Si-phian 第 11 章 - 巴克禮全羅

1

Tāi-pı̍t ê si, kau hō͘ Ga̍k-koaⁿ.1) Góa sī óa-khò Iâ-hô-hoa; Lín siáⁿ-sū tùi góa ê sîn-hûn kóng, Lí tio̍h chhin-chhiūⁿ chiáu, pe--khì lín ê soaⁿ.

2

Khòaⁿ ah, pháiⁿ-lâng tiuⁿ keng, An in ê chìⁿ tī keng-hiân, Beh àm-chīⁿ siā sim-lāi chèng-tı̍t ê lâng.

3

Tōe-ki nā tó-hōai, Gī-lâng iáu ōe chòe sím-mı̍h?

4

Iâ-hô-hoa tī I ê sèng-tiān, Iâ-hô-hoa ê pó-chō tī thiⁿ--nih; I ê ba̍k-chiu teh khòaⁿ, I ê ba̍k-chiu kàm-chhat sè-kan-lâng.

5

Iâ-hô-hoa chhì-giām gī-lâng, to̍k-to̍k pháiⁿ-lâng kap ài kiông-pō--ê, I ê sim òan-hūn i.

6

I beh chiong lô-bāng pha tī pháiⁿ-lâng ê sin-chiūⁿ; Ū hé-iām, jiû-n̂g, kap jia̍t-jia̍t ê hong, chòe in poe-tiong ê hūn-gia̍h.

7

In-ūi Iâ-hô-hoa sī kong-gī; I hoaⁿ-hí kong-gī, Chèng-tı̍t ê lâng beh kìⁿ-tio̍h I ê bīn.