歷代志上 第 18 章

1

(THR) Chit-tia̍p liáu-āu Tāi-pı̍t phah Hui-lī-sū lâng, hō͘ in hâng-ho̍k; koh tùi Hui-lī-sū lâng ê chhiú chhú Ka-te̍k kap i ê hiuⁿ-lí.

(BCL) 此霎了後，大衛拍非利士人，互降服，閣對非利士人的手取迦特及伊的鄉里；

2

(THR) Koh phah Mô͘-ap, Mô͘-ap lâng chiū ho̍k-sāi Tāi-pı̍t, lâi chìn-kòng i.

(BCL) 閣拍摩押，摩押人就服事大衛，來進貢伊。

3

(THR) Só-pa ông Hap-tāi-lī-siā khì Pek-la̍h hô, beh kian-kò͘ i ê kok-kôan, Tāi-pı̍t chiū phah i, tı̍t-kàu Hap-má.

(BCL) 瑣巴王哈大利謝去伯拉河，欲堅固伊的國權，大衛就拍伊，直到哈馬，

4

(THR) Tāi-pı̍t chhiúⁿ i ê chiàn-chhia chı̍t-chheng tiuⁿ, bé-peng chhit-chheng, pō͘-peng nn̄g-bān; thoa-chhia ê bé, Tāi-pı̍t chiū koah i tōa-thúi ê kun; kî-tiong chí-ū lâu chı̍t-pah tiuⁿ chhia ê bé.

(BCL) 大衛搶伊的戰車一千張，馬兵七千，步兵二萬，拖車的馬大衛就割伊大腿的筋，其中只有留一百張車的馬。

5

(THR) Tāi-má-sek ê A-lân lâng lâi pang-chān Só-pa ông Hap-tāi-lī-siā, Tāi-pı̍t chiū thâi A-lân lâng, nn̄g-bān nn̄g-chheng lâng.

(BCL) 大馬色的亞蘭人來幫助瑣巴王哈大利謝，大衛就亞蘭人二萬二千人。

6

(THR) Tùi án-ni Tāi-pı̍t tī Tāi-má-sek ê A-lân tōe siat-lı̍p hông-siú ê peng-iâⁿ; A-lân lâng chiū hâng-ho̍k Tāi-pı̍t lâi chìn-kòng i. Tāi-pı̍t bô-lūn toh-lo̍h khì, Iâ-hô-hoa lóng hō͘ i tek-sèng.

(BCL) 對按呢大衛佇大馬色的亞蘭地設立防守的兵營，亞蘭人就降服大衛，來進貢伊。大衛無論叨落去，耶和華攏互伊得勝。

7

(THR) Tāi-pı̍t chhiúⁿ Hap-tāi-lī-siā chiah ê lô͘-po̍k kim ê pîn-pâi, tòa-kàu Iâ-lō͘-sat-léng.

(BCL) 大衛搶哈大利謝諸個奴僕金的屏牌帶到耶路撒冷。

8

(THR) Tāi-pı̍t koh tùi Hap-tāi-lī-siā só͘ kóan ê Thê-pa kap Kun nn̄g ê siâⁿ, chhiúⁿ chōe-chōe tâng, chiū-sī Só͘-lô-bûn só͘ ēng lâi chō tâng-hái kap thiāu, í-kı̍p chiah ê tâng-khì--ê.

(BCL) 大衛閣對哈大利謝所管的提巴及均二個城搶多多銅。就是所羅門所用來造銅海及柱，以及諸個銅器的。

9

(THR) Hap-má ông To-o͘ thiaⁿ-kìⁿ Tāi-pı̍t phah-iâⁿ Hap-tāi-lī-siā ê chôan-kun,

(BCL) 哈馬王陀烏聽見大衛拍贏哈大利謝的全軍，

10

(THR) chiū chhe i ê kiáⁿ Hap-to-lân khì kìⁿ Tāi-pı̍t ông, kā i chhéng-an, iā kā i chiok-hok, in-ūi i ū kap Hap-tāi-lī-siā kau-chiàn lâi khah-iâⁿ i; pún-jiân Hap-tāi-lī-siā kap To-o͘ siông-siông ū kau-chiàn ê iân-kò͘. Hap-to-lân sòa tòa kim, gûn, tâng, chiah ê khì-kū.

(BCL) 就差伊的子哈多蘭去見大衛王，給伊請安，也給伊祝福，因為伊有及哈大利謝交戰來卡贏伊（本然哈大利謝及陀烏常常有交戰的緣故）。哈多蘭續帶金銀銅諸個器具。

11

(THR) Tāi-pı̍t ông chiong chiah ê khì-kū, kap tùi ta̍k-kok tòa-lâi ê kim gûn, lóng hun-piat chòe-sèng hiàn-hō͘ Iâ-hô-hoa, chiū-sī i tùi Í-tong, Mô͘-ap, A-bûn cho̍k, Hui-lī-sū lâng, A-má-le̍k só͘ chhiúⁿ-lâi--ê.

(BCL) 大衛王將諸個器具，及對逐國帶來的金銀，攏分別做聖獻互耶和華，就是伊對以東、摩押、亞捫族、非利士人、亞瑪力所搶來的。

12

(THR) Sé-ló͘-ngá ê kiáⁿ A-pí-su tī Iâm ê soaⁿ-kok thâi Í-tong lâng chı̍t-bān poeh-chheng.

(BCL) 洗魯雅的子亞比篩佇鹽的山谷以東人一萬八千。

13

(THR) I tī Í-tong tōe siat-lı̍p hông-siú ê peng-iâⁿ; Í-tong lâng chiū lóng hâng-ho̍k Tāi-pı̍t. Tāi-pı̍t bô-lūn toh-lo̍h khì, Iâ-hô-hoa lóng hō͘ i tek-sèng.

(BCL) 伊佇以東地設立防守的兵營，以東人就攏降服大衛。大衛無論叨落去，耶和華攏互伊得勝。

14

(THR) Tāi-pı̍t chòe Í-sek-lia̍t chôan-kok ê ông, koh tī chèng peh-sìⁿ ê tiong-kan péng-kong kiâⁿ-gī.

(BCL) 大衛做以色列全國的王，閣佇眾百姓的中間秉公行義。

15

(THR) Sé-ló͘-ngá ê kiáⁿ Iok-ap chòe gôan-sòe, A-hi-lu̍t ê kiáⁿ Iok-sa-hoat chòe sú-koaⁿ.

(BCL) 洗魯雅的子約押做元帥；亞希律的子約沙法做史官；

16

(THR) A-hi-tu̍t ê kiáⁿ Sat-tok, kap A-pí-a-tha ê kiáⁿ A-hi-bí-le̍k chòe chè-si; Sa-ui-sa chòe su-kì-koaⁿ.

(BCL) 亞希突的子撒督及亞比亞他的子亞希米勒做祭司；沙威沙做書記官；

17

(THR) Iâ-hô-iâ-tāi ê kiáⁿ Pí-ná-ngá kóan-hat Ki-lī-thê lâng kap Pí-lī-thê lâng. Tāi-pı̍t ê chèng-kiáⁿ lóng tī ông ê sin-piⁿ chòe thâu-lâng.

(BCL) 耶何耶大的子比拿雅管轄基利提人及比利提人。大衛的眾子攏佇王的身邊做頭人。

Bible Color Mark

• 台語漢字羅馬本
• 巴克禮全羅