啟示錄 第 16 章

1

(THR) Góa thiaⁿ-kìⁿ ū tōa siaⁿ tùi tiān-nı̍h chhut, kā chhit ê thiⁿ-sài kóng, Lín khì, chiong hiah ê tóe Siōng-tè tōa siū-khì ê chhit ê óaⁿ, piàⁿ tī tōe-nı̍h.

(BCL) 我聽見有大聲對殿裡出，給七個天使講：「恁去，將許個貯上帝大受氣的七個碗傾佇地裡。」

2

(THR) Thâu-chı̍t ê chiū khì, chiong i ê óaⁿ piàⁿ tī tōe-nı̍h; chiū ū ok-to̍k ê chhng siⁿ tī hiah ê ū siù ê kì-hō ê, kap pài i ê siōng ê.

(BCL) 頭一個就去，將伊的碗傾佇地裡，就有惡毒的瘡生佇許個有獸的記號者，及拜伊的相者。

3

(THR) Tē jī ê chiong i ê óaⁿ piàⁿ tī hái-nı̍h; hái chiū pìⁿ chòe chhin-chhiūⁿ sí-lâng ê huih, hái-tiong ê o̍ah mı̍h it-chīn sí.

(BCL) 第二個將伊的碗傾佇海裡，海就變做親像死人的血，海中的活物一盡死。

4

(THR) Tē saⁿ ê chiong i ê óaⁿ piàⁿ tī kang-hô kap chiah ê chúi chôaⁿ; chúi chiū pìⁿ chòe huih.

(BCL) 第三個將伊的碗傾佇江河及諸個水泉，水就變做血。

5

(THR) Góa thiaⁿ-kìⁿ chiáng chiah ê chúi ê thiⁿ-sài kóng, Hiān-chāi tī-teh, chá tī-teh, sèng ê ah, lí sī kong-gī, in-ūi lí án-ni sím-phòaⁿ.

(BCL) 我聽見掌諸個水的天使講：現在佇、早佇、聖者啊，你是公義因為你按呢審判；

6

(THR) In-ūi in bat lâu sèng-tô͘ kap sian-ti ê huih; taⁿ lí ēng huih hō͘ in lim, sī in só͘ eng-kai ê.

(BCL) 因為曾流聖徒及先知的血，今你用血互飲；是所應該的。

7

(THR) Góa koh thiaⁿ-kìⁿ chè-tôaⁿ teh kóng, Chú Siōng-tè, chôan-lêng ê ah, sī ah; lí ê sím-phòaⁿ sī chin-sı̍t koh kong-gī.

(BCL) 我閣聽見祭壇講：主上帝──全能者啊，是啊，你的審判是真實閣公義！

8

(THR) Tē sì ê chiong i ê óaⁿ piàⁿ tī jı̍t-thâu; chiū hō͘ jı̍t-thâu ōe ēng hé pek lâng.

(BCL) 第四個將伊的碗傾佇日頭，就互日頭會用火人。

9

(THR) Lâng siū tōa ê iām-jia̍t só͘ pek, chiū pòng-to̍k hit ê ū kôan teh chiáng-lí chiah ê chai-ē ê Siōng-tè ê miâ, koh bô hóan-hóe lâi kui êng-kng I.

(BCL) 人受大的炎熱所，就謗瀆彼個有權掌理諸個災禍的上帝的名，閣無反悔來歸榮光伊。

10

(THR) Tē gō͘ ê chiong i ê óaⁿ piàⁿ tī siù ê chō-ūi; siù ê kok sûi-sî o͘-àm.

(BCL) 第五個將伊的碗傾佇獸的座位，獸的國隨時黑暗。人因為艱苦就咬的舌；

11

(THR) Lâng in-ūi kan-khó͘ chiū kā in ê chı̍h; koh in-ūi in ê kan-khó͘ kap in ê chhng-to̍k, chiū pòng-to̍k thiⁿ-nı̍h ê Siōng-tè, iā bô hóan-hóe in ê só͘ kiâⁿ.

(BCL) 閣因為的艱苦，及的瘡毒，就謗瀆天裡的上帝，也無反悔的所行。

12

(THR) Tē la̍k ê chiong i ê óaⁿ piàⁿ tī Pek-lat tōa hô; i ê chúi liâm-piⁿ ta-khì, beh ūi-tio̍h tang-hng ê lia̍t-ông lâi pī-pān lō͘.

(BCL) 第六個將伊的碗傾佇伯拉大河，伊的水連鞭乾去，欲為著東方的列王來備辦路。

13

(THR) Góa koh khòaⁿ-kìⁿ ū saⁿ ê ù-òe ê sîn, chhin-chhiūⁿ chhân-kap-á tùi lêng ê chhùi, kap siù ê chhùi, kap ké sian-ti ê chhùi chhut-lâi.

(BCL) 我閣看見有三個污穢的神，親像田蛤仔對龍的嘴、及獸的嘴、及假先知的嘴出來。

14

(THR) In chiū-sī chiah ê kúi ê sîn, ōe kiâⁿ sîn-jiah ê, chhut-lâi chiū-kūn phó͘-thiⁿ-ē ê ông, chio-chı̍p in tī chôan-lêng Siōng-tè ê tōa jı̍t-kî ê kau-chiàn.

(BCL) 就是諸個鬼的神，會行神蹟的，出來就近普天下的王，招集佇全能上帝的大日期的交戰。（

15

(THR) (Lí khòaⁿ, góa lâi chhin-chhiūⁿ chha̍t; kéng-séng lâi kò͘-siú i ê saⁿ, bián-tit thǹg-theh lâi kiâⁿ, hō͘ lâng khòaⁿ-kìⁿ i ê kiàn-siàu ê, chiū ū hok-khì.)

(BCL) 你看，我來親像賊。警醒來顧守伊的衫、免得褪裼來行、互人看見伊的見誚的就有福氣！）

16

(THR) Hit saⁿ ê chiū chio-chı̍p lia̍t-ông tī chı̍t ê só͘-chāi, Hi-pek-lâi ê im kiò chòe A-má-ge̍k-tùn.

(BCL) 彼三個就招集列王佇一個所在，希伯來的音叫做亞瑪玉頓。

17

(THR) Tē chhit ê chiong i ê óaⁿ piàⁿ tī khong-khì; chiū ū tōa siaⁿ tùi tiān-lāi tùi chō-ūi chhut, kóng, Chiâⁿ lah.

(BCL) 第七個將伊的碗傾佇空氣，就有大聲對殿內對座位出，講：「成啦！」

18

(THR) Chiū ū sih-nà, ū siaⁿ, ū lûi tân, tōe ia̍h tōa tín-tāng, tùi tōe-chiūⁿ ū lâng kàu taⁿ, bē ū tōe-tāng chhin-chhiūⁿ án-ni ê tōa.

(BCL) 就有閃爁、有聲、有雷鳴，地亦大振動，對地上有人到今、未有地動親像按呢的大。

19

(THR) Tōa siâⁿ chiū lı̍h chòe saⁿ ê, lia̍t-pang chiah ê siâⁿ ia̍h tó-hōai; Siōng-tè ia̍h kì-tit tōa siâⁿ Pa-pí-lûn, chiū chiong poe tóe I ke̍k tōa siū-khì ê chiú hō͘ i.

(BCL) 大城就裂做三個，列邦諸個城亦倒壞；上帝亦記得大城巴比倫，就將杯貯伊極大受氣的酒互伊。

20

(THR) Ta̍k ê hái-sū lóng tô-cháu, chiah ê soaⁿ lóng bô-khì.

(BCL) 逐個海嶼攏逃走，諸個山攏無去。

21

(THR) Koh ū tōa phauh tùi thiⁿ kàng-lo̍h tī lâng, ta̍k lia̍p tāng kúi-nā cha̍p kun; lâng in-ūi phauh ê chai-ē, chiū pòng-to̍k Siōng-tè, in-ūi hit ê chai-ē chin tōa.

(BCL) 閣有大雹對天降落佇人，逐粒重幾若十斤。人因為雹的災禍，就謗瀆上帝，因為彼個災禍真大。

Bible Color Mark

• 台語漢字羅馬本
• 巴克禮全羅