Si-phian 第 82 章 - 巴克禮全羅

1

A-sat ê si.1) Siōng-tè khiā tī Siōng-tè ê hōe-tiong, Tī chiah ê siōng-tè ê tiong-kan teh sím-phòaⁿ.

2

Lín sím-phòaⁿ bô chiàu kong-gī, Sûn pháiⁿ-lâng ê chêng-biān, beh kàu tī-sî ah? [Sè-la̍h

3

Lín tio̍h kā sòng-hiong-lâng kap bô-pē ê kiáⁿ sin-oan; Tio̍h kā khùn-khó͘ kap khiàm-kheh ê lâng kiâⁿ kong-gī.

4

Tio̍h chín-kiù sòng-hiong kap khiàm-kheh ê lâng, Hō͘ in thoat-lī pháiⁿ-lâng ê chhiú.

5

In m̄-chai, ia̍h bô bêng-lí; In tī o͘-àm-tiong kiâⁿ-lâi kiâⁿ-khì; Tōe ê kun-ki lóng iô-tāng.

6

Góa bat kóng, Lín sī siōng-tè. Lín lóng sī Chì-kôaiⁿ--ê ê kiáⁿ;

7

Chóng-sī lín ōe sí, kap sè-kan lâng chı̍t-iūⁿ; Beh tó--lo̍h-khì, chhin-chhiūⁿ kùi-cho̍k ê chı̍t-ê.

8

Siōng-tè ah, kiû Lí khí--lâi, sím-phòaⁿ sè-kài; In-ūi Lí beh tit-tio̍h bān-kok chòe ki-gia̍p.