啟示錄 第 9 章

1

(THR) Tē gō͘ ê thiⁿ-sài pûn, góa chiū khòaⁿ-kìⁿ chı̍t lia̍p chhiⁿ í-keng tùi thiⁿ tūi-lo̍h tōe; ū chiong bô tóe chhim-khiⁿ ê só-sî hō͘ i.

(BCL) 第五個天使歕，我就看見一粒星已經對天墜落地，有將無底深坑的鎖匙互伊。

2

(THR) Kàu i khui bô tóe ê chhim-khiⁿ, chiū ian tùi chhim-khiⁿ chhèng-khí-lâi chhin-chhiūⁿ tōa hé-lô͘ ê ian; jı̍t kap khong-khì lóng in-ūi chhim-khiⁿ ê ian chiū àm.

(BCL) 到伊開無底的深坑，就煙對深坑淐起來，親像大火爐的煙；日及空氣攏因為深坑的煙就暗。

3

(THR) Ū chháu-meh tùi hit ê ian chhut-lâi tī tōe-nı̍h; ū kôan hō͘ in, chhin-chhiūⁿ tōe-nı̍h ê giat-á-thâng ū kôan chı̍t iūⁿ.

(BCL) 有草蜢對彼個煙出來，佇地裡；有權互，親像地裡的蠍仔蟲有權一樣，

4

(THR) Koh ū kā in kóng, m̄ thang siong-hāi tōe ê chháu, kap it-chhè chhiⁿ ê mı̍h, kap ta̍k iūⁿ ê chhiū-ba̍k, to̍k-to̍k siong-hāi hiah ê tī thâu-hia̍h bô ū Siōng-tè ê ìn ê lâng.

(BCL) 閣有給講，呣通傷害地的草及一切青的物，及逐樣的樹木，獨獨傷害許個佇頭額無有上帝的印的人。

5

(THR) Koh bēng-lēng in m̄ thang hāi-sí in, chí ū hō͘ in thàng-thiàⁿ gō͘ ge̍h jı̍t kú; in ê thàng-thiàⁿ chhin-chhiūⁿ giat-á-thâng chhioh lâng ê thàng-thiàⁿ chı̍t iūⁿ.

(BCL) 閣命令呣通害死，只有互痛疼五月日久。的痛疼親像蠍仔蟲螫人的痛疼一樣。

6

(THR) Tī hiah ê jı̍t lâng beh kiû sí, iā bōe tit-tio̍h; ài beh sí, iā sí siám-pī i.

(BCL) 佇許個日，人欲求死，也得著；愛欲死，也死閃避伊。

7

(THR) Chháu-meh ê khóan-sit chhin-chhiūⁿ pī-pān chhut-chiàn ê bé; thâu-khak téng hóng-hut ū bián-liû chhin-chhiūⁿ kim; in ê bīn chhin-chhiūⁿ lâng ê bīn.

(BCL) 草蜢的款式，親像備辦出戰的馬，頭殼頂彷彿有冕旒親像金，的面親像人的面，

8

(THR) Ū thâu-mn̂g chhin-chhiūⁿ hū-jîn-lâng ê thâu-mn̂g; in ê gê chhin-chhiūⁿ sai ê gê.

(BCL) 有頭毛親像婦仁人的頭毛，的牙親像獅的牙。

9

(THR) Koh ū hō͘-sim-kiàⁿ chhin-chhiūⁿ thih ê hō͘-sim-kiàⁿ; in ê sı̍t ê siaⁿ chhin-chhiūⁿ chōe-chōe chhia-bé cháu khì kau-chiàn ê siaⁿ.

(BCL) 閣有護心鏡，親像鐵的護心鏡。的翅的聲，親像多多車馬走去交戰的聲。

10

(THR) In ū bé chhin-chhiūⁿ giat-á-thâng iā ū chhì; in ê kôan ōe siong-hāi lâng gō͘ ge̍h-jı̍t, sī tī in ê bé.

(BCL) 有尾親像蠍仔蟲，亦有茦，的權會傷害人五月日，是佇的尾。

11

(THR) Chòe in ê ông ê chiū-sī chhim-khiⁿ ê chhe-sài; Hi-pek-lâi ê im, miâ kiò A-pa-tùn; Hi-lī-nî ê im, miâ kiò A-pho-lûn.

(BCL) 做的王的就是深坑的差使，希伯來的音，名叫亞巴頓，希利尼的音，名叫亞玻倫。

12

(THR) Thâu chı̍t ê chai-ē í-keng kè-sin; hiah ê tāi-chì í-āu, iáu ū nn̄g hāng chai-ē beh kàu.

(BCL) 頭一個災禍已經過身，許個代誌以後，猶有二項災禍欲到。

13

(THR) Tē la̍k ê thiⁿ-sài pûn, góa chiū thiaⁿ-kìⁿ ū chı̍t ê siaⁿ tùi Siōng-tè bīn-chêng ê kim-tôaⁿ chiah ê kak chhut-lâi,

(BCL) 第六個天使歕，我就聽見有一個聲對上帝面前的金壇諸個角出來，

14

(THR) kā hit ê kia̍h hō-thâu ê tē la̍k ê thiⁿ-sài kóng, Pa̍k tī Pek-lat tōa hô hit sì ê thiⁿ-sài, lí tio̍h tháu-pàng in.

(BCL) 給彼個抬號頭的第六個天使，講：「縛佇伯拉大河彼四個天使，你著解放。」

15

(THR) Hit sì ê thiⁿ-sài siū tháu-pàng, chiū-sī só͘ pī-pān kàu hit ê sî, jı̍t, ge̍h, nî, beh hāi-sí lâng saⁿ hūn ê chı̍t hūn ê.

(BCL) 彼四個天使受解放；就是所備辦到彼的時日月年，欲害死人三份的一份的。

16

(THR) Bé-peng ê siàu-gia̍h ū nn̄g-bān-bān; in ê siàu-gia̍h góa thiaⁿ-kìⁿ lah.

(BCL) 馬兵的數額有二萬萬；的數額我聽見啦。

17

(THR) Góa tī īⁿ-siōng tiong khòaⁿ-kìⁿ bé kap khiâ bé ê chhin-chhiūⁿ án-ni; in ū hō͘-sim-kiàⁿ chhin-chhiūⁿ hé, chhin-chhiūⁿ chí-sek ê ge̍k, chhin-chhiūⁿ jiû-n̂g; bé thâu sī chhin-chhiūⁿ sai ê thâu; tùi in ê chhùi chhut hé kap ian kap jiû-n̂g.

(BCL) 我佇異象中看見馬及騎馬的親像按呢，有護心鏡親像火，親像紫色的玉，親像硫磺。馬頭是親像獅的頭，對的嘴出火及煙及硫磺。

18

(THR) Tùi in ê chhùi só͘ chhut-lâi ê hé kap ian kap jiû-n̂g, chit saⁿ hāng ê chai-ē, lâng saⁿ hūn ê chı̍t hūn tú-tio̍h hāi-sí.

(BCL) 對的嘴所出來的火及煙及硫磺，此三項的災禍人三份的一份抵著害死。

19

(THR) Hiah ê bé ê kôan chāi-tī in ê chhùi, koh chāi-tī in ê bé; in-ūi in ê bé sī chhin-chhiūⁿ chôa, koh ū thâu; ēng hiah-ê siong-hāi lâng.

(BCL) 許個馬的權在佇的嘴閣在佇的尾；因為的尾是親像蛇，閣有頭用許個傷害人。

20

(THR) Kî-û ê lâng, bô tùi chiah ê chai-ē sí ê, iáu-kú bô hóan-hóe, lâi kóe in ê chhiú só͘ chòe, iû-gôan pài chiah ê kúi, kap bōe ōe khòaⁿ, bōe ōe thiaⁿ, bōe ōe kiâⁿ, kim, gûn, tâng, chio̍h, chhâ ê ngó͘-siōng;

(BCL) 其餘的人無對諸個災禍死的，猶久無反悔來改的手所做，猶原拜諸個鬼及會看、會聽、會行，金、銀、銅、石、柴的偶像，

21

(THR) koh bô hóan-hóe lâi kóe in ê thâi-lâng, siâ-su̍t, îm-lōan, thau-the̍h.

(BCL) 閣無反悔來改的人、邪術、淫亂、偷提。

Bible Color Mark

• 台語漢字羅馬本
• 巴克禮全羅