Si-phian 第 150 章 - 巴克禮全羅

1

Lín tio̍h o-ló Iâ-hô-hoa. tio̍h tī Siōng-tè ê sèng-só͘ o-ló I; Tio̍h tī I kôan-lêng ê kiong-chhong o-ló I.

2

Tio̍h in-ūi I tōa kôan-lêng ê kiâⁿ-chòe, o-ló I; Chiàu I bí-biāu ê kôaiⁿ-tōa, o-ló I.

3

Tio̍h pûn sàu-kak o-ló I; Tôaⁿ-sek tôaⁿ-khîm o-ló I.

4

Phah-kó͘ thiàu-bú o-ló I; Ēng si-hiân ê ga̍k-khì kap pûn-siau o-ló I.

5

Ēng siaⁿ-tōa ê lâ-po̍ah o-ló I; Ēng im-kôaiⁿ ê lâ-po̍ah o-ló I.

6

Hōan-nā ū chhóan-khùi--ê, lóng tio̍h o-ló Iâ-hô-hoa. Lín tio̍h o-ló Iâ-hô-hoa.