Chhòng-sè-kì 第 5 章 - 巴克禮全羅

1

A-tong ê sè-hē kì tī ē-tóe. Tng Siōng-tè chhòng-chō lâng ê jı̍t, sī chiàu Siōng-tè ê khóan-sit lâi chō i;

2

chhòng-chō in ta-po͘ kap cha-bó͘; tī in siū chhòng-chō ê jı̍t, sù in hok-khì, chheng in ê miâ kiò Lâng.

3

A-tong chı̍t-pah saⁿ-cha̍p hè siⁿ-kiáⁿ chiàu i ê khóan, chhin-chhiūⁿ i ê siōng, piáu miâ kiò Siat.

4

A-tong siⁿ Siat liáu-āu koh le̍k-kè poeh-pah nî; kî-tiong iáu ū siⁿ kiáⁿ cha-bó͘-kiáⁿ.

5

A-tong kè-kiōng hióng-siū káu-pah saⁿ-cha̍p hè, chiah sí.

6

Siat chı̍t-pah liân gō͘ hè, siⁿ Í-lô-sū.

7

Siat siⁿ Í-lô-sū ê liáu-āu iáu o̍ah poeh-pah liân chhit nî; kî-tiong ū koh siⁿ kiáⁿ cha-bó͘-kiáⁿ.

8

Siat kè-kiōng hióng-siū káu-pah it-cha̍p-jī hè, chiah sí.

9

Í-lô-sū káu-cha̍p hè, siⁿ Kai-lâm.

10

Í-lô-sū siⁿ Kai-lâm ê liáu-āu iáu o̍ah poeh-pah it-cha̍p-gō͘ nî; kî-tiong ū koh siⁿ kiáⁿ cha-bó͘-kiáⁿ.

11

Í-lô-sū kè-kiōng hióng-siū káu-pah liân gō͘ hè, chiah sí.

12

Kai-lâm chhit-cha̍p hè, siⁿ Má-le̍k-lia̍t.

13

Kai-lâm siⁿ Má-le̍k-lia̍t ê liáu-āu iáu o̍ah poeh-pah sì-cha̍p nî; kî-tiong ū koh siⁿ kiáⁿ cha-bó͘-kiáⁿ.

14

Kai-lâm kè-kiōng hióng-siū káu-pah it-cha̍p hè, chiah sí.

15

Má-le̍k-lia̍t la̍k-cha̍p gō͘ hè, siⁿ Ngá-lia̍t.

16

Má-le̍k-lia̍t siⁿ Ngá-lia̍t ê liáu-āu iáu o̍ah poeh-pah saⁿ-cha̍p nî; kî-tiong ū koh siⁿ kiáⁿ cha-bó͘-kiáⁿ.

17

Má-le̍k-lia̍t kè-kiōng hióng-siū poeh-pah káu-cha̍p gō͘ hè, chiah sí.

18

Ngá-lia̍t chı̍t-pah la̍k-cha̍p jī hè, siⁿ Í-lo̍k.

19

Ngá-lia̍t siⁿ Í-lo̍k ê liáu-āu iáu o̍ah poeh-pah nî; kî-tiong ū koh siⁿ kiáⁿ cha-bó͘-kiáⁿ.

20

Ngá-lia̍t kè-kiōng hióng-siū káu-pah la̍k-cha̍p jī hè, chiah sí.

21

Í-lo̍k la̍k-cha̍p gō͘ hè, siⁿ Má-thó͘-sat-la̍h.

22

Í-lo̍k siⁿ Má-thó͘-sat-la̍h ê liáu-āu kap Siōng-tè saⁿ-kap kiâⁿ saⁿ-pah nî; kî-tiong ū koh siⁿ kiáⁿ cha-bó͘-kiáⁿ.

23

Í-lo̍k kè-kiōng hióng-siū saⁿ-pah la̍k-cha̍p gō͘ hè.

24

Í-lo̍k kap Siōng-tè saⁿ-kap kiâⁿ, Siōng-tè chiap i khì; i chiū bô tī-teh.

25

Má-thó͘-sat-la̍h chı̍t-pah poeh-cha̍p chhit hè, siⁿ La̍h-be̍k.

26

Má-thó͘-sat-la̍h siⁿ La̍h-be̍k ê liáu-āu iáu o̍ah chhit-pah poeh-cha̍p jī nî; kî-tiong ū koh siⁿ kiáⁿ cha-bó͘-kiáⁿ.

27

Má-thó͘-sat-la̍h kè-kiōng hióng-siū káu-pah la̍k-cha̍p káu hè, chiah sí.

28

La̍h-be̍k chı̍t-pah poeh-cha̍p jī hè, siⁿ chı̍t ê kiáⁿ,

29

piáu-miâ kiò Ná-a, kóng, Iâ-hô-hoa bat chiù-chó͘ tōe, hō͘ lán chòe kang lô-khó͘; taⁿ chit ê kiáⁿ beh an-ùi lán.

30

La̍h-be̍k siⁿ Ná-a ê liáu-āu iáu o̍ah gō͘-pah káu-cha̍p gō͘ nî; kî-tiong ū koh siⁿ kiáⁿ cha-bó͘-kiáⁿ.

31

La̍h-be̍k kè-kiōng hióng-siū chhit-pah chhit-cha̍p-chhit hè, chiah-sí.

32

Ná-a gō͘-pah hè; siⁿ Siám, Hâm, Ngá-hut.