Si-phian 第 87 章 - 巴克禮全羅

1

Khó-la̍h ê hō͘-è ê si-koa.1) I ê tōe-ki chāi-tī sèng-soaⁿ.

2

Iâ-hô-hoa thiàⁿ Sek-an ê mn̂g, Iâⁿ-kè Ngá-kok lóng-chóng khiā-khí ê só͘-chāi.

3

Siōng-tè ê siâⁿ ah, Ū êng-kng ê sū, sī chí lí lâi kóng--ê. [Sè-la̍h

4

Góa beh sǹg La̍h-hap-pek kap Pa-pí-lûn tī bat Góa--ê ê lāi-bīn; Khòaⁿ ah, Hui-lī-sū, Chhui-lô, Kó͘-sı̍t, Chit-ê chhut-sì tī-hia.

5

Lūn-kàu Sek-an beh kóng, Chit-ê, hit-ê, chhut-sì tī hit tiong-kan; Koh Chì-kôaiⁿ-ê beh chhin-sin kian-kò͘--i.

6

Tng Iâ-hô-hoa kì bān peh-sìⁿ siàu-gia̍h ê sî, I beh sǹg chit-ê chhut-sì tī-hia. [Sè-la̍h

7

Chhiùⁿ-koa-ê, thiàu-bú-ê, lóng beh kóng, Góa ê chúi-gôan lóng chāi-tī Lí.