Si-phian 第 13 章 - 巴克禮全羅

1

Tāi-pı̍t ê si, kau hō͘ Ga̍k-koaⁿ.1) Iâ-hô-hoa ah, Lí bōe-kì-tit góa, beh jōa-kú ah? kàu éng-óan mah? Lí ng bīn m̄ khòaⁿ góa, beh jōa-kú ah?

2

Góa ê sim-sîn siūⁿ-lâi siūⁿ-khì, góa ê sim thong-jı̍t iu-khó͘, beh kàu jōa-kú ah? Góa ê tùi-te̍k ko-seng iâⁿ-kè góa beh kàu jōa-kú ah?

3

Iâ-hô-hoa góa ê Siōng-tè ah, kiû Lí khòaⁿ-kò͘ góa, thiaⁿ góa; Hō͘ góa ê ba̍k-chiu kng-bêng; kiaⁿ-liáu góa khùn kàu sí;

4

Kiaⁿ-liáu góa ê tùi-te̍k kóng, Góa khah-iâⁿ i; Kiaⁿ-liáu góa ê kiû-siû tī góa iô-choah ê sî lâi hoaⁿ-hí.

5

Chóng-sī góa óa-khò Lí ê chû-ài; Góa ê sim in-ūi Lí ê chín-kiù lâi khòai-lo̍k.

6

Góa beh chhiùⁿ-koa o-ló Iâ-hô-hoa; In-ūi I ēng tōa-un khóan-thāi góa.