歷代志上 第 23 章

1

(THR) Tāi-pı̍t nî lāu, jı̍t-chí móa-chiok, chiū siat-lı̍p i ê kiáⁿ Só͘-lô-bûn chòe Í-sek-lia̍t ông.

(BCL) 大衛年老，日子滿足，就設立伊的子所羅門做以色列王。

2

(THR) Tāi-pı̍t chū-chı̍p Í-sek-lia̍t ê chèng siú-léng, kap chiah ê chè-si, í-kı̍p Lī-bī lâng.

(BCL) 大衛聚集以色列的眾首領及諸個祭司以及利未人。

3

(THR) Lī-bī lâng tùi saⁿ-cha̍p hè í-chiūⁿ--ê, lóng kè-sǹg; chiàu só͘ sǹg ta-po͘-lâng ê gia̍h-sò͘, kiōng saⁿ-bān poeh-chheng.

(BCL) 利未人對三十歲以上者攏過算，照所算查甫人的額數共三萬八千；

4

(THR) Kî-tiong nn̄g-bān sì-chheng lâng kóan-lí Iâ-hô-hoa tiān ê kang, ū la̍k-chheng lâng chòe chit-ôan kap sū-su.

(BCL) 其中二萬四千人管理耶和華殿的工，有六千人做職員及士師。

5

(THR) Ū sì-chheng lâng chòe kò͘-mn̂g--ê; koh sì-chheng lâng chiong góa Tāi-pı̍t só͘ chòe ēng teh o-ló ê ga̍k-khì o-ló Iâ-hô-hoa.

(BCL) 有四千人做顧門者，閣四千人將我大衛所做用謳咾的樂器謳咾耶和華。

6

(THR) Tāi-pı̍t chiàu Lī-bī ê kiáⁿ, Kek-sūn, Ko-hat, Bí-la̍h-lī, lâi pun in ê kiáⁿ-sun ê pan-lia̍t.

(BCL) 大衛照利未的子革順、哥轄、米拉利來分的子孫的班列。

7

(THR) Sio̍k Kek-sūn ê lâng, La̍h-tàn kap Sī-múi.

(BCL) 屬革順的人拉但及示每。

8

(THR) La̍h-tàn ê kiáⁿ, tōa-ê sī Iâ-iat, koh ū Sè-tàn kap Iok-jíⁿ, kiōng saⁿ-lâng.

(BCL) 拉但的子大的是耶悅，閣有細坦及約珥，共三人。

9

(THR) Sī-múi ê kiáⁿ, Sī-lô-bı̍t, Hap-siat, Hap-lân, kiōng saⁿ-lâng; che sī La̍h-tàn cho̍k ê cho̍k-tiúⁿ.

(BCL) 示每的子示羅密、哈設、哈蘭共三人。這是拉坦族的族長。

10

(THR) Sī-múi ê kiáⁿ, Ngá-hap, Sè-ná, Iâ-o͘-si, Pí-lī-a, chí(**chit) sì-lâng chiū-sī Sī-múi ê kiáⁿ.

(BCL) 示每的子雅哈、細拿、耶烏施、比利亞此四人就是示每的子。

11

(THR) Ngá-hap sī tōa-kiáⁿ, tē-jī-ê Se-sat; to̍k-to̍k Iâ-o͘-si, Pí-lī-a ê kiáⁿ-sun bô jōa-chōe, só͘-í sǹg-chòe chı̍t-cho̍k.

(BCL) 雅哈是大子，第二個細撒。獨獨耶烏施、比利亞的子孫無偌多，所以算做一族。

12

(THR) Ko-hat ê kiáⁿ sī Àm-lân, Í-su-hap, Hi-pek-lûn, Ou-siat, kiōng sì-lâng.

(BCL) 哥轄的子是暗蘭、以斯哈、希伯倫、烏設共四人。

13

(THR) Àm-lân ê kiáⁿ, A-lûn, Mô͘-se; A-lûn kap i ê kiáⁿ-sun sī hun-piat kàu tī éng-óan, lâi hun-piat chì-sèng ê mı̍h chòe-sèng, tī Iâ-hô-hoa ê bīn-chêng sio-hiuⁿ, lâi ho̍k-sāi I, hōng I ê miâ chiok-hok, kàu tī éng-óan.

(BCL) 暗蘭的子亞倫、摩西。亞倫及伊的子孫是分別到佇永遠，來分別至聖的物做聖，佇耶和華的面前燒香，來服事伊，奉伊的名祝福，到佇永遠。

14

(THR) Lūn-kàu Siōng-tè ê lô͘-po̍k Mô͘-se, i ê kiáⁿ miâ-jī kì tī Lī-bī ê chi-phài tiong.

(BCL) 論到上帝的奴僕摩西，伊的子名字記佇利未的支派中。

15

(THR) Mô͘-se ê kiáⁿ sī Kek-sūn kap Í-lī-í-siā.

(BCL) 摩西的子是革舜及以利以謝。

16

(THR) Kek-sūn ê kiáⁿ, tōa-ê sī Sè-pò͘-gia̍p.

(BCL) 革舜的子大的是細布業；

17

(THR) Í-lī-í-siā ê kiáⁿ, Lī-hap-pí-ngá sī tōa-ê; Í-lī-í-siā bô pa̍t ê kiáⁿ; chóng-sī Lī-hap-pí-ngá ê kiáⁿ chin-chōe.

(BCL) 以利以謝的子利哈比雅是大的。以利以謝無別個子，總是利哈比雅的子真多。

18

(THR) Í-su-hap ê kiáⁿ, tōa-ê Sī-lô-bı̍t.

(BCL) 以斯哈的子大的示羅密。

19

(THR) Hi-pek-lûn ê kiáⁿ, tōa-ê Iâ-lī-ngá, tē-jī-ê sī A-má-lī-a, tē-saⁿ-ê sī Ngá-hap-sek, tē-sì sī Iâ-ka-biān.

(BCL) 希伯倫的子大的耶利雅，第二個是亞瑪利亞，第三個是雅哈悉，第四是耶加面。

20

(THR) Ou-siat ê kiáⁿ, tōa-ê sī Bí-ka, tē-jī-ê sī Iâ-se-ngá.

(BCL) 烏設的子大的是米迦，第二個是耶西雅。

21

(THR) Bí-la̍h-lī ê kiáⁿ; Bo̍at-lī, Bó͘-sī; Bo̍at-lī ê kiáⁿ; Í-lī-a-sat, Ki-sū.

(BCL) 米拉利的子抹利、某示。抹利的子以利亞撒、基士。

22

(THR) Í-lī-a-sat sí, bô kiáⁿ, chí-ū cha-bó͘-kiáⁿ, in ê hiaⁿ-tī Ki-sū ê kiáⁿ chhōa in.

(BCL) 以利亞撒死，無子，只有查某子，的兄弟基士的子娶。

23

(THR) Bó͘-sī ê kiáⁿ sī Bo̍at-le̍k, Í-tek, Iâ-lī-mô͘, kiōng saⁿ-lâng.

(BCL) 某示的子是末力、以得、耶利摩共三人。

24

(THR) Téng-bīn só͘ kì lóng sī Lī-bī ê kiáⁿ-sun, chiàu in lāu-pē ê ke lâi chòe cho̍k-tiúⁿ, ūi Iâ-hô-hoa ê chhù lâi chòe chhe-ēng ê kang; ta̍k-lâng tùi jī-cha̍p hè í-chiūⁿ siū-sǹg, lóng chiàu in ê miâ ê siàu-gia̍h lâi kè-sǹg.

(BCL) 頂面所記攏是利未的子孫，照老父的家來做族長，為耶和華的厝來做差用的工，逐人對二十歲以上受算，攏照的名的數額來計算。

25

(THR) In-ūi Tāi-pı̍t kóng, Iâ-hô-hoa Í-sek-lia̍t ê Siōng-tè, í-keng hō͘ I ê peh-sìⁿ pêng-an, koh I éng-óan tiàm-tī Iâ-lō͘-sat-léng.

(BCL) 因為大衛講：「耶和華──以色列的上帝已經互伊的百姓平安，閣伊永遠踮佇耶路撒冷。

26

(THR) Lī-bī lâng iā m̄-bián koh kng hōe-bō͘, kap kî-tiong só͘ ēng lóng-chóng ê khì-kū.

(BCL) 利未人也呣免閣扛會幕及其中所用攏總的器具。」

27

(THR) In-ūi chiàu Tāi-pı̍t lîm-chiong ê sî só͘ hoan-hù--ê, Lī-bī lâng tùi jī-cha̍p hè í-chiūⁿ lóng siū-sǹg.

(BCL) 因為照大衛臨終的時所吩咐的，利未人對二十歲以上攏受算。

28

(THR) In-ūi i ê chit sī kun-sûi A-lûn ê kiáⁿ-sun, lâi chòe Iâ-hô-hoa tiān ê kang, chiū-sī tī chiah ê īⁿ kap chiah ê pâng lâi chòe kang, ia̍h hō͘ chiah ê sèng-mı̍h chheng-khì, lâi chòe Iâ-hô-hoa tiān ê kang;

(BCL) 因為伊的職是跟隨亞倫的子孫，來做耶和華殿的工，就是佇諸個院及諸個房來做工，亦互諸個聖物清氣，來做耶和華殿的工，

29

(THR) liāu-lí pâi-lia̍t ê piáⁿ, sò͘-chè ê mī-hún, he̍k-sī bô-kàⁿ ê po̍h-piáⁿ, kap tiáⁿ-lāi só͘ pek, í-kı̍p tiau-hô ê mı̍h; koh kóan-lí chhìn, niû ê sū.

(BCL) 料理排列的餅，素祭的麵粉，或是無酵的薄餅，及鼎內所，以及調和的物，閣管理秤量的事；

30

(THR) Ta̍k chá-khí khiā-teh lâi kám-siā o-ló Iâ-hô-hoa, ta̍k ê-hng iā sī án-ni.

(BCL) 逐早起，徛來感謝謳咾耶和華，逐下昏也是按呢，

31

(THR) Koh tī an-hioh-jı̍t, ge̍h ê chhoe-it, kap choeh-kî, hiàn chiah ê sio-chè hō͘ Iâ-hô-hoa, chiàu mı̍h ê siàu-gia̍h, chiàu só͘ tiāⁿ-tio̍h ê lē, siông-siông hiàn tī Iâ-hô-hoa ê bīn-chêng.

(BCL) 閣佇安息日、月的初一，及節期，獻諸個燒祭互耶和華，照物的數額，照所定著的例，常常獻佇耶和華的面前；

32

(THR) Koh hō͘ i kò͘-siú hōe-bō͘ ê chek-sêng, kap sèng-só͘ ê chek-sêng, í-kı̍p i ê hiaⁿ-tī A-lûn ê kiáⁿ-sun só͘ hō͘ i chòe ê chek-sêng, lâi ho̍k-sāi tī Iâ-hô-hoa ê chhù.

(BCL) 閣互伊顧守會幕的責成，及聖所的責成，以及伊的兄弟亞倫的子孫所互伊做的責成，來服事佇耶和華的厝。

Bible Color Mark

• 台語漢字羅馬本
• 巴克禮全羅