Si-phian 第 67 章 - 巴克禮全羅

1

Chit phiⁿ si-koa, kau hō͘ Ga̍k-koaⁿ; ēng si-hiân ê ga̍k-khì.1) Gōan Siōng-tè lîn-bín góan, sù-hok góan; Hō͘ I ê bīn chiò-kng góan; [Sè-la̍h

2

Thang hō͘ sè-kài chai Lí ê tō-lō͘, Bān-kok-tiong chai Lí ê kiù-un.

3

Siōng-tè ah, gōan lia̍t-pang o-ló Lí; Gōan lia̍t-pang lóng o-ló Lí.

4

Gōan bān-kok khòai-lo̍k, chhut hoaⁿ-hí ê siaⁿ; In-ūi Lí beh chiàu kong-tō sím-phòaⁿ lia̍t-pang; Tī-lí tōe-chiūⁿ ê bān-kok. [Sè-la̍h

5

Siōng-tè ah, gōan lia̍t-pang o-ló Lí; Gōan lia̍t-pang lóng o-ló Lí.

6

Tōe í-keng chhut thó͘-sán, Siōng-tè, chiū-sī góan ê Siōng-tè, beh sù-hok góan.

7

Siōng-tè beh sù-hok góan; Tōe ê sì-ke̍k lóng beh kèng-ùi I.