat-bia̍t, Bô kì tī gī-lâng ê tiong-kan.

(BCL) 願對活命的冊受擦滅，無記佇義人的中間。

29

(THR) Chóng-sī góa sī khùn-khó͘ iu-siong ê lâng; Siōng-tè ah, gōan Lí ê kiù-un an-tì góa tī kôaiⁿ ê só͘-chāi.

(BCL) 總是我是困苦憂傷的人；上帝啊，願你的救恩安置我佇高的所在。

30

(THR) Góa beh ēng si-koa o-ló Siōng-tè ê miâ; Iā beh ēng kám-siā chheng I chòe tōa.

(BCL) 我欲用詩歌謳咾上帝的名，也欲用感謝稱伊做大！

31

(THR) Che sī hō͘ Iâ-hô-hoa hoaⁿ-hí, iâⁿ-kè hiàn gû, Á-sī hiàn ū-kak ū-tôe ê gû-káng.

(BCL) 這是互耶和華歡喜，贏過獻牛，抑是獻有角有蹄的牛。

32

(THR) Khiam-pi ê lâng khòaⁿ-kìⁿ chiū hoaⁿ-hí; Lín chhē Siōng-tè ê lâng, gōan lín ê sim o̍ah--khí-lâi.

(BCL) 謙卑的人看見就歡喜；恁尋上帝的人，願恁的心活起來。

33

(THR) In-ūi Iâ-hô-hoa thiaⁿ sòng-hiong ê lâng, Bô khòaⁿ-khin ūi-tio̍h I siū koaiⁿ-kaⁿ ê lâng.

(BCL) 因為耶和華聽喪鄉的人，無看輕為著伊受關監的人。

34

(THR) Gōan thiⁿ kap tōe o-ló I; Hái kap kî-tiong it-chhè ê tōng-bu̍t iā tio̍h o-ló I.

(BCL) 願天及地謳咾伊！海及其中一切的動物也著謳咾伊！

35

(THR) In-ūi Siōng-tè beh kiù Sek-an, khí-chō Iû-tāi ê siâⁿ; In beh khiā-khí tī-hia, tit-tio̍h i chòe-gia̍p.

(BCL) 因為上帝欲救錫安，起造猶大的城；欲徛起佇遐，得著伊做業。

36

(THR) I ê lô͘-po̍k ê hō͘-è beh sòa-chiap i, Thiàⁿ I ê miâ ê lâng beh tiàm tī hit tiong-kan.

(BCL) 伊的奴僕的後裔欲續接伊；疼伊的名的人欲踮佇彼中間。

Bible Color Mark

• 台語漢字羅馬本
• 巴克禮全羅