Si-phian 第 120 章 - 巴克禮全羅

1

Chiūⁿ kiā-á ê si.1) Góa tī gûi-kip-tiong kiû-kiò Iâ-hô-hoa, I chiū ìn góa.

2

Iâ-hô-hoa ah, kiû Lí kiù góa thoat-lī pe̍h-chha̍t ê chhùi-tûn, Kap khúi-chà ê chı̍h.

3

Khúi-chà ê chı̍h ah, Chú beh hō͘ lí sím-mı̍h ah? Beh ēng sím-mı̍h ke-thiⁿ hō͘ lí ah?

4

Chiū-sī ióng-béng ê lâng ê lāi-chìⁿ, Kap lô-thêng-chhâ ê jia̍t-thòaⁿ.

5

Góa chin chhám ah, kià-kha tī Bí-siat, Khiā-khí tī Ki-ta̍t hiah ê pò͘-pîⁿ ê tiong-kan.

6

Góa kap hiah ê òan-hūn hô-pêng ê lâng, Kú-kú saⁿ-kap khiā-khí.

7

Góa ài hô-pêng; Chóng-sī góa khui-chhùi, in chiū beh cheng-chiàn.