歷代志上 第 2 章

1

(THR) Í-sek-lia̍t ê kiáⁿ; Liû-piān, Se-biān, Lī-bī, Iû-tāi, Í-sat-ka, Se-pò͘-lûn;

(BCL) 以色列的子流便、西緬、利未、猶大、以薩迦、西布倫、

2

(THR) Tàn, Iok-sek, Piān-ngá-bín, Ná-hut-tha-lī, Ka-tek, A-siat.

(BCL) 但、約瑟、便雅憫、拿弗他利、迦得、亞設。

3

(THR) Iû-tāi ê kiáⁿ; Jíⁿ, Gô-lâm, Sī-la̍h; chit saⁿ-ê sī Ka-lâm lâng Su-a ê cha-bó͘-kiáⁿ só͘ siⁿ--ê. Iû-tāi ê tōa-kiáⁿ Jíⁿ chòe-pháiⁿ tī Iâ-hô-hoa ê bīn-chêng, I chiū hō͘ i sí.

(BCL) 猶大的子珥、俄南、示拉，此三個是迦南人書亞的查某子所生的。猶大的大子珥做歹佇耶和華的面前，伊就互伊死。

4

(THR) Iû-tāi ê sim-pū Tha-má kā i siⁿ Hoat-le̍k-su kap Siā-la̍h. Iû-tāi kiōng gō͘ ê kiáⁿ.

(BCL) 猶大的媳婦他瑪給伊生法勒斯及謝拉。猶大共五個子。

5

(THR) Hoat-le̍k-su ê kiáⁿ; Hi-su-lûn, Hap-bó͘-le̍k.

(BCL) 法勒斯的子希斯崙、哈某勒。

6

(THR) Siā-la̍h ê kiáⁿ; Sim-lī, Í-thàm, Hi-bān, Kah-kok, Tāi-la̍h; kiōng gō͘-lâng.

(BCL) 謝拉的子心利、以探、希幔、甲各、大拉，共五人。

7

(THR) Ka-bí ê kiáⁿ; A-kan, chit ê A-kan tī eng-kai bia̍t ê mı̍h hōan-chōe, liân-lūi Í-sek-lia̍t lâng.

(BCL) 迦米的子亞干，此個亞干佇應該滅的物犯罪，連累以色列人。

8

(THR) Í-thàm ê kiáⁿ; A-sat-lī-ngá.

(BCL) 以探的子亞撒利雅。

9

(THR) Hi-su-lûn só͘ siⁿ ê kiáⁿ; Iâ-la̍h-bia̍t, Lân, Ki-lō͘-pài.

(BCL) 希斯崙所生的子耶拉蔑、蘭、基路拜。

10

(THR) Lân siⁿ A-bí-ngá-ta̍t; A-bí-ngá-ta̍t siⁿ Ná-sūn, chòe Iû-tāi lâng ê siú-léng;

(BCL) 蘭生亞米拿達；亞米拿達生拿順。做猶大人的首領。

11

(THR) Ná-sūn siⁿ Sat-bûn, Sat-bûn siⁿ Pho-a-su;

(BCL) 拿順生撒門；撒門生波阿斯；

12

(THR) Pho-a-su siⁿ Gô-pī-tek; Gô-pī-tek siⁿ Iâ-se;

(BCL) 波阿斯生俄備得；

13

(THR) Iâ-se siⁿ tōa-kiáⁿ Í-lī-ap, tē-jī kiáⁿ A-pí-ná-ta̍t, tē-saⁿ kiáⁿ Sī-bí-a;

(BCL) 俄備得生耶西；耶西生大子以利押，第二子亞比拿達，第三子示米亞，

14

(THR) tē-sì kiáⁿ Ná-thán-gia̍p, tē-gō͘ kiáⁿ La̍h-tāi;

(BCL) 第四子拿坦業，第五子拉代，

15

(THR) tē-la̍k kiáⁿ O-sián, tē-chhit kiáⁿ Tāi-pı̍t.

(BCL) 第六子阿鮮，第七子大衛。

16

(THR) In ê chí-bē sī Sé-ló͘-ngá kap A-pí-kai. Sé-ló͘-ngá ê kiáⁿ sī A-pí-su, Iok-ap, A-sat-hek, kiōng saⁿ-ê.

(BCL) 的姊妹是洗魯雅及亞比該。洗魯雅的子是亞比篩、約押、亞撒黑，共三個。

17

(THR) A-pí-kai siⁿ A-má-sat; A-má-sat ê lāu-pē sī Í-sı̍t-má-lī lâng Ek-thiap.

(BCL) 亞比該生亞瑪撒；亞瑪撒的老父是以實瑪利人益帖。

18

(THR) Hi-su-lûn ê kiáⁿ Ka-le̍k tùi i ê bó͘ A-so͘-pa, iā tùi Iâ-lio̍k, lâi siⁿ-kiáⁿ; i ê kiáⁿ chiū-sī Iâ-siat, Sok-pa, Ap-tun,

(BCL) 希斯崙的子迦勒對伊的某阿蘇巴，也對耶略來生子，伊的子就是耶設、朔罷、押墩。

19

(THR) A-so͘-pa sí-liáu, Ka-le̍k koh chhōa Í-hoat-tha, i kā i siⁿ Hō͘-jíⁿ.

(BCL) 阿蘇巴死了，迦勒閣娶以法他，伊給伊生戶珥。

20

(THR) Hō͘-jíⁿ siⁿ Ou-lī, Ou-lī siⁿ Pí-sat-lia̍t.

(BCL) 戶珥生烏利；烏利生比撒列。

21

(THR) Liáu-āu Hi-su-lûn kap Ki-lia̍t ê lāu-pē Má-kiat ê cha-bó͘-kiáⁿ tâng-pâng; Hi-su-lûn la̍k-cha̍p hè chhōa i chòe-bó͘;

(BCL) 了後希斯崙及基列的老父瑪吉的查某子同房，希斯崙六十歲娶伊做某；伊給伊生西割；

22

(THR) i kā i siⁿ Se-kat, Se-kat siⁿ Gâi-jíⁿ, i tī Ki-lia̍t tōe ū jī-cha̍p-saⁿ ê siâⁿ.

(BCL) 西割生睚珥。伊佇基列地有二十三個城。

23

(THR) Āu-lâi Ki-su̍t lâng kap A-lân lâng tùi in chhiúⁿ Gâi-jíⁿ chiah ê siâⁿ, kap Ki-la̍p kap i ê hiuⁿ-chhng, kiōng la̍k-cha̍p ê siâⁿ. Chiah-ê lóng sī Ki-lia̍t ê lāu-pē Má-kiat ê kiáⁿ.

(BCL) 後來基述人及亞蘭人對搶睚珥諸個城，及基納及伊的鄉村，共六十個城。諸個攏是基列的老父瑪吉的子。

24

(THR) Hi-su-lûn tī Ka-le̍k-í-hoat-tha sí-āu, i ê bó͘ A-pí-ngá kā i siⁿ A-si-hō͘, Thê-ko-a ê lāu-pē.

(BCL) 希斯崙佇迦勒以法他死後，伊的某亞比雅給伊生亞施戶；提哥亞的老父。

25

(THR) Hi-su-lûn ê tōa-kiáⁿ Iâ-la̍h-bia̍t siⁿ tōa-kiáⁿ Lân, koh siⁿ Pò͘-ná, O-liân, O-sián, A-hi-ngá.

(BCL) 希斯崙的大子耶拉篾生大子蘭，閣生布拿、阿連、阿鮮、亞希雅。

26

(THR) Iâ-la̍h-bia̍t koh chhōa chı̍t ê bó͘, miâ A-tha-la̍h; i sī O-lâm ê lāu-bú.

(BCL) 耶拉篾閣娶一個某名亞他拉，伊是阿南的老母。

27

(THR) Iâ-la̍h-bia̍t ê tōa-kiáⁿ Lân ê kiáⁿ; Má-su, Ngá-bín, Í-kiat.

(BCL) 耶拉篾的大子蘭的子瑪斯、雅憫、以結。

28

(THR) O-lâm ê kiáⁿ, Sa-mái, Ngá-tāi; Sa-mái ê kiáⁿ, Ná-tap, A-pí-su̍t.

(BCL) 阿南的子沙買、雅大。沙買的子拿答、亞比述。

29

(THR) A-pí-su̍t ê bó͘ miâ A-pí-hâi; i kā i siⁿ A-piān, kap Mô͘-lī.

(BCL) 亞比述的某名亞比孩，伊給伊生亞辯，及摩利。

30

(THR) Ná-tap ê kiáⁿ; Se-lia̍t, A-piàn; Se-lia̍t bô kiáⁿ chiū sí.

(BCL) 拿答的子西列、亞遍；西列無子就死。

31

(THR) A-piàn ê kiáⁿ; Í-sī; Í-sī ê kiáⁿ; Sī-san. Sī-san ê kiáⁿ; A-lâi.

(BCL) 亞遍的子以示；以示的子示珊；示珊的子亞來。

32

(THR) Sa-mái ê sió-tī Ngá-tāi ê kiáⁿ; Ek-thiap, Iok-ná-tan; Ek-thiap bô kiáⁿ, chiū sí.

(BCL) 沙買的小弟雅大的子益帖、約拿單；益帖無子就死。

33

(THR) Iok-ná-tan ê kiáⁿ; Pí-le̍k, Sat-sat. Chiah-ê lóng sī Iâ-la̍h-bia̍t ê kiáⁿ-sun.

(BCL) 約拿單的子比勒、撒薩。諸個攏是耶拉篾的子孫。

34

(THR) Sī-san bô kiáⁿ, chí ū cha-bó͘-kiáⁿ. Sī-san ū chı̍t ê lô͘-po̍k, miâ Iâ-hap, sī Ai-kı̍p lâng.

(BCL) 示珊無子，只有查某子。示珊有一個奴僕名耶哈，是埃及人。

35

(THR) Sī-san chiong i ê cha-bó͘-kiáⁿ hō͘ lô͘-po̍k Iâ-hap chòe bó͘; i kā i siⁿ-kiáⁿ A-thài.

(BCL) 示珊將伊的查某子互奴僕耶哈做某，伊給伊生子亞太。

36

(THR) A-thài siⁿ Ná-tan, Ná-tan siⁿ Sat-po̍at;

(BCL) 亞太生拿單；拿單生撒拔；

37

(THR) Sat-po̍at siⁿ Í-hut-la̍h, Í-hut-la̍h siⁿ Gô-pī-tek;

(BCL) 撒拔生以弗拉；以弗拉生俄備得；

38

(THR) Gô-pī-tek siⁿ Iâ-hō͘, Iâ-hō͘ siⁿ A-sat-lī-ngá;

(BCL) 俄備得生耶戶；耶戶生亞撒利雅；

39

(THR) A-sat-lī-ngá siⁿ Hi-lī-su, Hi-lī-su siⁿ Í-lī-a-sat;

(BCL) 亞撒利雅生希利斯；希利斯生以利亞薩；

40

(THR) Í-lī-a-sat siⁿ Se-su-mái, Se-su-mái siⁿ Sa-liông;

(BCL) 以利亞薩生西斯買；西斯買生沙龍；

41

(THR) Sa-liông siⁿ Iâ-ka-bí-ngá, Iâ-ka-bí-ngá siⁿ Í-lī-sa-má.

(BCL) 沙龍生耶加米雅；耶加米雅生以利沙瑪。

42

(THR) Iâ-la̍h-bia̍t ê hiaⁿ-tī Ka-le̍k ū kiáⁿ, tōa-kiáⁿ Bí-sa, sī Se-hut ê lāu-pē; koh Hi-pek-lûn ê lāu-pē Má-lí-sa ê kiáⁿ.

(BCL) 耶拉篾的兄弟迦勒有子大子米沙，是西弗的老父，閣希伯崙的老父瑪利沙的子。

43

(THR) Hi-pek-lûn ê kiáⁿ; khó-la̍h, Tha-phó͘-a, Lī-khéng, Sī-má.

(BCL) 希伯崙的子可拉、他普亞、利肯、示瑪。

44

(THR) Sī-má siⁿ La̍h-hâm, sī Iok-kan ê lāu-pē; Lī-khéng siⁿ Sa-mái. Sa-mái ê kiáⁿ Má-hûn;

(BCL) 示瑪生拉含，是約干的老父。利肯生沙買。

45

(THR) Má-hûn sī Pek-siok ê lāu-pē.

(BCL) 沙買的子瑪雲；瑪雲是伯夙的老父。

46

(THR) Ka-le̍k ê sòe-î Í-hoat siⁿ Hap-lân, Mô͘-sat, Ka-siā; Hap-lân siⁿ Ka-siā.

(BCL) 迦勒的細姨以法生哈蘭、摩撒、迦謝；哈蘭生迦謝。（

47

(THR) Ngá-tāi ê kiáⁿ; Lī-kiān, Iok-thán, Ki-san, Pí-le̍k, Í-hoat, Sa-a-hut.

(BCL) 雅代的子利健、約坦、基珊、毗力、以法、沙亞弗。）

48

(THR) Ka-le̍k ê sòe-î Má-ka siⁿ Sī-pia̍t, Te̍k-hap-ná.

(BCL) 迦勒的細姨瑪迦生示別、特哈拿，

49

(THR) Koh siⁿ Be̍k-má-ná ê lāu-pē Sa-a-hut, Boat-pí-ná kap Ki-pí-a ê lāu-pē Sī-hoat; Ka-le̍k ê cha-bó͘-kiáⁿ sī Ap-sat.

(BCL) 閣生麥瑪拿的老父沙亞弗、抹比拿及基比亞的老父示法。迦勒的查某子是押撒。

50

(THR) Ka-le̍k ê kiáⁿ-sun; Í-hoat-tha ê tōa-kiáⁿ; Hō͘-jíⁿ ê kiáⁿ, Ki-lia̍t-iâ-lîm ê lāu-pē Sok-pa;

(BCL) 迦勒的子孫以法他的大子、戶珥的子：基列耶琳的老父朔巴，

51

(THR) Pek-lī-hêng ê lāu-pē Sat-má, Pek-ka-tek ê lāu-pē Hap-le̍k.

(BCL) 伯利恆的老父薩瑪，伯迦得的老父哈勒。

52

(THR) Ki-lia̍t-iâ-lîm ê lāu-pē Sok-pa ū kiáⁿ; Hap-lô-í kap Bí-lô͘-hap lâng ê chı̍t-pòaⁿ.

(BCL) 基列耶琳的老父朔巴有子哈羅以及米努哈人的一半。

53

(THR) Ki-lia̍t-iâ-lîm hiah ê cho̍k; Í-thiap lâng, Pò͘-te̍k lâng, Sū-má lâng, Bı̍t-lâi lâng; koh tùi chiah ê cho̍k ū siⁿ-chhut Só-la̍h lâng kap Í-sı̍t-tô lâng.

(BCL) 基列耶琳許個族以帖人、布特人、舒瑪人、密來人，閣對諸個族有生出瑣拉人及以實陶人。

54

(THR) Sat-má ê kiáⁿ-sun; Pek-lī-hêng, Nî-tô-hoat lâng, A-tha-lio̍k-pek-iok-ap, Má-ná-hap lâng ê chı̍t-pòaⁿ, Só-lī lâng.

(BCL) 薩瑪的子孫伯利恆、尼陀法人、亞他綠伯約押、瑪拿哈人的一半、瑣利人，

55

(THR) Koh ū khiā-khí tī Ngá-pí-su chiah ê keng-ha̍k-sū ê ke, chiū-sī Tek-la̍h lâng, Sī-bí-ap lâng, Só͘-kah lâng. Chiah-ê lóng sī Ki-nî lâng, Lī-kah ê ke ê lāu-pē Hap-bo̍at só͘ siⁿ ê.

(BCL) 閣有徛起佇雅比斯諸個經學士的家就是特拉人、示米押人、蘇甲人。諸個攏是基尼人利甲的家的老父哈末所生的。

Bible Color Mark

• 台語漢字羅馬本
• 巴克禮全羅