詩篇 第 9 章

1

(THR) Tāi-pı̍t ê si, kau hō͘ Ga̍k-koaⁿ, tiāu, ēng Bō͘-la̍h-piān.1) Góa beh chôan-sim kám-siā Iâ-hô-hoa; Góa beh pò-iông Lí it-chhè kî-biāu ê só͘-chòe.

(BCL) 〔大衛的詩，交互樂官。調用幕拉便。〕我欲全心感謝耶和華；我欲報揚你一切奇妙的所做。

2

(THR) Góa beh chāi-tī Lí hoaⁿ-hí khòai-lo̍k; Chì-kôaiⁿ--ê ah, góa beh o-ló Lí ê miâ.

(BCL) 我欲在佇你歡喜快樂；至高者啊，我欲謳咾你的名！

3

(THR) Góa ê tùi-te̍k o̍at-tńg-sin thè--khì ê sî, Chiū tī Lí ê bīn-chêng po̍ah-tó bia̍t-bô.

(BCL) 我的對敵越轉身退去的時，就佇你的面前跋倒滅無。

4

(THR) Lí í-keng thòe góa sin-oan, thòe góa piān-bêng; Lí chē tī pó-chō, chiàu kong-gī sím-phòaⁿ.

(BCL) 你已經替我伸冤，替我辯明；你坐佇寶座，照公義審判。

5

(THR) Lí ū chek-pī lia̍t-pang, Lí ū bia̍t-bô pháiⁿ-lâng, Lí ū chhat-bia̍t in ê miâ kàu éng-óan.

(BCL) 你有責備列邦，你有滅無歹人；你有擦滅的名，到永遠。

6

(THR) Tùi-te̍k kàu kiat-kio̍k, siū hong-hòe kàu éng-óan; Lí húi-hōai in ê siâⁿ; Liân in ê kì-liām ia̍h bô--khì.

(BCL) 對敵到結局；受荒廢到永遠。你毀壞的城，連的記念亦無去。

7

(THR) To̍k-to̍k Iâ-hô-hoa chē-ūi kàu éng-óan; I í-keng ūi sím-phòaⁿ, an-tì I ê pó-chō.

(BCL) 獨獨耶和華坐位，到永遠；伊已經為審判安置伊的寶座。

8

(THR) I beh chiàu kong-gī sím-phòaⁿ sè-kài, Chiàu chèng-tı̍t phòaⁿ-tòan chèng peh-sìⁿ.

(BCL) 伊欲照公義審判世界，照正直判斷眾百姓。

9

(THR) Iâ-hô-hoa koh beh chòe siū ap-pek ê lâng ê kôaiⁿ-tâi, Tī hōan-lān ê sî ê kôaiⁿ-tâi.

(BCL) 耶和華閣欲做受壓迫的人的高台，佇患難的時的高台。

10

(THR) Bat Lí ê miâ ê lâng beh óa-khò Lí; In-ūi, Iâ-hô-hoa, Lí bē-bat khì-sak chhē Lí ê lâng.

(BCL) 識你的名的人欲倚靠你，因為耶和華，你未曾棄拺尋你的人。

11

(THR) Tio̍h o-ló khiā-khí Sek-an ê Iâ-hô-hoa, Chiong I só͘ kiâⁿ--ê pò-iông tī chèng peh-sìⁿ ê tiong-kan.

(BCL) 著謳咾徛起錫安的耶和華，將伊所行的報揚佇眾百姓的中間。

12

(THR) In-ūi hit ê cha-pān bēng-àn--ê kì-tit in; Bô bōe kì-tit khùn-khó͘ lâng ê ai-kiû.

(BCL) 因為彼個查辦命案者記得，無記得困苦人的哀求。

13

(THR) Iâ-hô-hoa ah, kiû Lí lîn-bín góa; Lí sī tùi sí-mn̂g kiù góa khí--lâi--ê, Tio̍h kàm-chhat hiah ê òan-hūn góa ê lâng só͘ hō͘ góa tú-tio̍h ê khó͘-lān.

(BCL) 耶和華啊，求你憐憫我；你是對死門救我起來者，著鑑察許個怨恨我的人所互我抵著的苦難。

14

(THR) Thang hō͘ góa kóng-khí Lí it-chhè ê hó miâ-siaⁿ; Góa beh tī Sek-an siâⁿ ê mn̂g, Ūi-tio̍h Lí ê kiù-un lâi hoaⁿ-hí.

(BCL) 通互我講起你一切的好名聲；我欲佇錫安城的門為著你的救恩來歡喜。

15

(THR) Lia̍t-pang hām-lo̍h tī in só͘ khui ê hām-khiⁿ; In ê kha tîⁿ tī in àm-chīⁿ siat ê lô-bāng.

(BCL) 列邦陷落佇所開的陷坑；的腳纏佇暗靜設的羅網。

16

(THR) Iâ-hô-hoa í-keng hián-bêng ka-kī, I í-keng kiâⁿ sím-phòaⁿ; Pháiⁿ lâng hō͘ ka-kī ê chhiú só͘ chòe--ê tîⁿ--tio̍h. [Hi-kai-un. Sè-la̍h

(BCL) 耶和華已經顯明家己，伊已經行審判；歹人互家己的手所做的纏著。（細拉）

17

(THR) Pháiⁿ-lâng beh kui tī im-hú, Bōe kì--tit Siōng-tè ê lia̍t-pang ia̍h beh án-ni.

(BCL) 歹人欲歸佇陰府，記得上帝的列邦亦欲按呢。

18

(THR) In-ūi sòng-hiong-lâng tek-khak bô éng-óan hō͘ Siōng-tè bōe kì-tit, Khùn-khó͘ ê lâng ê ǹg-bāng, tek-khak bōe éng-éng bô--khì.

(BCL) 因為喪鄉人的確無永遠互上帝記得；困苦的人的向望的確永永無去。

19

(THR) Iâ-hô-hoa ah, kiû Lí khí--lâi, m̄-thang iông-ún lâng khah-iâⁿ; Gōan lia̍t-pang tī Lí ê bīn-chêng siū sím-phòaⁿ.

(BCL) 耶和華啊，求你起來，呣通容允人卡贏！願列邦佇你的面前受審判！

20

(THR) Iâ-hô-hoa ah, kiû Lí hō͘ in kiaⁿ-hiâⁿ; Gōan lia̍t-pang chai ka-kī put-kò sī lâng nā-tiāⁿ. [Sè-la̍h

(BCL) 耶和華啊，求你互驚惶；願列邦知家己不過是人若定。（細拉）

Bible Color Mark

• 台語漢字羅馬本
• 巴克禮全羅