Chhòng-sè-kì 第 10 章 - 巴克禮全羅

1

Ná-a ê kiáⁿ Siám, Hâm, Ngá-hut ê sè-hē kì tī ē-tóe. Tōa-chúi í-āu, in ū siⁿ kiáⁿ.

2

Ngá-hut ê kiáⁿ; Khó-bia̍t, Má-kok, Má-tāi, Ngá-ôan, Thó͘-pat, Bí-siat, Thé-la̍h.

3

Khó-bia̍t ê kiáⁿ; A-sı̍t-ki-ná, Lī-hoat, Tô-ka-má.

4

Ngá-ôan ê kiáⁿ; Í-lī-sa, Tāi-sit, Ki-tí lâng, To-tan lâng.

5

Chiah ê lâng ê hō͘-è, chiong ta̍k-kok ê tōe-thó͘, hái-sū, pun-khui khiā-khí, kok chiàu i ê khiuⁿ-kháu, chiàu in ê chong-cho̍k, chiàu in ê pang-kok.

6

Hâm ê kiáⁿ; Kó͘-sı̍t, Be̍k-se-im, Hut, Ka-lâm.

7

Kó͘-sı̍t ê kiáⁿ; Se-pa, Hap-hui-la̍h, Sat-hut-tha, La̍h-má, Sat-hut-thê-ka. La̍h-má ê kiáⁿ; Sī-pa, Tí-tàn.

8

Kó͘-sı̍t ia̍h siⁿ Lêng-lio̍k; i chòe sè-chiūⁿ eng-hiông ê khí-thâu.

9

I tī Iâ-hô-hoa ê bīn-chêng sī chı̍t ê eng-hiông phah-la̍h-ê; só͘-í lâng kóng, Chhin-chhiūⁿ Lêng-lio̍k tī Iâ-hô-hoa ê bīn-chêng, sī chı̍t ê eng-hiông phah-la̍h-ê.

10

I ê kok ê khí-thâu, chiū-sī Pa-pia̍t, Í-le̍k, A-kah, Kah-nî, tī Sī-ná ê tōe.

11

I tùi-hia chhut-lâi, khì A-su̍t, khí-chō Nî-nî-bî, Lí-hô-pek-i-ní, Ka-la̍h,

12

í-kı̍p Nî-nî-bî Ka-la̍h tiong-kan ê Lī-sián; che chiū-sī hit ê tōa-siâⁿ.

13

Be̍k-se lâng siⁿ Lō͘-teng lâng, A-ná-bí lâng, Lī-hap lâng, Ná-hut-thó͘ lâng;

14

Phàⁿ-su-ló͘ lâng, Ka-su-ló͘ lâng, (tùi in chhut Hui-lī-sū lâng), Ka-hui-thok lâng.

15

Ka-lâm siⁿ tōa-kiáⁿ Se-tùn kap Hek;

16

í-kı̍p Iâ-pò͘-su lâng, A-mô͘-lī lâng, Kek-ka-sat lâng;

17

Hi-bí lâng, A-ki lâng, Se-nî lâng;

18

A-óa-tí lâng, Sé-má-lí lâng, Hap-bo̍at lâng; āu-lâi Ka-lâm chiah ê cho̍k hun-sòaⁿ.

19

Ka-lâm ê kéng-kài sī tùi Se-tùn ǹg Ki-la̍h-ní ê lō͘, kàu Ka-sat; koh ǹg Só͘-to-má, Gô-mô͘-la̍h, Ap-má, Sé-phian ê lō͘, kàu La̍h-sa.

20

Che chiū-sī Hâm ê hō͘-è, kok chiàu in ê chong-cho̍k, in ê khiuⁿ-kháu, tī in ê tōe-thó͘, in ê pang-kok.

21

Ngá-hut ê hiaⁿ Siám, chòe Hi-pek chôan-cho̍k ê chó͘, ia̍h siⁿ-kiáⁿ.

22

Siám ê kiáⁿ; Í-lân, A-su̍t, A-hoat-sat, Lō͘-tek, A-lân.

23

A-lân ê kiáⁿ; Ou-su, Hō͘-le̍k, Ki-thiap, Má-si.

24

A-hoat-sat siⁿ Sa-la̍h; Sa-la̍h siⁿ Hi-pek.

25

Hi-pek siⁿ nn̄g ê kiáⁿ; chı̍t-ê miâ-kiò Hoat-le̍k, in-ūi tī i hit-sî tōe chiū hun-kài; Hoat-le̍k ê sió-tī miâ-kiò Iok-tan.

26

Iok-tan siⁿ A-mô͘-tap, Sa-lia̍t, Hap-sat-má-hui, Iâ-la̍h;

27

Hap-to-lân, Ou-sat, Tek-la̍h;

28

Gô-pa-lō͘, A-pí-má-lī, Sī-pa;

29

O-húi, Hap-hui-la̍h, Iok-pa; chiah-ê lóng sī Iok-tan ê kiáⁿ.

30

In só͘ khiā-khí ê tōe-hng sī tùi Bí-sa kàu Se-hoat tang-sì ê soaⁿ.

31

Che chiū-sī Siám ê kiáⁿ-sun, kok chiàu in ê chong-cho̍k, in ê khiuⁿ-kháu, tī in ê thó͘-tōe, chiàu in ê pang-kok.

32

Chiah-ê lóng sī Ná-a ê kiáⁿ ê chong-cho̍k, kok chiàu in ê sè-hē, in ê pang-kok; tōa-chúi í-āu, in tī tōe-chiūⁿ pun-chòe pang-kok.