Si-phian 第 70 章 - 巴克禮全羅

1

Tāi-pı̍t ê kì-liām si; kau hō͘ Ga̍k-koaⁿ.1) Siōng-tè ah, kiû Lí kín-kín chín-kiù góa; Iâ-hô-hoa ah, kiû Lí kín-kín pang-chān góa.

2

Gōan hiah ê siàu-siūⁿ góa ê sìⁿ-miā ê lâng, kiàn-siàu làu-khùi; Gōan hiah ê hoaⁿ-hí góa siū hām-hāi--ê, o̍at-tò-tńg siū lêng-jio̍k.

3

Gōan hiah-ê kóng, Ho͘h-chāi, Ho͘h--chāi ê, In-ūi kiàn-siàu lâi o̍at-tò-tńg.

4

Gōan it-chhè chhē Lí ê in-ūi Lí hoaⁿ-hí khòai-lo̍k; Gōan hiah ê him-bō͘ Lí kiù-un-ê siông-siông kóng, Tio̍h chun Siōng-tè chòe tōa.

5

Chóng-sī góa sī khùn-khó͘ sòng-hiong-ê, Siōng-tè ah, kiû Lí kín-kín kàu góa chia; Lí sī pang-chān góa ê, chín-kiù góa ê, Iâ-hô-hoa ah, kiû Lí m̄-thang iân-chhiân.