Ko-Lîm-to chiân 第 16 章 - 巴克禮全羅

1

Lūn-kàu tôe gûn pang-chān sèng-tô͘ ê sū, chiàu góa só͘ bat hoan-hù Ka-lia̍p-thài chiah ê kàu-hōe ê, lín iā tio̍h án-ni kiâⁿ.

2

Múi chhit-jı̍t ê thâu chı̍t jı̍t, lín ta̍k lâng chiàu só͘ tek ê lī, ka-kī chek-hē teh, bián-tit góa lâi ê sî chiah koan-tôe.

3

Góa nā kàu, khòaⁿ lín ēng phoe kú-chiàn sím-mı̍h lâng, góa beh chhe in tòa lín só͘ sàng ê gûn kàu Iâ-lō͘-sat-léng.

4

Nā eng-kai tio̍h góa khì, in iā thang kap góa khì.

5

Góa keng-kè Má-kî-tùn liáu-āu, chiū beh kàu lín hia.

6

In-ūi góa tùi Má-kî-tùn keng-kè; kiám-chhái beh kap lín chhiáⁿ tòa. kè tang-thiⁿ iā káⁿ, hō͘ lín sàng góa tī só͘ beh khì ê.

7

Sī góa m̄ ài chit tia̍p tī lō͘-nı̍h kìⁿ-tio̍h lín; in-ūi Chú nā chún, góa ǹg-bāng kap lín tòa-teh khah kú.

8

Chóng-sī góa iáu beh tòa tī Í-hut-só͘, kàu gō͘-sûn-choeh.

9

In-ūi Chú ū kā góa khui chı̍t ê khoah-tōa koh ū kong-hāu ê mn̂g; nā-sī tùi-te̍k iā chōe.

10

Thê-mô͘-thài nā kàu, lín tio̍h liû-sim hō͘ i tī lín tiong-kan bô kiaⁿ-hiâⁿ; in-ūi i tio̍h-bôa tī Chú ê kang, chhin-chhiūⁿ góa chı̍t iūⁿ.

11

Só͘-í m̄ thang ū lâng khòaⁿ-khin i; tio̍h sàng i an-jiân khí-sin chiū-kūn góa, in-ūi góa teh thèng-hāu i kap chiah ê hiaⁿ-tī lâi.

12

Lūn-kàu hiaⁿ-tī A-pho-lô, góa chài-saⁿ khǹg i kap chiah ê hiaⁿ-tī chiū-kūn lín. Chóng-sī i hiān-kim lóng bô ì-sù beh khì; nā ū ki-hōe, i chiū beh khì.

13

Lín tio̍h kéng-séng, khiā-chāi tì sìn, chòe tāi tiōng-hu, chòe ióng-kiāⁿ.

14

Lín hōan sū tio̍h tī jîn-ài lâi kiâⁿ.

15

Hiaⁿ-tī ah, lín chai Sū-thê-hóan-à ê ke, sī A-kai-a thâu-chúi ê ké-chí, in lia̍h ho̍k-sāi sèng-tô͘ chòe ka-kī ê chit-hūn,

16

góa khǹg lín hâng-ho̍k chit-téng-hō ê lâng, í-kı̍p kìⁿ-nā tâng chòe kang lâi tio̍h-bôa ê.

17

Góa hoaⁿ-hí Sū-thê-hóan-à, Hok-tô͘-lah, A-kai-kó͘ lâi, in-ūi in pó͘ lín ê bô kàu.

18

Sī in ū an-ùi góa kap lín ê sim-sîn. Chhin-chhiūⁿ chit hō ê lâng, lín tio̍h chai thang kèng-tiōng i.

19

A-se-a chiah ê kàu-hōe chhéng-an lín. A-ku-lah, Pek-ki-lah kap chū-chı̍p tī in chhù-lāi ê kàu-hōe, tiàm-tī Chú chhiat-chhiat chhéng-an lín.

20

Chèng hiaⁿ-tī chhéng-an lín. Lín tio̍h ēng sèng ê saⁿ-chim lâi saⁿ chhéng-an.

21

Góa Pó-lô chhin-pit chhéng-an lín.

22

Nā ū bô thiàⁿ Chú ê lâng, i tio̍h siū chiù-chó͘. Lán ê Chú lâi ah.

23

Gōan Chú Iâ-so͘ Ki-tok ê un kap lín tī-teh.

24

Góa ê thiàⁿ tī Ki-tok Iâ-so͘ kap lín chèng lâng tī-teh. À-bēng.