啟示錄 第 5 章

1

(THR) Góa khòaⁿ-kìⁿ chē tī chō-ūi ê, chiàⁿ chhiú the̍h chı̍t kńg, lāi-gōa lóng ū bûn-jī, ēng chhit ê ìn hong-ba̍t.

(BCL) 我看見坐佇座位的，正手提一卷，內外攏有文字，用七個印封密。

2

(THR) Koh khòaⁿ-kìⁿ ū kôan-lêng ê thiⁿ-sài, tōa siaⁿ soan-thôan kóng, Chī-chūi ōe kham-tit khui hit kńg, lâi thiah-khui i ê ìn.

(BCL) 閣看見有權能的天使大聲宣傳講：「是誰會堪得開彼卷，來拆開伊的印？」

3

(THR) Tī thiⁿ-nı̍h, kap tōe-nı̍h, kap tōe ê ē-bīn, bô chı̍t-ê ōe khui hit kńg, á-sī khòaⁿ i.

(BCL) 佇天裡，及地裡，及地的下面，無一個會開彼卷、抑是看伊。

4

(THR) Kì-jiân chhē bô chı̍t-ê ōe kham-tit khui hit kńg, á-sī khòaⁿ i ê, góa chiū tōa thî-khàu.

(BCL) 既然尋無一個會堪得開彼卷、抑是看伊的，我就大啼哭。

5

(THR) Hiah ê tiúⁿ-ló ê chı̍t-ê kā góa kóng, Bo̍h-tit thî-khàu; lí khòaⁿ, Iû-tāi chi-phài ê sai, Tāi-pı̍t ê kun-thâu, í-keng tek-sèng, thang lâi khui chit kńg, kap hiah ê chhit ê ìn.

(BCL) 許個長老的一個給我講：「莫得啼哭！你看，猶大支派的獅，大衛的根頭，已經得勝，通來開此卷，及許個七個印。」

6

(THR) Góa chiū khòaⁿ-kìⁿ tī chō-ūi kap sì ūi ê o̍ah mı̍h ê tiong-kan, kap tī hiah ê tiúⁿ-ló ê tiong-kan, ū Iûⁿ-ko khiā-teh, chhin-chhiūⁿ bat siū thâi, ū chhit ki kak, chhit lúi ba̍k-chiu, chiū-sī Siōng-tè ê chhit ê Sîn, hōng-chhe kàu phó͘ thiⁿ-ē ê.

(BCL) 我就看見佇座位及四位的活物的中間，及佇許個長老的中間有羊羔徛，親像曾受，有七支角七蕊目睭，就是上帝的七個神，奉差到普天下的。

7

(THR) I chiū chìn-chêng, tùi hit ê chē tī chō-ūi ê ê chiàⁿ chhiú the̍h hit kńg.

(BCL) 伊就進前，對彼個坐佇座位者的正手提彼卷。

8

(THR) I the̍h hit kńg ê sî, chiū sì ê o̍ah mı̍h kap jī-cha̍p-sì ê tiúⁿ-ló, lóng phak tī Iûⁿ-ko ê bīn-chêng; ta̍k-ê ū khîm kap kim lô͘, tóe hiuⁿ móa-móa, hiuⁿ chiū-sī sèng-tô͘ ê kî-tó.

(BCL) 伊提彼卷的時，就四個活物及二十四個長老攏仆佇羊羔的面前，逐個有琴及金爐貯香滿滿；香就是聖徒的祈禱。

9

(THR) Iā gîm sin ê si kóng, Lí kham-tit the̍h hit kńg, lâi khui i ê ìn; in-ūi lí siū thâi, bat ēng lí ê huih tùi ta̍k cho̍k, ta̍k khiuⁿ-kháu, ta̍k hō peh-sìⁿ, ta̍k kok, bóe lâng lâi kui Siōng-tè;

(BCL) 也吟新的詩，講：你堪得提彼卷，來開伊的印；因為你受，曾用你的血對逐族、逐腔口、逐號百姓、逐國買人，來歸上帝，

10

(THR) hō͘ in chòe kok, chòe chè-si, lâi ho̍k-sāi Siōng-tè; in ia̍h beh chòe ông tī tōe-chiūⁿ.

(BCL) 互做國，做祭司來服事上帝，亦欲做王佇地上。

11

(THR) Góa koh khòaⁿ, chiū thiaⁿ-kìⁿ chō-ūi, kap o̍ah mı̍h, kap tiúⁿ-ló ê chiu-ûi chōe-chōe thiⁿ-sài ê siaⁿ; in ê gia̍h-siàu chheng-chheng bān-bān;

(BCL) 我閣看，就聽見座位及活物及長老的周圍多多天使的聲；的額數千千萬萬，

12

(THR) tōa siaⁿ kóng, Siū thâi ê Iûⁿ-ko, ha̍p-gî tit-tio̍h kôan-lêng, pù-ū, tì-hūi, khùi-la̍t, chun-kùi, êng-kng, o-ló.

(BCL) 大聲講：受的羊羔合宜得著權能、富有、智慧、氣力、尊貴、榮光、謳咾。

13

(THR) Koh thiaⁿ-kìⁿ tī thiⁿ tī tōe, kap tōe ê ē-bīn, kap hái-bīn, it-chhè siū chō ê mı̍h, kap kî-tiong hōan só͘ ū ê, lóng kóng, O-ló, chun-kùi, êng-kng, kôan-sè, lóng kui hō͘ chē tī chō-ūi ê, kap Iûⁿ-ko, kàu tāi-tāi bô chīn.

(BCL) 閣聽見佇天、佇地、及地的下面、及海面，一切受造的物，及其中凡所有的，攏講：謳咾、尊貴、榮光、權勢、攏歸互坐佇座位者及羊羔，到代代無盡！

14

(THR) Sì ê o̍ah mı̍h kóng, À-bēng; hiah ê tiúⁿ-ló chiū phak-teh pài.

(BCL) 四個活物講：「阿們！」許個長老就仆拜。

Bible Color Mark

• 台語漢字羅馬本
• 巴克禮全羅