詩篇 第 70 章

1

(THR) Tāi-pı̍t ê kì-liām si; kau hō͘ Ga̍k-koaⁿ.1) Siōng-tè ah, kiû Lí kín-kín chín-kiù góa; Iâ-hô-hoa ah, kiû Lí kín-kín pang-chān góa.

(BCL) 〔大衛的記念詩，交互樂官。〕上帝啊，求你緊緊拯救我！耶和華啊，求你緊緊幫助我！

2

(THR) Gōan hiah ê siàu-siūⁿ góa ê sìⁿ-miā ê lâng, kiàn-siàu làu-khùi; Gōan hiah ê hoaⁿ-hí góa siū hām-hāi--ê, o̍at-tò-tńg siū lêng-jio̍k.

(BCL) 願許個數想我的生命的人，見誚漏氣；願許個歡喜我受陷害者，越倒轉受凌辱。

3

(THR) Gōan hiah-ê kóng, Ho͘h-chāi, Ho͘h--chāi ê, In-ūi kiàn-siàu lâi o̍at-tò-tńg.

(BCL) 願許個講呼哉、呼哉的，因為見誚來越倒轉。

4

(THR) Gōan it-chhè chhē Lí ê in-ūi Lí hoaⁿ-hí khòai-lo̍k; Gōan hiah ê him-bō͘ Lí kiù-un-ê siông-siông kóng, Tio̍h chun Siōng-tè chòe tōa.

(BCL) 願一切尋你的，因為你歡喜快樂；願許個欣慕你救恩的，常常講：著尊上帝做大！

5

(THR) Chóng-sī góa sī khùn-khó͘ sòng-hiong-ê, Siōng-tè ah, kiû Lí kín-kín kàu góa chia; Lí sī pang-chān góa ê, chín-kiù góa ê, Iâ-hô-hoa ah, kiû Lí m̄-thang iân-chhiân.

(BCL) 總是我是困苦喪鄉的；上帝啊，求你緊緊到我遮！你是幫助我的，拯救我的。耶和華啊，求你呣通延延！

Bible Color Mark

• 台語漢字羅馬本
• 巴克禮全羅