利未記 第 10 章 - 台語漢字羅馬本

1
亞倫的子拿答、亞比戶逐個提家己的香爐,貯火,及香,佇耶和華的面前獻別號的火,是伊所無命令的,
2
就有火對耶和華的面前發出,來燒,就死佇耶和華的面前。
3
摩西對亞倫講:「這是耶和華所講的,伊講:『我欲佇親近我的人顯明做聖;佇眾百姓的面前,我欲得著榮光。』」亞倫也靜靜。
4
摩西叫亞倫的叔烏設的子米沙利、以利撒反來,給講:「進前來,將恁的親人對聖所的面前扛到營外。」
5
二人進前來,就所穿的衫扛出營外,是照摩西所命令的。
6
摩西對亞倫及伊的子以利亞撒、以他瑪講:「呣通拍散頭毛,也呣通拆裂衫,免得恁死,閣免得耶和華受氣會眾;獨獨恁的兄弟以色列全家為著耶和華所發出的火來哀哭。
7
恁也呣通出會幕門,驚了恁會死,因為耶和華的油抹佇恁的身軀。」就照摩西的話來行。
8
耶和華吩咐亞倫講:
9
「你及你的子入會幕的時,薄酒、厚酒攏呣通飲,免得恁死;這欲做恁逐世代永遠的例。
10
互恁通分別聖及無聖者,無清氣及清氣者。
11
閣互恁通將耶和華託仗摩西吩咐以色列人一切的律例教示。」
12
摩西對亞倫及伊所剩的子以利亞撒、以他瑪講:「恁提耶和華火祭所剩的素祭,著佇壇邊食伊呣通參酵,因為是至聖者。
13
恁著食伊佇聖的所在;因為佇獻互耶和華的火祭中,這是你的份額及你的子的份額;所命令我的就是按呢。
14
所搖的胸,所舉起的腿,恁著佇清氣的所在食伊。你及你的子你的查某子攏著相及食;因為諸個是對以色列人謝恩祭中互你,做你的份額及你的子的份額。
15
所舉起的腿,所搖的胸,著及火祭的油相及帶來,做搖祭佇耶和華的面前搖伊;這著歸你及你的子,做永遠得著的份額,攏是照耶和華所命令的。」
16
彼時摩西致意尋做贖罪祭的山羊,看啊,已經燒去,就受氣亞倫所剩的子以利亞撒、以他瑪講:
17
「此個贖罪祭已經是至聖者,伊閣用彼個歸互恁,來擔當會眾的罪過,佇耶和華的面前給贖,恁啥事無食伊佇聖的所在啊?
18
看啊,彼個血無帶入聖所內,恁本著食伊佇聖所,照我所命令的。」
19
亞倫對摩西講:「看啊,今仔日佇耶和華的面前獻的贖罪祭及的燒祭,我閣抵著親像按呢,我若今仔日食贖罪祭,耶和華豈會看做好嗎?」
20
摩西聽見,就掠此個話做好。

如需更多版本聖經,請到台灣聖經公會聖經網站瀏覽與查詢
台語漢字羅馬本聖經,部份字因為電腦編碼關係,需造字,無法正常顯示,您可使用「並排閱讀」功能,可同時顯示台語漢字羅馬本與巴克禮全羅,或點選連結:http://www.sl-pc.org.tw/bible/4_3,不便之處請包涵,上帝祝福您!