Si-phian 第 121 章 - 巴克禮全羅

1

Chiūⁿ kiā-á ê si.1) Góa beh kia̍h-ba̍k ǹg soaⁿ; Góa ê pang-chān tùi toh-lo̍h lâi?

2

Góa ê pang-chān tùi Iâ-hô-hoa lâi; I sī chhòng-chō thiⁿ tōe ê.

3

I bô beh hō͘ lí ê kha iô-choah; Pó-siú Lí-ê tek-khak bô tuh-bîn.

4

Khòaⁿ ah, pó-siú Í-sek-lia̍t ê, Iā bô tuh-bîn, iā bô khùn--khì.

5

Pó-siú lí--ê sī Iâ-hô-hoa; Iâ-hô-hoa tī lí ê chiàⁿ-pêng chòe lí ê ìm-ńg.

6

Jı̍t--sî thài-iông bô siong lí, Mî--sî ge̍h ia̍h bōe hāi lí.

7

Iâ-hô-hoa beh pó-siú lí, bián siū it-chhè ê chai-hāi; I beh pó-siú lí ê sìⁿ-miā.

8

Lí chhut, lí jı̍p, Iâ-hô-hoa beh pó-siú lí, Tùi chit-sî tı̍t-kàu éng-óan.